រាជធានីភ្នំពេញ ៖ បុរសជាជនពិការ និងអនាថាម្នាក់ ស្នាក់អាស្រ័យនៅក្នុងវត្តតាំងក្រសាំងខាងជើង បានរអិលជើងដាច់ផ្ញារធ្លាក់ចូលស្រះទឹកលិចបាត់ រកពុំទាន់ឃើញកាលពីល្ងាចថ្ងៃទី១៧ ខែកក្កដា ឆ្នាំ២០២៤ ត្រូវបានកងកម្លាំង៩១១ បានចុះមុជទឹករកស.ពឃើញហើយនៅម៉ោងជាង៧យប់ ថ្ងៃដដែលនេះ ហើយប្រគលឲ្យសាច់ញាតិ យកទៅធ្វើបុណ្យតាមប្រពៃណី ។
សូមជម្រាបថា «ជនពិការអនាថាម្នាក់ អង្គុយលេងទូរសព្ទមាត់ស្រះ ក្នុងវត្តតាំងក្រសាំង ដាច់ផ្ងារធ្លាក់ទឹកលិចបាត់រកពុំឃើញ»ហេតុការណ៍នេះ បង្កអោយមានការភ្ញាក់ផ្អើលកាលពីវេលាម៉ោងប្រមាណ០៥និង៥៥នាទីល្ងាចថ្ងៃទី១៧ ខែកក្កដា ឆ្នាំ២០២៤ នៅក្នុងវត្តតាំងក្រសាំងខាងជើង ក្នុងសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះ ដែលបានលង់ទឹករូបនោះ ឈ្មោះសុខ វណ្ណះ អាយុជាង៣០ឆ្នាំ ជាជនពិការស្វិតជើងខាងស្តាំ និងជាជនអនាថា ស្នាក់នៅសាលាបាលី ក្នុងវត្តកន្លែងកើតហេតុ និងមានស្រុកកំណើតនៅខេត្តកំពង់ចាម ។
តាមសាក្សី បានអោយដឹងថា នៅមុនពេលកើតហេតុគេឃើញជនពិការរូបនោះ បានមកអង្គុយលេងទូរសព្ទលើខឿនមាត់ស្រះទឹក ក្បែរស្លាកឈ្មោះ ហើយក៍បានរអិលជើង ដាច់ផ្ញារទៅក្រោយ ធ្លាក់ទឹកលិចបាត់ខ្លួន ។
តាមព័ត៌មាន អោយដឹងទៀតថា មុនដំបូងមានមនុស្ស២នាក់ បានឃើញហើយពុំហ៊ានចុះជួយឡើយ ។ ក្រោយមក គេឃើញជនរងគ្រោះអណ្តែតទៅកណ្តាល ហែលទឹកខ្វៃ រួចក៍៏លិចបាត់ទៅវិញភ្លាមៗ បង្កអោយមានការភ្ញាក់ផ្អើលយ៉ាងខ្លាំង ហើយប្រជាពលរដ្ឋនាំគ្នា ជួយរាវរក តែពុំទាន់ឃើញឡើយ ។
តាមព័ត៌មានដឹងថា ជនរងគ្រោះជាជនអនាថា និងពិការ រូបនេះ ដើមឡើយគាត់បានមកស្នាក់អាស្រ័យ នៅក្នុងចេតីយ៍ ហើយ ត្រូវបានព្រះសង្ឃ ហៅអោយទៅស្នាក់នៅក្នុងសាលាបាលី រស់នៅដោយសារការអាណិតអាសូរពីពុទ្ធបរិស័ទ និងដើរសុំទាន តែអកុសល ក៍បានជួបគ្រោះថ្នាក់លង់ទឹកស្លា.ប់បែបនេះ ។
គួរបញ្ជាក់ថា ស្រះទឹកវត្តតាំងក្រសាំងខាងជើងនេះ មានជម្រៅ ប្រមាណ៥ម៉ែត្រ ។ កន្លងមក ធ្លាប់ព្រះសង្ឃមួយ១អង្គ ក៍បានលង់ទឹកលិចបាត់ រហូតដល់អណ្តែត ទើបបង្កអោយមានការភ្ញាក់ផ្អើល ហើយលើកនេះជនពិការម្នាក់ទៀត ក៏បានលង់ទឹកស្លាប់ផងដែរ ៕
![](https://kohsantepheapdaily.com.kh/wp-content/uploads/2024/07/eb6d9af32bb93f39490b3a5f7aec0443.jpg)
![](https://kohsantepheapdaily.com.kh/wp-content/uploads/2024/07/fae13bad59608f72986418037fe658b6.jpg)
![](https://kohsantepheapdaily.com.kh/wp-content/uploads/2024/07/bd4954057c72380f4a84e00c85782cff.jpg)
![](https://kohsantepheapdaily.com.kh/wp-content/uploads/2024/07/8bda3973dae4601bd8546b84057c426c.jpg)
![](https://kohsantepheapdaily.com.kh/wp-content/uploads/2024/07/1450caa2a7149073a228de7560242d75.jpg)
![](https://kohsantepheapdaily.com.kh/wp-content/uploads/2024/07/9f05c5b8d14eaab3216c666c37571573.jpg)
![](https://kohsantepheapdaily.com.kh/wp-content/uploads/2024/07/5a890f6059a1ec20d3414fe85b37db04.jpg)
![](https://kohsantepheapdaily.com.kh/wp-content/uploads/2024/07/527583f2c4a561f1698e460d2145b249.jpg)
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ