រាជធានីភ្នំពេញ ៖ ស្តេចសៀកជើងចាស់ លោកចៅ ហ្វា បានជួបនូវឧបទ្ទហេតុដួលបាក់ឆ្អឹងជើង ត្រូវបានក្រុមគ្រួសារបញ្ជូនទៅព្យាបាលនៅក្នុងមន្ទីរពេទ្យ កាលពីពេលថ្មីៗនេះ ខណៈពេលដែលបច្ចុប្បន្ន លោកមានវ័យ៨៩ឆ្នាំ…
រាជធានីភ្នំពេញ ៖ ស្តេចសៀកជើងចាស់ លោកចៅ ហ្វា បានជួបនូវឧបទ្ទហេតុដួលបាក់ឆ្អឹងជើង ត្រូវបានក្រុមគ្រួសារបញ្ជូនទៅព្យាបាលនៅក្នុងមន្ទីរពេទ្យ កាលពីពេលថ្មីៗនេះ ខណៈពេលដែលបច្ចុប្បន្ន លោកមានវ័យ៨៩ឆ្នាំ ។
បើយោងការបង្ហោះសារលើបណ្តាញសង្គមពីតារាចម្រៀងលោក សុះ ម៉ាច បានឲ្យដឹងថា លោកគ្រូ ចៅ ហ្វា បិតាសៀករហ័សកម្ម សព្វថ្ងៃមានព្រះជន្ម៨៩ឆ្នាំហើយ។ លោកគ្រូបាត់មុខឈឹងពីពិភពសិក្ប:សៀករហ័សកម្ម។ ខ្ញុំទើបតែបានទទួលដំណឺងពីកូនប្រុសរបស់លោកថា លោកគ្រោះថ្នាក់ដួលបាក់ឆ្អឹងជើងទើបចេញពីពេទ្យមកសម្រាកនៅផ្ទះ។
លោក សុះ ម៉ាច ក៏បានបញ្ជាក់បន្ថែមថា លោក ចៅ ហ្វា បានដួលបាក់ឆ្អឹងជើង ហើយគាត់បានទៅសម្រាកនៅមន្ទីរពេទ្យ ហើយឥឡូវគាត់បានវិលត្រឡប់មកផ្ទះវិញហើយ ប៉ុន្តែពេទ្យទាមទារឲ្យគាត់វះកាត់តឆ្អឹង ប៉ុន្តែគាត់មិនព្រមវះ ដោយសារវាត្រូវចំណាយថវិកាអស់ច្រើន ។
យ៉ាងណា បើតាមលោក សុះ ម៉ាច លោកសូមស្នើដល់សមាគមសិល្បករខ្មែរ មេត្តាចុះទៅសួរសុខទុក្ខគាត់ផងចុះដើម្បីជាការលើកទឹកចិត្ត និងបង្ហាញពីការគោរពដឹងគុណចំពោះវីរសិល្ប:ផ្នែកសៀករហ័សកម្មដូចរូបគាត់ម្នាក់នេះផង ឬទំនាក់ទំនងតាមរយ:លេខទូរស័ព្ទ..0968196230។
គួរបញ្ជាក់ថា លោក ចៅ ហ្វា គឺជាអ្នកសិល្បះផ្នែកសៀករហ័សសកម្មដែលមានភាពល្បីល្បាញតាំងពីឆ្នាំ១៩៦០ រហូតដល់ឆ្នាំ២០០០ ហើយលោកធ្លាប់ទទួលការលើកសសើរពីព្រះមហាក្សត្រ និងថ្នាក់ដឹកនាំជាច្រើនផងដែរ ។
បច្ចុប្បន្ន ស្តេចសៀកចៅហ្វា កំពុងរស់នៅក្នុងជីវភាពសមញ្ញមួយក្នុងរាជធានីភ្នំពេញ ដោយមិនបោះបង់ចោលអាជីពសម្តែងសៀករបស់គាត់ទាំងស្រុងទេ ។ លោកធ្លាប់បានបញ្ជាក់ថា លោកចាត់ទុកអាជីពសៀកជាឆ្នាំងបាយយ៉ាងសំខាន់ក្នុងជីវភាពរស់នៅប្រចាំថ្ងៃរបស់គាត់ ប៉ុន្តែមានមូលហេតុខ្លះដែលបណ្តាលឲ្យគាត់ស្ទើរតែលះបង់អាជីពមួយនេះ នោះគឺគ្មានឱកាសសម្តែង ។
ដោយឡែក ក្រៅពីអាជីពសៀក បច្ចុប្បន្ន លោក ចៅហ្វា ក៏ជាគ្រូខ្មែរទទួលព្យាបាលជំងឺផ្សេងៗ ប៉ុន្តែដ្បិតជាគ្រូខ្មែរ លោកតែងបដិសេធមិនទទួលការព្យាបាលអ្នកជំងឺណាដែលមិនទៅពិនិត្យព្យាបាលនៅមន្ទីរពេទ្យជាមុននោះទេ ៕
ចែករំលែកព័តមាននេះ