ខេត្តពោធិ៍សាត់ ៖ ក្មេងទំនើងចំនួន០៤នាក់ ដែលបង្ហោះម៉ូតូ បង្កការភ័យខ្លាចដល់អ្នកធ្វើដំណើរទៅមក និងប្រជាពលរដ្ឋ ដែលរស់នៅអមសងខាងផ្លូវសាធារណៈ បានត្រូវសមត្ថកិច្ចឃាត់ខ្លួនបាន នៅវេលាម៉ោង១៥និង៥៩នាទីរសៀលថ្ងៃទី០៨ ខែកក្កដា…
ខេត្តពោធិ៍សាត់ ៖ ក្មេងទំនើងចំនួន០៤នាក់ ដែលបង្ហោះម៉ូតូ បង្កការភ័យខ្លាចដល់អ្នកធ្វើដំណើរទៅមក និងប្រជាពលរដ្ឋ ដែលរស់នៅអមសងខាងផ្លូវសាធារណៈ បានត្រូវសមត្ថកិច្ចឃាត់ខ្លួនបាន នៅវេលាម៉ោង១៥និង៥៩នាទីរសៀលថ្ងៃទី០៨ ខែកក្កដា ឆ្នាំ២០២៤ ។
សមត្ថកិច្ចឲ្យដឹងថា ក្រុមក្មេងទំនើងនេះ បង្ហោះម៉ូតូចំនួន២លើក លើកទី១ នៅចំណុចលើផ្លូវជាតិលេខ៥ ចាប់ពីមុខហ្ការ៉ាសសាំងសូគីម៉ិច រហូតដល់មុខហាងកាហ្វេសារ៉ា ក្នុងភូមិពោធិ៍តាគួយ សង្កាត់លលកស និងលើកទី២ នៅចំណុចពីរង្វង់មូលច្រមុះជ្រូកផ្សារចាស់ ភូមិរ៉ា សង្កាត់ផ្ទះព្រៃ ក្រុងពោធិ៍សាត់ ។
សមត្ថកិច្ចឲ្យដឹងបន្តថា បន្ទាប់ពីទទួលបានព័ត៌មានភ្លាម ដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ បញ្ជាអោយលោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ ដឹកនាំកម្លាំងអន្តរាគមន៍ នៃអធិការដ្ឋាននគរបាលក្រុងពោធិ៍សាត់ សហការជាមួយកម្លាំងតាមបណ្តាប៉ុស្តិ៍នគរបាលរដ្ឋបាល ធ្វើការស្រាវជ្រាវ និងឃាត់ក្មេងទំនើងបានចំនួន០៤នាក់ និងម៉ូតូចំនួន០១គ្រឿង ។
ក្មេងទំនើង ដែលឃាត់ខ្លួនបាននេះ រួមមាន ៖
១-ឈ្មោះ ខេង វិសាល ភេទប្រុស អាយុ១៨ឆ្នាំ មុខរបរ មិនពិតប្រាកដ រស់នៅភូមិស្ទឹងតូច សង្កាត់រលាប (អ្នកបង្ហោះម៉ូតូទាំង២លើក)
២-ឈ្មោះ នូ លីយុង ភេទប្រុស អាយុ១៥ឆ្នាំ មុខរបរ រត់តុ ស្នាក់នៅភូមិចំការចេក សង្កាត់ផ្ទះព្រៃ (អ្នកអ៊ុកពីក្រោយ)
៣-ឈ្មោះ សុង សិទ្ធស័ក ភេទប្រុស អាយុ១៥ឆ្នាំ មុខរបរ មិនពិតប្រាកដ រស់នៅភូមិពាលញែក១ សង្កាត់ផ្ទះព្រៃ (អ្នកជិះកណ្ដាល)
៤-ឈ្មោះ កៅ ស៊ីផុត ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិថ្មបីដុំ សង្កាត់រលាប ក្រុងពោធិ៍សាត់ (អ្នកជិះពីក្រោយ) ។
ម៉ូតូម៉ាកហុងដាឌ្រីម សេរីឆ្នាំ២០២២ ពណ៌ខ្មៅ ពាក់ស្លាកលេខពោធិ៍សាត់ 1M-8141(ម៉ូតូបង្ហោះ) ។
ក្រុមក្មេងទំនើង និងម៉ូតូ សមត្ថកិច្ចឃាត់ខ្លួនបណ្ដោះអាសន្ន នៅអធិការដ្ឋាននគរបាលក្រុងពោធិ៍សាត់ ដើម្បីចាត់ការតាមនីតិវិធី ៕
ចែករំលែកព័តមាននេះ