រាជធានីភ្នំពេញ ៖ ស្ដ្រីម្នាក់បើកបររថយន្តពេលមេឃកំពុងតែធ្លាក់ភ្លៀងលាយឡំ និងខ្យល់ផង ស្រាប់តែត្រូវមែកដើមពោធិ៍បាក់ធ្លាក់លើរថយន្តបណ្ដាលឲ្យបែកកញ្ចក់ ខូចខាតយ៉ាងដំណំ នៅវេលាម៉ោង៧និង៤៥នាទីយប់ ថ្ងៃទី២៤ ខែកក្កដានេះ ស្ថិតនៅតាមបណ្ដោយផ្លូវសហព័ន្ធរុស្ស៊ី…
រាជធានីភ្នំពេញ ៖ ស្ដ្រីម្នាក់បើកបររថយន្តពេលមេឃកំពុងតែធ្លាក់ភ្លៀងលាយឡំ និងខ្យល់ផង ស្រាប់តែត្រូវមែកដើមពោធិ៍បាក់ធ្លាក់លើរថយន្តបណ្ដាលឲ្យបែកកញ្ចក់ ខូចខាតយ៉ាងដំណំ នៅវេលាម៉ោង៧និង៤៥នាទីយប់ ថ្ងៃទី២៤ ខែកក្កដានេះ ស្ថិតនៅតាមបណ្ដោយផ្លូវសហព័ន្ធរុស្ស៊ី ចំណុចភូមិប៉ប្រកខាងជើង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញរងគ្រោះម៉ាក KIA ពណ៌ទឹកមាស ពាក់ស្លាកលេខ ភ្នំពេញ2BL4619 ធ្វើដំណើរតាបបណ្ដោយផ្លូវសហព័ន្ធរុស្ស៊ី ទិសដៅពីកើតទៅលិច ក្នុងល្បឿនលឿនមធ្យម លុះមកដល់ចំណុចខាងលើ ស្រាប់តែត្រូវបានមែកដើមពោធិ៍បាក់ធ្លាក់សង្កត់លើរថយន្ត បណ្ដាលឲ្យរងការបែកកញ្ចក់ និងក្រពឹត តែមិនមានរងរបួសដល់តៃកុងអ្នកបើកបរនោះទេ ។
ក្រោយកើតហេតុ ប្រជាពលរដ្ឋសហការជាមួយ និងអជ្ញាធរភូមិបាននាំគ្នាកា.ប់លើកមែកឈើចេញពីរថយន្ដ ដើម្បីសម្រួលចរាចរណ៍កុំឲ្យកកស្ទះ ចំណែកម្ចាស់រថយន្តបានទុករថយន្តចោលដើរចេញទៅបាត់ហាក់ដូចមិនខ្វល់ពីគ្រោះថ្នាក់កើតបន្តទៀតសោះ ។ បន្ទាប់មករថយន្តខាងលើ ត្រូវបាននគរបាលមូលដ្ឋានស្ទូចយកទៅរក្សាទុកនៅការិយាល័យចរាចរណ៍ខណ្ឌពោធិ៍សែនជ័យបណ្ដោះអាសន្ន ៕
ចែករំលែកព័តមាននេះ