រាជធានីភ្នំពេញ ៖ តាំងពីជំនាន់ឆ្នាំ១៩៩០ប្លាយ រហូតមកដល់ឆ្នាំ២០២៤នេះ អ្នកណាមិនល្បីនៅរាជធានីភ្នំពេញ ចោរជំនាញខាងកាច់កម៉ូតូឈ្មោះ សន ធី ហៅក្លូ ល្បីរហូតពេលខ្លះ…
រាជធានីភ្នំពេញ ៖ តាំងពីជំនាន់ឆ្នាំ១៩៩០ប្លាយ រហូតមកដល់ឆ្នាំ២០២៤នេះ អ្នកណាមិនល្បីនៅរាជធានីភ្នំពេញ ចោរជំនាញខាងកាច់កម៉ូតូឈ្មោះ សន ធី ហៅក្លូ ល្បីរហូតពេលខ្លះ ក្លូ នៅក្នុងគុកឲ្យតែមានករណីចោរលួចកាច់សោម៉ូតូ ប្រាកដណាស់ម្នាក់ៗ របូតថា “គ្មានចោរមកពីណាក្រៅពីអាក្លូ” ទេ ។ ជាក់ស្តែង សន ធី ហៅក្លូ ជាចោរលួចកាច់សោម៉ូតូជើងចាស់រូបនេះ ទើបចេញពីគុកបាន ១ខែ ក៏ធ្វើសកម្មភាពលួចម៉ូតូ ៣ករណីទៀត ដែលពេលនេះ ត្រូវបានសមត្ថកិច្ចចាប់ខ្លួន និងបញ្ជូនទៅពន្ធនាគារវិញ។ ហើយក៏អាចចាត់ទុកថា មួយជីវិតរបស់ សន ធី ហៅក្លូ គ្មានការកែប្រែចិត្ត គំនិតពីសន្តាន “ចោរ” ទៅជាមនុស្សល្អ រស់ក្នងសង្គមដូចគេឯងទេ អ៊ីចឹងមានតែឲ្យគាត់ដេកក្នុងគុករហូតទៅ ព្រោះបើឲ្យគាត់ នៅក្រៅឃុំ ប្រជាពលរដ្ឋខ្វាយខ្វល់ តែរឿងចោរលួចម៉ូតូ ។
លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល រាជធានីភ្នំពេញ បានឲ្យដឹងថា ដោយទទួលបានបញ្ជាដឹកនាំដ៏ខ្ពង់ខ្ពស់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាល រាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ និងលោកឧត្តមសេនីយ៍ទោ លី ប៊ុនអេង ស្នងការរងទទួលការិយាល័យព្រហ្មទណ្ឌកំរិតស្រាល កាលពីថ្ងៃទី២៤ និងថ្ងៃទី២៥ ខែកក្កដា ឆ្នាំ២០២៤ លោកបានដឹកនាំកម្លាំងផ្ទាល់ សហការជាមួយប៉ុស្តិ៍នគរបាលរដ្ឋបាលបឹងកក់២ ខណ្ឌទួលគោក នគរបាលស្រុកត្រាំកក់ និងនគរបាលស្រុ កទ្រាំង ខេត្តតាកែវ ស្រាវជាវ និងឃាត់ខ្លួនជនសង្ស័យជាចោរកាច់សោម៉ូតូ បន្តបន្ទាប់ចំនួន៣នាក់ ព្រមទាំងដកហូតម៉ូតូចំនួន៤គ្រឿង ពាក់ពន្ធអំពើលួច(លួចយកម៉ូតូរបស់ប្រជាពលរដ្ឋ) ចំនួន០៣ករណី ។
ជនសង្ស័យទាំង៣នាក់ មាន ៖
១.ឈ្មោះ សន ធី ហៅ ក្លូ ភេទប្រុស អាយុ ៦២ ឆ្នាំ មុខរបរ (ចោរជើងចាស់ ទើបចេញពីពន្ធនាថ្ងៃទី១២ ខែមិថុនា ឆ្នាំ២០២៤)
២.ឈ្មោះ ផាន់ វណ្ណា ហៅ វែង ភេទប្រុស អាយុ៤៤ ឆ្នាំ អ្នកទទួលផលចោរកម្ម (ទិញម៉ូតូចោរ)
៣-ឈ្មោះ មា វណ្ណី ហៅ នី ភេទប្រុស អាយុ៤៤ ឆ្នាំ អ្នកទទួលផលចោរកម្ម (ទិញម៉ូតូចោរ)។
លោកវរសេនីយ៍ឯក ម៉ម សាវន បន្តថា អំពើលួចចំនួន៣ ករណីនោះមាន ៖
១.លួចយកម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៧ ពាក់ផ្លាកលេខភ្នំពេញ១GF-១៧១២ ប្រព្រឹត្តនៅចំណុចក្នុងក្រសួងសុខាភិបាលអគាលេខ៨០ ផ្លូវលេខ២៨៩ ក្រុម១៤ សង្កា ត់ បឹងកក់២ ខណ្ឌទួលគោក រាជធានីភ្នំពេញ កាលពីថ្ងៃទី២៤ ខែមិថុនា ឆ្នាំ២០២៤ វេលាម៉ោងប្រហែល០៩ និង៣០ នាទី ជនរងគ្រោះជាម្ចាស់ម៉ូតូមានឈ្មោះ ប៊ិត រ៉ាវី ភេទប្រុស អាយុ៥៩ ឆ្នាំ មុខរបរ មន្ត្រីក្រសួងសុខាភិបាល ។
២.លួចម៉ូតូ១គ្រឿង ម៉ាកហុងដាសេ១២៥ ពណ៌ខ្មៅ សេរីឆ្នាំ២០១៤ ពាក់ផ្លាកលេខភ្នំពេញ១DF-០២៧៣) ប្រព្រឹត្តនៅចំណុចក្នុងក្រសួងព័ត៌មាន អគារAKP ផ្លូវលេខ៩៣ ភូមិ៦ សង្កា ត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី១៩ ខែ កក្កដា ឆ្នាំ២០២៤ វេលាម៉ោងប្រហែល ១០ និង ៣០ នាទីជនរង គ្រោះម្ចាស់ម៉ូតូឈ្មោះ សេង សុវណ្ណារិទ្ធ ភេទប្រុស អាយុ៤៩ ឆ្នាំ មុខរបរ ជំនួយការក្រសួងព័ត៌មាន ។
៣.លួចយកម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៦ ពាក់ផ្លាកលេខភ្នំពេញ១FR-៦៩៤៦ ប្រព្រឹត្តនៅចំណុចក្នុងវត្តសំពៅមាស ភូមិ៦ សង្កាត់បឹងព្រលឹត ខណ្ឌ៧មករា រាជធានីភ្នំពេញ កាលពីថ្ងៃទី២៩ ខែមិថុនា ឆ្នាំ២០២៤ វេលាម៉ោងប្រហែល០៥ និង ៣០ នាទី ដែលជនរងគ្រោះម្ចាស់ម៉ូតូឈ្មោះ លីម ស៊ីខុង ភេទប្រុស អាយុ៥៤ ឆ្នាំ មុខរបរ រត់ម៉ូតូឌុប ។
សម្ភារចាប់យកម៉ូតូ៤ គ្រឿង ៖
១.ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២០ពាក់ស្លាកលេខ កំពត១U-២៤៩២ ។
២.ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៧ ពាក់ផ្លាក លេខព្រៃវែង១H-០៨៩៤ ។
៣.ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៦ពាក់ស្លាក លេខព្រៃវែង១H-១៦៤៨ ។
៤.ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៦ពាក់ស្លាកលេខ ភ្នំពេញ១FR-៦៩៤៦(ម៉ូតូរបស់ជនរងគ្រោះឈ្មោះ លីម ស៊ីខុង) ។
ក្រោយឃាត់ខ្លួនជនសង្ស័យ និងវត្ថុតាងម៉ូតូ៤គ្រឿង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញ តាមនីតិវិធី ៕
អាក្លូ ពាក់អាវស ចោរជើងចាស់ កាច់សោម៉ូតូ
ចែករំលែកព័តមាននេះ