បន្ទាយមានជ័យ ៖ ក្មេងទំនើង១ក្រុមជិះម៉ូតូ៤ទៅ៥គ្រឿង មានគ្នាជាង១០នាក់ បានធ្វើសកម្មភាពដេញកា.ប់ចា.ក់ក្រុមឌុបម្ហូបអាហារអនឡាញ ពេលយប់ត្រូវបានអ្នកស្រុកជួយទាន់ ហេតុការណ៍នេះកើតឡើងយប់រំលងអធ្រាត្រ ចូលថ្ងៃទី៣០ ខែមិថុនា ឆ្នាំ២០២៤…
បន្ទាយមានជ័យ ៖ ក្មេងទំនើង១ក្រុមជិះម៉ូតូ៤ទៅ៥គ្រឿង មានគ្នាជាង១០នាក់ បានធ្វើសកម្មភាពដេញកា.ប់ចា.ក់ក្រុមឌុបម្ហូបអាហារអនឡាញ ពេលយប់ត្រូវបានអ្នកស្រុកជួយទាន់ ហេតុការណ៍នេះកើតឡើងយប់រំលងអធ្រាត្រ ចូលថ្ងៃទី៣០ ខែមិថុនា ឆ្នាំ២០២៤ ស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ។
ប្រជាពលរដ្ឋបានប្រាប់ថា ៖ នៅពេលក្មេងទំនើងដេញកា.ប់ចា.ក់គ្នាមាន២ក្រុម ប្រមាណជាង១០នាក់មានចាស់ និងក្មេង នៅពេលក្មេងទំនើង១ក្រុមជិះម៉ូតូ២ទៅ៣គ្រឿង មានគ្នា៥ទៅ៦នាក់ មានកាំបិតដំបងដុំថ្មបានដេញក្មេង១ក្រុមទៀត ដែលជាអ្នកដឹកអាហារអនឡាញពេលយប់ មានម៉ូតូ២ទៅ៣គ្រឿង មាន៣ទៅ៤នាក់ ដែលក្មេងទំនើងដេញរត់ចូលអ្នកស្រុកជិតខាងជួយ មានចាស់បានដេញក្រុមក្មេងទំនើងរត់ចែកជើងគ្នា ។
ប្រជាពលរដ្ឋបានបញ្ជាក់ថា ៖ បញ្ហាក្មេងទំនើងដេញកា.ប់ចា.ក់គ្នាដូចជានៅតែបន្តមានមិនស្រាកស្រាលឡើយ ដែលធ្វើអោយប្រជាពលរដ្ឋមានការភិតភ័យដូចជា អ្នករកស៊ីពេលយប់ ជាក់ស្តែងក្មេងឌុបម្ហូបអាហារអនឡាញពេលយប់ត្រូវបានក្មេងទំនើងដេញកា.ប់ចា.ក់សំណាងហើយរត់ចូលផ្ទះអ្នកស្រុកជួយទាន់ កុំអីមានរងរបួស ដោយក្រុមក្មេងទំនើងដែលមានកាំបិត និងឈើដំថ្មធ្វើសកម្មភាព ។
ប្រជាពលរដ្ឋបានកោតសសើរចំពោះបងប្អូន ប្រជាពលរដ្ឋនៅពេលក្មេងទំនើងដេញកា.ប់ចា.ក់ក្មេងឌុបម្ហូបអាហារពេលយប់ត្រូវបានជួយទាន់ពេល បណ្តាលក្មេងទំនើងរត់ចែកជើងគ្នាអស់ ហើយសុំអោយសមត្ថកិច្ចមាននគរបាល កងរាជអាវុធហត្ថ ត្រូវលុបបំបាត់ក្មេងទំនើងអោយអស់ បើមានក្មេងទំនើងបង្កអសន្តិសុខ និងសណ្តាប់ធ្នាប់ក្នុងមូលដ្ឋាន ៕
ចែករំលែកព័តមាននេះ