គិតត្រឹមថ្ងៃទី១៤ ខែកក្កដា ឧទ្ធម្ភាគចក្របាត់ខ្លួន នៅតែរកមិនឃើញ ចំណែកវាសនា អ្នកនៅក្នុងនោះមិនទាន់ដឹងដែរ ។ ក្រសួងការពារជាតិ បាននិយាយថា ក្រោមកិច្ចខិតខំប្រឹងប្រែង…
គិតត្រឹមថ្ងៃទី១៤ ខែកក្កដា ឧទ្ធម្ភាគចក្របាត់ខ្លួន នៅតែរកមិនឃើញ ចំណែកវាសនា អ្នកនៅក្នុងនោះមិនទាន់ដឹងដែរ ។
ក្រសួងការពារជាតិ បាននិយាយថា ក្រោមកិច្ចខិតខំប្រឹងប្រែង យ៉ាងយកចិត្តទុកដាក់ពីក្រុមការងារជួយសង្គ្រោះ អស់រយៈពេលពេញមួយថ្ងៃ ចាប់តាំងពីព្រឹកថ្ងៃទី១៣ ខែកក្កដា ឆ្នាំ២០២៤ ក្រោមអាកាសធាតុមិនអំណោយផល និងឧបសគ្គជាច្រើនក្នុងបេសកកម្មរុករកឧទ្ធម្ភាគចក្រមួយគ្រឿង ដែលបានបាត់បង់ ការទាក់ទងពីទីបញ្ជាការទ័ពអាកាស ក្នុងពេលកំពុងហាត់ហ្វឹកហ្វឺន នៅភូមិសាស្ត្រជួរភ្នំក្រវាញ ស្ថិតក្នុងខេត្តពោធិ៍សាត់ និងខេត្តកោះកុង ក្រុមការងារជួយសង្គ្រោះនៅមិនទាន់ប្រទះ ឬរកឃើញឧទ្ធម្ភាគចក្រនេះនៅឡើយ ។
នៅព្រឹកថ្ងៃទី ១៤ ខែកក្កដា ឆ្នាំ២០២៤ នេះ ក្រុមការងារជួយសង្គ្រោះ ដែលមានការចូលរួមពីបណ្តាកងឯកភាពពាក់ព័ន្ធក្នុងភូមិសាស្ត្របាត់បង់ ឧទ្ធម្ភាគចក្រនឹងខិតខំប្រឹងប្រែងបន្តសកម្មភាពស្វែងរកឧទ្ធម្ភាគចក្រដែលបានបាត់បង់បន្តទៀត ៕
ចែករំលែកព័តមាននេះ