ខេត្តកំពង់ស្ពឺ ៖ ភ្លៀងធ្លាក់ជាប់គ្នាប៉ុន្មានថ្ងៃចុងក្រោយនេះ ធ្វើឱ្យទឹកភ្លៀងបានជន់លិចផ្ទះសម្បែង សាលារៀន និងដំណាំស្រែស្រូវរបស់បងប្អូនប្រជាពលរដ្ឋនៅក្នុងស្រុកគងពិសី និងស្រុកបសេដ្ឋបន្តិចបន្តួច អាជ្ញាធរកំពុងតែមានវិធានការទប់ស្កាត់ ។ ករណីទឹកភ្លៀងជន់លិចនេះដែរ…
ខេត្តកំពង់ស្ពឺ ៖ ភ្លៀងធ្លាក់ជាប់គ្នាប៉ុន្មានថ្ងៃចុងក្រោយនេះ ធ្វើឱ្យទឹកភ្លៀងបានជន់លិចផ្ទះសម្បែង សាលារៀន និងដំណាំស្រែស្រូវរបស់បងប្អូនប្រជាពលរដ្ឋនៅក្នុងស្រុកគងពិសី និងស្រុកបសេដ្ឋបន្តិចបន្តួច អាជ្ញាធរកំពុងតែមានវិធានការទប់ស្កាត់ ។
ករណីទឹកភ្លៀងជន់លិចនេះដែរ សមត្ថកិច្ចខេត្តខេត្តកំពង់កំពង់ស្ពឺបានដាក់បទបញ្ជាឱ្យអធិការដ្ឋាននគរបាលក្រុងស្រុកទាំង០៩ ត្រូវត្រៀមសម្ភារមធ្យោបាយកំលាំងជួយសង្គ្រោះប្រជាពលរដ្ឋ-សត្វពាហនៈក្នុងពេលចាំបាច់ជាបន្ទាន់ ។
ខេត្តកំពង់ស្ពឺដោយសារតែស្ថានភាពភ្ញៀងធ្លាក់ជាប់គ្នាប៉ុន្មានថៃ្ងនេះ បានបង្កឱ្យមានជំនន់ទឹកភ្ញៀងជន់លិចក្នុងភូមិសាស្ដ្រខេត្តកំពង់ស្ពឺ ក្នុងនោះ មានស្រុកគងពិសី ស្រុកបសេដ្ឋ និងអាចបង្កទៅកាន់ស្រុកមួយចំនួនទៀតដែលស្ថិតនៅប៉ែកខាងក្រោមនៃចរន្ដទឹកហូរ ។
លោកឧត្តមសេនីយ៍ទោស្នងការនគរបាលខេត្តកំពង់ស្ពឺបានជម្រុញអោយអធិការក្រុង ស្រុក បង្កើនការក្ដាប់ចុះដល់មូលដ្ឋានឃុំ សង្កាត់ ពិនិត្យបន្ទាន់លើហានិភ័យដែលអាចនឹងកើតមានក្នុងករណីត្រូវត្រៀមនូវសម្ភារៈមធ្យោបាយសង្គ្រោះ និងកំលាំងសមត្ថកិច្ច ។
ជាក់ស្តែង នៅព្រឹកថ្ងៃទី១៨ ខែកក្កដា ឆ្នាំ២០២៤ នេះ ឯកឧត្ដមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានអញ្ជើញដឹកនាំមន្ត្រីជំនាញ ពាក់ព័ន្ធចុះពិនិត្យទីតាំងជំនន់ទឹកភ្លៀងក្នុងភូមិសាស្ត្រភូមិព្រៃនូក ឃុំស្នំក្រពើ ស្រុកគងពិសី ខេត្តកំពង់ស្ពឺ ។
បើយោងតាមរបាយការណ៍របស់មន្ទីធនធានទឹក និងឧតុនិយមខេត្តកំពង់ស្ពឺ គិតត្រឹមរសៀលថ្ងៃទី១៨ ខែកក្កដា ឆ្នាំ២០២៤ នេះ ស្ថានភាពទឹកដែលប៉ះពាល់លំនៅដ្ឋានប្រជាពលរដ្ឋបានស្រកចុះវិញហើយ៕
ចែករំលែកព័តមាននេះ