ខេត្តកំពង់ស្ពឺ ៖ ជនជាតិចិនមានស្រី-ប្រុស៤នាក់ បានរងរបួសធ្ងន់និងស្រាល ត្រូវបានដឹកបញ្ជូនភ្លាមៗយកទៅសង្គ្រោះព្យាបាលនៅមន្ទីរពេទ្យបង្អែកខេត្តកំពង់ស្ពឺ ខណៈដែលរថយន្តស៊េរីទំនើបម៉ាកអាល់ផាត១គ្រឿង ជ្រុលទៅបុករបាំងពុះចែកទ្រូងផ្លូវល្បឿនលឿនពេញទំហឹងលាន់ដូចរន្ទះ ។ ហេតុការណ៍បើកលឿនបុករនាំងពុះចែកទ្រូងផ្លូវនេះ បានកើតឡើងកាលពីវេលាម៉ោង១១និង៤៥នាទីយប់…
ខេត្តកំពង់ស្ពឺ ៖ ជនជាតិចិនមានស្រី-ប្រុស៤នាក់ បានរងរបួសធ្ងន់និងស្រាល ត្រូវបានដឹកបញ្ជូនភ្លាមៗយកទៅសង្គ្រោះព្យាបាលនៅមន្ទីរពេទ្យបង្អែកខេត្តកំពង់ស្ពឺ ខណៈដែលរថយន្តស៊េរីទំនើបម៉ាកអាល់ផាត១គ្រឿង ជ្រុលទៅបុករបាំងពុះចែកទ្រូងផ្លូវល្បឿនលឿនពេញទំហឹងលាន់ដូចរន្ទះ ។
ហេតុការណ៍បើកលឿនបុករនាំងពុះចែកទ្រូងផ្លូវនេះ បានកើតឡើងកាលពីវេលាម៉ោង១១និង៤៥នាទីយប់ ថ្ងៃទី១៥ ខែតុលា ឆ្នាំ២០២៥ នៅលើផ្លូវល្បឿនលឿនគីឡូ (K40+800) ទិសដៅពីខេត្តព្រះសីហនុ មករាជធានីភ្នំពេញ ត្រង់ចំណុចភូមិត្រាច ឃុំកាហែង ស្រុកសំរោងទង ខេត្តកំពង់ស្ពឺ ។
មន្ត្រីនគរបាលស្រុកសំរោងទងបានឱ្យដឹងថា នៅមុនពេលកើតហេតុ រថយន្ដ១គ្រឿងម៉ាកតូយ៉ូតាអាល់ផាត ពណ៌ស ពាក់ផ្លាកលេខ ភ្នំពេញ 2BS-2617 បើកបរដោយឈ្មោះ ហាក់ ទីទី ភេទប្រុស អាយុ២៣ឆ្នាំ រស់នៅក្នុងភូមិរំពាត់ជ្រូក ឃុំដូនសរ ស្រុកស្វាយជ្រុំ ខេត្តស្វាយរៀង ដឹកអ្នកដំណើរចំនួន៤នាក់ (ស្រី២នាក់) សុទ្ធតែជនជាតិចិន ។
១-ឈ្មោះ XIAO YUNING ភេទប្រុស ឆ្នាំកំណើត 16-DEC-1985 កាន់លិខិតឆ្លងដែនលេខ EE6022275 (រងរបួសធ្ងន់) ។
២-ឈ្មោះ CHEN YAN ភេទស្រី ឆ្នាំកំណើត 5-AUG-1983 កាន់លិខិតឆ្លងដែនលេខ EC7974371 (រងរបួសធ្ងន់) ។
៣-ឈ្មោះ ZHANG HUA ភេទប្រុស ឆ្នាំកំណើត 13-AUG-1988 កាន់លិខិតឆ្លងដែនលេខ EB2209132 (រងរបួសស្រាល) ។
និងទី៤-ឈ្មោះ LIANG YING ភេទស្រី ឆ្នាំកំណើត 22-OCT-1991 កាន់លិខិតឆ្លងដែនលេខ EE3105881 (រងរបួសស្រាល) ។ អ្នកទាំងបួនស្នាក់នៅកោះពេជ្រ រាជធានីភ្នំពេញ ។
មុនកើតហេតុ រថយន្តបានបើកបរតាមបណ្តោយផ្លូវល្បឿនលឿនពីទិសខាងលិចទៅទិសខាងកើត លុះពេលធ្វើដំណើរមកដល់ចំណុចកើតហេតុខាងលើបានរេចង្កូតប៉ះរបាំងចែកទ្រូងផ្លូវខាងស្ដាំ បណ្ដាលឱ្យបុកនិងបោកផ្ទប់ខ្ទាតរថយន្តមួយចំហៀងខាងស្តាំបង្កឱ្យរងរបួសធ្ងន់មនុស្ស២នាក់ (ស្រី១នាក់) ត្រូវបានបញ្ជូនទៅមន្ទីរពេទ្យបង្អែកខេត្ដកំពង់ស្ពឺ និងរងរបួសស្រាលមនុស្សចំនួន២នាក់ (ស្រី១នាក់) បញ្ជូនទៅមន្ទីរពេទ្យបង្អែកខេត្ដកំពង់ស្ពឺដែរ ។ ចំណែករថយន្តរងការខូចខាតកម្រិតធ្ងន់ នគរបាលបានអូសយកទៅរក្សាទុកនៅស្នាក់ការបង់ប្រាក់បញ្ជរកំពង់ស្ពឺខាងកើតផ្លូវល្បឿនលឿន(K26) រង់ចាំធ្វើការដោះស្រាយនៅពេលក្រោយ ។
ចំពោះអ្នកបើកបររថយន្ដឈ្មោះ ហាក់ ទីទី នគរបាលបាននាំមកសាកសួរនៅអធិការដ្ឋាននគរបាលស្រុកសំរោងទង និងកសាងសំណុំរឿងចាត់ការបន្តតាមផ្លូវច្បាប់ ៕
ចែករំលែកព័តមាននេះ