ADផ្ទាំងផ្សព្វផ្សាយពាណិជ្ជកម្ម

Picture

កងទ័ពជើងគោក​កម្ពុជា និង​កង​ស្វ័យការពារ​ជប៉ុន ប្តេជ្ញា​ពង្រឹង និង​ពង្រីក​កិច្ច​សហប្រតិបត្តិការ​ផ្នែក​យោធា

3 ថ្ងៃ មុន

រាជធានី​ភ្នំពេញ​ ៖ ​កងទ័ពជើងគោក​កម្ពុជា និង​កង​ស្វ័យការពារ​ជប៉ុន ប្តេជ្ញា​ពង្រឹង និង​ពង្រីក​កិច្ច​សហប្រតិបត្តិការ​យោធា ដើម្បី​សន្តិភាព ស្ថិរភាព និង​ការ​អភិវឌ្ឍ​ក្នុង​តំបន់ ។…

រាជធានី​ភ្នំពេញ​ ៖ ​កងទ័ពជើងគោក​កម្ពុជា និង​កង​ស្វ័យការពារ​ជប៉ុន ប្តេជ្ញា​ពង្រឹង និង​ពង្រីក​កិច្ច​សហប្រតិបត្តិការ​យោធា ដើម្បី​សន្តិភាព ស្ថិរភាព និង​ការ​អភិវឌ្ឍ​ក្នុង​តំបន់ ។

យោង​តាម​ការ​ចេញផ្សាយ​លើ​បណ្តាញ​សង្គម​របស់​កងទ័ពជើងគោក​ នៃ​កង​យោធពល​ខេ​ម​ភូមិន្ទ ​បាន​លើក​ឡើង​ថា ​ការ​ប្តេជ្ញាប្តេជ្ញា​ពង្រឹង និង​ពង្រីក​កិច្ច​សហប្រតិបត្តិការ​យោធា ដើម្បី​សន្តិភាព ស្ថិរភាព និង​ការ​អភិវឌ្ឍ​ក្នុង​តំបន់​នេះ​ ខណៈ​ឯកឧត្តម​នាយ​ឧត្តមសេនីយ៍ ម៉ៅ សុ​ផា​ន់ អគ្គមេបញ្ជាការ​រង នៃ​កង​យោធពលខេមរភូមិន្ទ មេបញ្ជាការ​កងទ័ពជើងគោក នៅ​ថ្ងៃ​ទី​០៩ ខែកក្កដា ឆ្នាំ​២០២៤ បាន​ជួប​ប្រជុំ​ទ្វេភាគី​ជាមួយ​នាយ​ឧត្តមសេនីយ៍ យ៉ា​ស៊ូ​ណូ​រិ ម៉ូ​រី​ស៊ី​តា (Yasunori Morishita) មេបញ្ជាការ​កង​ស្វ័យការពារ​ជើង​គោក​ជប៉ុន នៅ​ទីក្រុង​តូ​ក្យូ ប្រទេស​ជប៉ុន ​។

ក្នុង​ជំនួប​នេះ ​នាយ​ឧត្តមសេនីយ៍ យ៉ា​ស៊ូ​ណូ​រិ ម៉ូ​រី​ស៊ី​តា (Yasunori Morishita) បាន​វាយតម្លៃ​ខ្ពស់​ចំពោះ ចំណងមិត្តភាព​រវាង ប្រទេស​ទាំង​ពីរ ដែល​បាន​បង្កើត​ឡើង​តាំងពី​ឆ្នាំ​១៩៥៣ ហើយ​ក្នុង​រយៈពេល​៧០​ឆ្នាំ នៃ​ចំណង​ការទូត​នេះ មានការ​រីក​ចម្រើន​ជា​លំដាប់ ដែល​មាន​កិច្ច​សហប្រតិបត្តិការ​លើ​គ្រប់​វិស័យ រហូត​ដល់​ការ​លើកកម្ពស់​កិច្ច​សហប្រតិបត្តិការ «​ភាព​ជា​ដៃគូ​យុទ្ធសាស្ត្រ​គ្រប់​ជ្រុងជ្រោយ​» កាលពី​ឆ្នាំ​២០២៣ កន្លង​ទៅ​ ។

ឯកឧត្តម​នាយ​ឧត្តមសេនីយ៍ ម៉ៅ សុ​ផា​ន់ បាន​ថ្លែងអំណរគុណ​ដល់ រាជរដ្ឋាភិបាល​ជប៉ុន កង​ស្វ័យការពារ​ជប៉ុន និង​ប្រជាជន​ជប៉ុន ក្នុង​ការ​ជួយ​ស្វែងរក​សន្តិភាព និង​រក្សា​សន្តិភាព ដោយ​បាន​បញ្ជូន​កងកម្លាំង​រក្សា​សន្តិភាព​មក​កាន់​ប្រទេស​កម្ពុជា ក្នុង​ឆ្នាំ​១៩៩២ ហើយ​ចាប់ពី​ពេល​នោះ​មក ប្រទេស​ជប៉ុន គឺជា​ដៃគូ​ដែល​មិន​អាច​ខ្វះ​បាន ក្នុង​ដំណើរការ​កសាង អភិវឌ្ឍន៍ របស់​ប្រទេស​កម្ពុជា​ ។

ប្រភព​បញ្ជាក់​ថា​៖​សម​ភាគី​ទាំង​ពីរ ក៏​បាន​ផ្លាស់​ប្តូរ​យោបល់​អំពី​ស្ថានការណ៍​ទាំង​ក្នុង​តំបន់ និង​ពិភពលោក ហើយ​បាន​បេ្ត​ជ្ញា​បន្ត​ពង្រឹង និង​ពង្រីក​នូវ​កិច្ច​សហប្រតិបត្តិការ​យោធា​ជា​អាទិ៍​៖ ការ​ផ្លាស់​ប្តូរ​យោធិន​គ្រប់​កម្រិត​, ការ​បណ្តុះបណ្តាល​ធនធានមនុស្ស​, ការ​ធ្វើ​លំ​ហាត់​រួម​គ្នា និង កិច្ច​សហប្រតិបត្តិការ​លើ​ការ​បោសសម្អាត​មីន ​៕​

អត្ថបទសរសេរ ដោយ