ស្រាវជ្រាវឃាត់ខ្លួនជនសង្ស័យ០៣នាក់ ករណីឆក់កាបូបស្ពាយបុគ្គលិកទូរទស្សន៍ហង្សមាស
រាជធានីភ្នំពេញ ៖ ដោយទទួលបានបញ្ជាពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា…
រាជធានីភ្នំពេញ ៖ ដោយទទួលបានបញ្ជាពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា ស្នងការរង ផែនការងារនគរបាលព្រហ្មទណ្ឌ និងលោកឧត្តមសេនីយ៍ទោ លី ប៊ុនអេង ស្នងការរង ទទួលដឹកនាំការិយាល័យ នៅថ្ងៃទី១៤ និងទី១៦ ខែកក្កដា ឆ្នាំ២០២៤ កម្លាំងជំនាញការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវឃាត់ខ្លួនជនសង្ស័យជាបន្តបន្ទាប់ ចំនួន០៣នាក់ ពាក់ព័ន្ធឆក់យកកាបូបស្ពាយបុគ្គលិកទូរទស្សន៍ហង្សមាស ប្រព្រឹត្តនៅចំណុចមុខផ្សារស៊ីធីម៉ល ផ្លូវលេខ២១៧ សង្កាត់វាលវង់ ខណ្ឌ៧មករា កាលពីថ្ងៃទី០៦ ខែកក្កដា ឆ្នាំ២០២៤ ។
លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានឱ្យដឹងថា ជនសង្ស័យចំនួន០៣នាក់ ឃាត់ខ្លួនរួមមាន ៖
១-ឈ្មោះ សួស សុវណ្ណវិរៈ ភេទ ប្រុស ជនជាតិ ខ្មែរ ។
២-ឈ្មោះ គឿង សុជាតិ ភេទ ប្រុស ជនជាតិ ខ្មែរ ។
៣-ឈ្មោះ ផាត់ យូសែប ហៅ យ៉េប ភេទ ប្រុស ជនជាតិ ខ្មែរ ។
វត្ថុតាងចាប់យក ៖ ម៉ូតូម៉ាកស៊ុយហ្ស៊ុយគីនិច សេរីឆ្នាំ២០២០ ពាក់ស្លាកលេខ ភ្នំពេញ 1IL-2091 ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២៤ ពាក់ស្លាកលេខភ្នំពេញ 1KQ-4171 ម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ 1JP-0561 មួកសុវត្ថិភាព ចំនួន០១, អាវដៃវែង ពណ៌ខ្មៅ ចំនួន០១, កាបូបស្ពាយ ពណ៌ខ្មៅ ចំនួន០១ (ជារបស់ជនរងគ្រោះ), កុំព្យូទ័រឡេបថប់ម៉ាក ASUS ពណ៌ប្រផេះ ចំនួន០១គ្រឿង (ជារបស់ជនរងគ្រោះ) ។
សម្ភារបាត់បង់ ៖ កាបូបស្ពាយ ពណ៌ខ្មៅ ចំនួន០១, កុំព្យូទ័រឡេបថប់ ម៉ាក ASUS ពណ៌ប្រផេះ ចំនួន០១គ្រឿង, ប្រអប់ដាក់ឯកសារមួយចំនួន, កាបូបប្រាក់ចំនួន០១, អត្តសញ្ញាណបណ្ណ, កាតធនាគារ, កាត ប.ស.ស និងកាតបុគ្គលិកទូរទស្សន៍ហង្សមាស ។
បច្ចុប្បន្ន ជនសង្ស័យ និងវត្ថុតាងខាងលើ កម្លាំងជំនាញការិយាល័យ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕
ចែករំលែកព័តមាននេះ