ខេត្តស្ទឹងត្រែង ៖ សត្វខ្លាឃ្មុំសម្បុរខ្មៅមួយក្បាល ត្រូវបានមន្ត្រីជំនាញរដ្ឋបាលព្រៃឈើចូលទៅទំនាក់ទំនងស្នើសុំយកចេញពីក្នុងសណ្ឋាគារសុខសាន្ត ដែលស្ថិតនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង។ លោកគាំ សីហា នាយរងផ្នែករដ្ឋបាលព្រៃឈើស្ទឹងត្រែង បានដឹកនាំកម្លាំងជំនាញចូលទៅក្នុងសណ្ឋាគារធ្វើការទំនាក់ទំនង
ខេត្តស្ទឹងត្រែង ៖ សត្វខ្លាឃ្មុំសម្បុរខ្មៅមួយក្បាល ត្រូវបានមន្ត្រីជំនាញរដ្ឋបាលព្រៃឈើចូលទៅទំនាក់ទំនងស្នើសុំយកចេញពីក្នុងសណ្ឋាគារសុខសាន្ត ដែលស្ថិតនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង។ លោកគាំ សីហា នាយរងផ្នែករដ្ឋបាលព្រៃឈើស្ទឹងត្រែង បានដឹកនាំកម្លាំងជំនាញចូលទៅក្នុងសណ្ឋាគារធ្វើការទំនាក់ទំនងដោយសន្តិវិធីជាមួយម្ចាស់សណ្ឋាគារសុំដកហូតយកសត្វខ្លាឃ្មុំពីម្ចាស់សណ្ឋាគារ កាលពីវេលាម៉ោង៣និង៣០នាទីរសៀលថ្ងៃទី១១ មិថុនា ២០១១។
ម្ចាស់សណ្ឋាគារបានឱ្យដឹងថា សត្វខ្លាឃ្មុំឈ្មោះមួយក្បាលនេះ មានឈ្មោះថា អាផ្លយ គាត់បានទិញពីព្រានព្រៃម្នាក់យកមកចិញ្ចឹមតាំងពីមានទម្ងន់២គីឡូក្រាម រហូតដល់បច្ចុប្បន្នមានទម្ងន់១៥គីឡូក្រាម និងមានអាយុ៦ខែហើយ ទុកវាគ្រាន់លំអក្នុងសណ្ឋាគារក៏ដូចជាសម្រាប់ភ្ញៀវចូលស្នាក់អាស្រ័យទស្សនាកម្សាន្ត។ ម្ចាស់សណ្ឋាគារបានបន្តទៀតថា គាត់ចិញ្ចឹមអាផ្លយបាន៣ខែ ភ្ញៀវមកស្នាក់នៅក្នុងសណ្ឋាគារនេះបានសុំទិញពីគាង់ក្នុងតម្លៃ១.២០០ដុល្លារ តែ គាត់ថា មិនលក់ទេ ព្រោះខ្លាចគេយកអាផ្លយទៅសម្លាប់ រហូតគេទៅសុំច្បាប់ពីសមត្ថកិច្ចជំនាញ តែមេព្រៃមិនអនុញ្ញាតឱ្យចិញ្ចឹមទេ និងសុំដកហូតខ្លាឃ្មុំនេះ។ ទោះជាយ៉ាងណាក៏ដោយ គាត់បានសន្យាថា សុំចិញ្ចឹមឱ្យវាធំបន្តិចទៀតសិន ទើបប្រគល់ឱ្យមន្ត្រីជំនាញ ។ នៅពេលវាមានទម្ងន់ជាង១៥គីឡូក្រាមហើយនោះ មន្ត្រីជំនាញក៏បានមកសុំដកយកសត្វខ្លាឃ្មុំពីរូបគាត់ ដើម្បីយកទៅចិញ្ចឹមនៅសួនសត្វភ្នំតាម៉ៅ គាត់ក៏យល់ព្រមប្រគល់ជូនទាំងសប្បាយរីករាយ ហើយសង្ឃឹមថា អាផ្លយ នឹងទទួលបានភាពសុខសាន្ត។
លោកគាំ សីហា បានឱ្យដឹងថា ការសុំដកហូតសត្វខ្លាឃ្មុំពីម្ចាស់សណ្ឋាគារនោះគឺពុំមានឈ្លោះប្រកែកជាមួយមន្ត្រីជំនាញនោះទេ ម្ចាស់ខ្លាឃ្មុំបានប្រគល់ឱ្យតាមសម្រួល និងសប្បាយរីករាយ ហើយសត្វខ្លាឃ្មុំមួយក្បាលនេះនឹងត្រូវបញ្ជូនទៅមជ្ឈមណ្ឌលថែរក្សាសត្វព្រៃភ្នំតាម៉ៅ ព្រោះរូបលោកបានទំនាក់ទំនងជាមួយអង្គការវ៉ាយអេតឱ្យមកទទួលយកទៅដាក់នៅមជ្ឈមណ្ឌលនោះហើយ ៕
ចែករំលែកព័តមាននេះ