ទឹកជំនន់ គឺពិតជាវា.យលុកកម្ពុជាសឹងតែរាល់ឆ្នាំមែន ប៉ុន្តែទោះបីជាយ៉ាងណាក៏ដោយ ក៏ភាពរងគ្រោះដោយសារតែគ្រោះទឹកជំនន់នេះមិនធ្ងន់ធ្ងរប៉ុន្មានឡើយ បើប្រៀបធៀបនឹងប្រទេសដទៃទៀត ។ ពោល គឺកម្ពុជាមិនស្ថិតក្នុងបញ្ជីប្រទេស១០ ដែលរងគ្រោះដោយទឹកជំនន់ធ្ងន់ធ្ងរជាងគេបំផុតឡើយ ។…
ទឹកជំនន់ គឺពិតជាវា.យលុកកម្ពុជាសឹងតែរាល់ឆ្នាំមែន ប៉ុន្តែទោះបីជាយ៉ាងណាក៏ដោយ ក៏ភាពរងគ្រោះដោយសារតែគ្រោះទឹកជំនន់នេះមិនធ្ងន់ធ្ងរប៉ុន្មានឡើយ បើប្រៀបធៀបនឹងប្រទេសដទៃទៀត ។ ពោល គឺកម្ពុជាមិនស្ថិតក្នុងបញ្ជីប្រទេស១០ ដែលរងគ្រោះដោយទឹកជំនន់ធ្ងន់ធ្ងរជាងគេបំផុតឡើយ ។
តាមរបាយការណ៍មួយរបស់អង្គការអុកស្វាម ដែលបានចេញ កាលពីខែមិថុនា ឆ្នាំ២០២៤ ថ្មីៗនេះបានអះអាងថា នៅក្នុងចំណោមប្រទេសដែលរងគ្រោះខ្លាំងជាងគេ ដោយទឹកជំនន់ចំនួន១០នោះ មានមនុស្សត្រូវបានបង្ខំឱ្យភៀសខ្លួនរហូតដល់ទៅ៨លានដង កាលពីឆ្នាំមុន ពោល គឺច្រើនជាងពីរដងធៀបនឹងអ្វីដែលបានកើតមានឡើង កាលពីមួយទសវត្សរ៍មុន ។ ក្រៅពីនេះគ្រោះទឹកជំនន់វាបានបង្កឲ្យមានគ្រោះអត់ឃ្លានជិតបីដងនៅក្នុងប្រទេសចំនួនប្រាំ ក្នុងចំណោមប្រទេសទាំងនេះ ក្នុងរយៈពេលដូចគ្នា ។
ប្រភពដដែលបានអះអាងថា ប្រទេសដែលរងគ្រោះដោយទឹកជំនន់ធ្ងន់ធ្ងរ និងអាក្រក់បំផុតជាងគេ កាលពីឆ្នាំ២០២៣ កន្លងទៅនេះ គឺនៅសូម៉ាលី ចិន ហ្វីលីពីន ប៉ាគីស្ថាន កេនយ៉ា អេត្យូពី ឥណ្ឌា ប្រេស៊ីល បង់ក្លាដែស និងម៉ាឡេស៊ី ។ ប្រទេសទាំងនេះ បានជាប់ចំណាត់ថ្នាក់កំពូលក្នុងបញ្ជីប្រទេសដែលបានទទួលរងការផ្លាស់ទីលំនៅដ៏ធំបំផុតនៃប្រជាជនពដោយសារទឹកជំនន់ និងគ្រោះរាំងស្ងួត កាលពីឆ្នាំមុន នេះបើយោងតាមមូលដ្ឋានទិន្នន័យការផ្លាស់ទីលំនៅផ្ទៃក្នុងសកល ។
នៅក្នុងប្រទេសទាំងនោះ ចំនួនដែលមនុស្សត្រូវបានផ្លាស់ទីលំនៅពីផ្ទះរបស់ពួកគេបានកើនឡើងពី៣,៥ លាននាក់ ក្នុងឆ្នាំ២០១៣ ដល់ ៧,៩លាននាក់ ក្នុងឆ្នាំ២០២៣ ។ ការប្រែប្រួលអាកាសធាតុបានបង្កើនអាំងតង់ស៊ីតេ និងភាពញឹកញាប់នៃទឹកជំនន់ និងគ្រោះរាំងស្ងួត ។ ដោយគ្រោះធម្មជាតិ ដែលបានកត់ត្រានៅក្នុងប្រទេសដែលរងគ្រោះខ្លាំងជាងគេទាំង១០នោះ បានកើនឡើងយ៉ាងខ្លាំងពីត្រឹមតែ២៤ ក្នុងឆ្នាំ២០១៣ រហូតដល់៦៥៦ កាលពីឆ្នាំមុន ។
ប្រទេសសូម៉ាលីតែ ឯងបានរងគ្រោះដោយគ្រោះទឹកជំនន់ ឬគ្រោះរាំងស្ងួតចំសរុបរហូតដល់ទៅចំនួន២២៣ផ្សេងគ្នា ក្នុងឆ្នាំ២០២៣ ខណៈដែលឆ្នាំ២០១៣ គឺមានតែ២ប៉ុណ្ណោះ ។ ហ្វីលីពីនរងការវា.យប្រហារ៧៤លើក ហើយនៅឆ្នាំ២០១៣ គឺមានតែ៣លើក ។ ប្រេស៊ីលរងគ្រោះ៧៩លើកធៀបនឹង៤លើក ហើយម៉ាឡេស៊ីវិញ គឺរងគ្រោះរហូតដល់ទៅ១២៧លើក បើធៀបនឹងឆ្នាំ២០១៣តែម្តង ។
អង្គការ Oxfam បានគណនាថា នៅប្រទេសបង់ក្លាដែស អេត្យូពី កេនយ៉ា ប៉ាគីស្ថាន និងសូម៉ាលី ក្នុងចំណោមប្រទេសដែលបានរៀបចំតិចតួចបំផុត ដើម្បីទប់ទល់នឹងផលប៉ះពាល់នៃការប្រែប្រួលអាកាសធាតុ ដូច្នេះហើយចំនួនមនុស្សដែលទទួលរងការអត់ឃ្លានធ្ងន់ធ្ងរបានកើនឡើងពី១៣លាននាក់ក្នុងឆ្នាំ២០១៣ ដល់ជាង ៥៥លាននាក់ក្នុងឆ្នាំ ២០២៣ ។
ប្រភពដដែលបានព្រមានថា ការប្រែប្រួលអាកាសធាតុ និងបាតុភូតអាកាសធាតុនឹងធ្វើឲ្យសង្គមមនុស្សត្រូវត្រៀមនឹងការប្រឈមមុខនឹងគ្រោះនៃភាពរាំងស្ងួត ទឹកជំនន់ និងព្យុះស៊ីក្លូនកាន់តែច្រើន ហើយ គ្រោះមហន្តរាយទាំងអស់នេះ គឺសុទ្ធតែមានឥទ្ធិពលជះ លើជីវិត និងជីវភាពរស់នៅរបស់ប្រជាជន ហើយរួមផ្សំដោយជម្លោះវិបត្តិសេដ្ឋកិច្ច និងវិសមភាពយ៉ាងជ្រាលជ្រៅ វាបានជំរុញឱ្យមានភាពអត់ឃ្លាន ។
នៅកម្ពុជា ទឹកជំនន់ក៏កាន់តែអាក្រក់ហើយសូម្បីតែពលរដ្ឋនៅរាជធានីភ្នំពេញកាលពីប៉ុន្មានថ្ងៃមុននេះ ក៏បានរងគ្រោះដោយជំនន់ទឹកភ្លៀងលិចផ្ទះ លិចផ្លូវ ខូចយានយន្ត ខូចរបស់របរប្រើប្រាស់ជាច្រើនដែរ។ កាលពីឆ្នាំមុនវាបានកើតមានឡើងនៅបណ្តាខេត្តមួយចំនួន រហូតដល់បំផ្លាញដំណាំ សម្លា.ប់ជីវិតមនុស្ស និងបំផ្លាញហេដ្ឋារចនាសម្ព័ន្ធជាច្រើន ប៉ុន្តែវាមិនធ្ងន់ធ្ងរពេកឡើយបើធៀបនឹងអ្វីដែលបានកើតមានឡើងនៅលើពិភពលោក ៕
ចែករំលែកព័តមាននេះ