ខេត្តកំពង់ចាម ៖ ទីលានចាក់សំរាម ស្ថិតនៅភូមិកោះរកាក្នុង ឃុំកោះរកា ស្រុកកំពង់សៀម ដែលមានផ្ទៃដីប្រមាណជាង១៨ហិកតា គឺស្ថិតនៅឆ្ងាយពីលំនៅឋានរបស់ប្រជាពលរដ្ឋជាង៥គីឡូម៉ែត្រ គិតមកដល់ពេលនេះ គឺស្ថាបនាបានប្រមាណ៨០%…
ខេត្តកំពង់ចាម ៖ ទីលានចាក់សំរាម ស្ថិតនៅភូមិកោះរកាក្នុង ឃុំកោះរកា ស្រុកកំពង់សៀម ដែលមានផ្ទៃដីប្រមាណជាង១៨ហិកតា គឺស្ថិតនៅឆ្ងាយពីលំនៅឋានរបស់ប្រជាពលរដ្ឋជាង៥គីឡូម៉ែត្រ គិតមកដល់ពេលនេះ គឺស្ថាបនាបានប្រមាណ៨០% ហើយ ។ ជាមួយនោះក្រសួងសាធារណការនិងដឹកជញ្ជូនដែលជាម្ចាស់គម្រោង គឺមានបំណងចង់យកការគ្រប់គ្រងក្រោមចំណុះរបស់រដ្ឋវិញ។ហើយអាជ្ញាធរឱ្យក្រុមហ៊ុនពន្លឿនការស្ថាបនាប្រព័ន្ធលូ និងការជីកទុយោទឹកបង្កប់តាមផ្លូវធ្វើយ៉ាងណា កែលម្អឲ្យបានដូចសភាពដើម ចៀសវាងកុំឱ្យពលរដ្ឋមានសតិអារម្មណ៍មិនល្អដែលយើងខំចំណាយអស់រាប់លានដុល្លារ។
សូមបញ្ជាក់ថា លោកហេង វណ្ណី អភិបាលរងខេត្ត តំណាងលោកអ៊ុន ចាន់ដា អភិបាលខេត្តបានដឹកនាំក្រុមការងារអញ្ជើញចុះពិនិត្យវឌ្ឍនភាពនៃទីលានចាក់សំរាមនៅឃុំកោះរកា ស្រុកកំពង់សៀម ដោយធ្វើឡើង កាលពីព្រឹកថ្ងៃទី២៣ កក្កដា បន្ទាប់មក បានពិនិត្យកន្លែងបូមទឹកកខ្វក់ចេញពីក្រុងនៅសង្កាត់សំបូរមាស និងតំបន់មួយចំនួនទៀតនៅក្នុងក្រុងកំពង់ចាម ជាមួយនោះ គេបានឃើញក្រុមហ៊ុនស្ថាបនាកំពុងតែញាប់ដៃជើង ធ្វើយ៉ាងណាឲ្យរួចមុនផែនការ នាដំណាច់ឆ្នាំ២០២៤ ខាងមុខ ។
នៅរសៀលថ្ងៃទី២៣ កក្កដា នាសាលប្រជុំតូចសាលាខេត្ត លោកអ៊ុន ចាន់ដា អភិបាលខេត្ត មានប្រសាសន៍លើកឡើងថា ចំពោះសង្កាត់ដែលពាក់ព័ន្ធ គឺមានសង្កាត់កំពង់ចាម សង្កាត់វាលវង់ និងមួយផ្នែកសង្កាត់សំបូរមាស គឺកន្លែងធ្វើអាងទឹកចម្រោះទឹកកខ្វក់ចេញពីក្នុងក្រុងកំពង់ចាម។
សូមបញ្ជាក់ថា នៅចំណុចកន្លែងអាងទឹកចម្រោះទឹកកខ្វក់នេះ គឺធ្វើឲ្យចែកខណ្ឌដាច់បើសិនឬប្រជាជនចង់ធ្វើដំណើរត្រូវតែជិះមួយជុំ ទើបដល់សាលារៀនបឋមសិក្សាហ៊ុន ណេង ដែលស្ថិតនៅភូមិតាណេង ជាមួយនោះសូមស្នើដល់ម្ចាស់ជំនួយADB ធ្វើយ៉ាងណា សិក្សាអាចស្ថាបនាស្ពានបេតុងកាត់ត្រង់ទីតាំងចម្រុះអាងទឹកកខ្វក់ដើម្បីងាយស្រួលដល់ពលរដ្ឋឬសិស្សានុសិស្សអាចជិះកង់ម៉ូតូនិងរថយន្តធុនតូចអាចបើកឆ្លងកាត់បានដោយមិនរាងដូចកាលពីមុន នេះគឺជាផ្នែកមួយដែលទាក់ទែងនៅវិស័យទេសចរណ៍ផងដែរ ។
មួយវិញទៀត ផ្លូវមួយចំនួនក្នុងក្រុងកំពង់ចាម ពេលដែលជីកដាក់ទុយយោទឹក និងប្រព័ន្ធលូ ។ ធ្វើឲ្យផ្លូវក្រហេងក្រហម ហើយក៏មានកន្លែងខ្លះប៉ះពាល់ដល់លំនៅឋានរបស់ពលរដ្ឋដែលប្រកបរបរអាជីវកម្មលក់ដូរប្រចាំថ្ងៃ។សូមឱ្យក្រុមហ៊ុនពន្លឿនការស្ថាបនាហើយតាមការដែលដឹងគឺនៅខែសីហាខាងមុខនេះ ផ្លូវមួយចំនួននិងត្រូវបានអ៊ុតកៅស៊ូឡើងវិញជាបណ្ដើរៗឱ្យស្អាតដូចសភាពដើមងាយស្រួលបងប្អូនប្រជាពលរដ្ឋធ្វើដំណើរទាំងនេះគឺអាចបញ្ជៀសបាននៅការប៉ះពាល់សតិអារម្មណ៍របស់បងប្អូនប្រជាពលរដ្ឋ ។
លោកវង្ស ពិសិទ្ឋ ប្រធានគម្រោង និងជាអនុរដ្ឋលេខាធិការក្រសួងសាធារណការ និងដឹកជញ្ជូនមានប្រសាសន៍ឲ្យដឹងដែរថា នៅពេលខាងមុខ ទីលានចាក់សំរាមដែលស្ថិតនៅក្នុងឃុំកោះរកា ស្រុកកំពង់សៀម គឺអាចនឹងយកមកស្ថិតនៅក្រោមការគ្រប់គ្រងរបស់រដ្ឋវិញ ។ ព្រោះថា ពីមុនមានក្រុមហ៊ុនឯកជនដែលប្រមូលសំរាមនៅក្នុងក្រុងកំពង់ចាម និងតាមបណ្ដាស្រុកមួយចំនួនឃើញថាកន្លែងផ្ទះដែលពលរដ្ឋក្រីក្រគឺមិនសូវប្រមូលនោះទេ។
ចំពោះសំរាមដែលយកទៅចាក់នៅទីលានសំរាមដែលធ្វើដោយស្តង់ដារបច្ចេកទេសក្រោមជំនួយរបស់ADB គឺយើងនឹងមានការញែកប្រភេទសំរាមស្ងួត សើម ក្នុងនោះ យើងអាចប្រែក្លាយសំរាមទៅជាជីកំប៉ុសដែលមានអត្ថប្រយោជន៍ សម្រាប់បងប្អូនប្រជាកសិករយកទៅប្រើប្រាស់។ដាក់នៅលើផលដំណាំបង្កើនទិន្នផលខ្ពស់ទៀតផង។
បើខេត្តកំពង់ចាមទទួលបានជោគជ័យលើការគ្រប់គ្រងសំរាមនេះនឹងយកទៅអនុវត្តនៅតាមបណ្ដាខេត្ត-រាជធានីផ្សេងទៀត ។
ចែករំលែកព័តមាននេះ