ខេត្តស្ទឹងត្រែង ៖ ល្បឿននៃទឹកទន្លេចាប់ផ្ដើមហក់ឡើង ពពួកត្រីមេពូជក៏កំពុងបន្លាស់ទីពងកូន ក៏ជាពេលដែលចាំបាច់សម្រាប់មន្ត្រីជលផល ឆ្មាំទន្លេអភិរក្សសត្វផ្សោត សហគមន៍នេសាទ និងអ្នកពាក់ព័ន្ធសហការចុះទប់ស្កាត់ និងបង្ក្រាបបទល្មើសជលផលតាមដងទន្លេ ដើម្បីធានាបាននូវប្រសិទ្ធភាព ក្នុងការអភិរក្សថែរក្សាធនធាន ត្រីអោយកាន់តែមានកំណើនកើនឡើង ពីមួយឆ្នាំទៅមួយឆ្នាំ ។
នាយខណ្ឌជលផល ខេត្តស្ទឹង ត្រែង លោក ស្រី សំវិចិត្រ បានលើក ឡើយថា ដោយមានការចូលរួមសហការពីសហគមន៍នេសាទ ប្រជាជានេសាទ មានការយល់ដឹងច្រើនបន្ទាប់ពីទទួលបានការអប់រំផ្សព្វផ្សាយនានាអំពីការអភិរក្ស អំពីផលរងគ្រោះបាត់បង់ធនធានធម្មជាតិនេះ នៅពេលអនាគត និងទោសទណ្ឌអំពីការប្រព្រឹត្តបទល្មើសផ្សេងៗពីការនេសាទខុសច្បាប់ ។
លោកបន្តថា ដោយសារការខិតខំប្រឹងប្រែងទប់ស្កាត់បទល្មើសដែលជា ការកត់សម្គាល់ប្រភពត្រីក៏មានការកើនឡើងផងដែរ ក្នុងនោះបើគិតផលចាប់ប្រចាំខែ ក្នុងខែ៥ និងខែ៦នេះជាមធ្យមរង្វង់៣០០តោនក្នុង១ខែ ដូចនេះអាចផលចាប់ទូទាំងខេត្ត១០តោនក្នុង ១ថ្ងៃ (គិតទាំងត្រីដែលប្រជានេសាទលក់នៅទីផ្សារ កែច្នៃ និងហូបប្រចាំថ្ងៃផងដែរ)។
ទន្ទឹមការប្រឹងប្រែងថែរក្សាអភិរក្ស ធនធានមច្ឆជាតិនេះ ខណ្ឌជលផល ប្រជាសហគមន៍នេសាទ ឆ្មាំទន្លេអភិរក្សសត្វផ្សោតបានខិតខំចុះល្បាតទាំងថ្ងៃទាំងយប់ ជាក់ស្ដែងខ្លះនៅតាមកោះ តាមកាំង លើទូកខ្លះសំកុកឃ្លាំមើលលើដើមឈើ តាមដងទន្លេ ដោយបានលះបង់ពេលវេលា កម្លាំងកាយ កម្លាំងចិត្ត និងថវិកា ដើម្បីការពារត្រីមេពូជដែលកំពុងតែបន្លាស់ទីពងកូន ។ ថ្ងៃទី៧ ខែកក្កដា ឆ្នាំ២០២៤ កម្លាំងឆ្មាំទន្លេអភិរក្សសត្វផ្សោតប៉ុស្តិ៍កោះជ្រឹម-ត្បូងខ្លា-សៀមបូក-កោះសំពាយ សហការជាមួយសហគមន៍នេសាទត្បូងខ្លា កោះជ្រឹម កោះព្រះ កោះសំពា យ អូរត្រែល ទន្សោង កាំងដែក និងកាំងដីសសាមគ្គី បានចុះល្បាត និងទប់ស្កាត់បទល្មើសជលផលក្នុ ងតំបន់គ្រប់គ្រង និងការពារសត្វផ្សោតទន្លេ មេគង្គ ក្នុងស្រុកសៀមបូក-ក្រុងស្ទឹងត្រែង នៅតំបន់អន្លង់កោះកូនសត្វ និងកោះសន្ទក់ និងបានបែងចែកជា០៥ក្រុម នៅក្បាលកោះសំពាយ កោះសន្ទក់ ក្បាលកោះព្រះ កាំងកូនសត្វ និងតំបន់ស្ពានមេគង្គ ដើម្បីទប់ស្កាត់សកម្មភាពបទល្មើសនេសាទពេលទឹកទន្លេមេគង្គកំពុងចាប់ផ្ដើមឡើង ហើយត្រីមេពូជក៏ចាប់ផ្ដើមបម្លាស់ទីបន្តពូជផងដែរ ។
លោក ស្រី សំវិចិត្រនាយខណ្ឌជល ផលបានបគ្ជាក់ថា ៖ រយៈពេល០២ខែ (ឧសភា និងមិថុនា) នៃរដូវបិទនេសាទ ខណ្ឌរដ្ឋបាលជលផលស្ទឹងត្រែង សហការជាមួយសហគមន៍នេសាទ ឆ្មាំទន្លេអភិរក្សសត្វផ្សោត និងស្ថាប័នពាក់ព័ន្ធបានអនុវត្តច្បាប់ បញ្ជូនជនសង្ស័យចំនួន ០៤នាក់ ទៅតុលាការពាក់ព័ន្ធនេសាទ ដោយឧបករណ៍ឆ.ក់ ដកហូតមងវែងៗ មងក្រឡាធំ និងមងដែលដាក់នៅតំបន់ហាមឃាត់ មានប្រវែងសរុប១២.៥០០ម៉ែត្រ.ដកហូតសន្ទូចចំនួន៩៦៧៦ផ្លែ.ដកហូតទូក-ម៉ាស៊ីន០២គ្រឿង .កាំភ្លើងកែច្នៃ០១ដើម.ថ្នងដងត្រី០៤គ្រឿង. ធុងប្រោសត្រី០១ គ្រឿង. អាគុយ០២ គ្រឿង.ខ្សែកាបចំនួន១៤សរសៃ ប្រវែង១៥ម៉ែត្រ និងទូរស័ព្ទចំនួន០១ គ្រឿង ។
ជាគ្នាខណ្ឌជលផលបានអប់រំ និងផ្សព្វផ្សាយដល់ប្រជានេសាទប្រមាណ២៤០នាក់ នៅតាមដងទន្លេ និងធ្វើកិច្ចសន្យាដល់ប្រជានេសាទ និងអ្នកប្រមូលទិញត្រីចំនួន១៥នាក់ ព្រមទាំងបំផ្លាញរបាំងព្រួលបិទអូរចំនួន០៤កន្លែង មានបង្គោលចំនួន២២៥ បង្គោល របាំងព្រួលប្រវែង ៧៥ម៉ែត្រ ផងដែរ៕
ចែករំលែកព័តមាននេះ