តារាសម្តែងសាច់សខ្ចី នាង សេង សុខឃីម បានធ្វើការវាយបកភ្លាមៗទៅកាន់អ្នករិះគន់មួយចំនួនមកលើរូបនាង បន្ទាប់ពីរូបនាងបញ្ចេញរូបភាពសិចស៊ីប៉ុន្មានសន្លឹកបង្ហោះតាមបណ្តាញសង្គមកាលពីពេលថ្មីៗនេះ ។
តារាសម្តែងស្រីរូបនេះបានបង្ហោះរូបភាពដោយគ្រងសម្លៀកបំពាក់យ៉ាងសិចស៊ីនៅក្នុងទីកន្លែងកំសាន្តមួយកន្លែងក្នុងប្រទេសកម្ពុជា ដោយរូបភាពទាំងអស់នោះបានទទួលការសរសើរលើរូបសម្រស់របស់នាងពីបណ្តាអ្នកលេងបណ្តាញសង្គម ។
ដោយឡែក ទន្ទឹមនឹងការលើកសសើរនោះ ក៏មានមហាជនមួយចំនួនតូច បែរជាធ្វើការរិះគន់ចំៗទៅលើតារាស្រីរូបនេះ ចំពោះអ្វីដែលនាងបានបង្ហាញនាពេលនេះ ដោយមានគណនេយ្យហ្វេស
ប៊ុកមួយបានចូលទៅធ្វើការខំមិនថា ដោយសារតែលុយចង់ស្រាតក៏បាន ។
ពាក្យពេចន៍មួយនេះ បានធ្វើឲ្យ សេង សុខឃីម ហាក់ក្តៅចុងច្រមុះ ដោយនៅក្នុងនោះនាងក៏បានធ្វើការឆ្លើយតប (Reply) វិញភ្លាមៗថា ខ្ញុំថតឡេនៅកន្លែងលេងទឹក និងពាក់អាវឈុតគេងមែន ចាខ្ញុំធ្វើការដើម្បីលុយ តែមានទៅលួចប្លន់គេណា មិនបានទៅយកប្តីអ្នកណា មិនបានលក់ខ្លួន លក់តែសម្រស់តើ ចុះអ្នកនិយាយឲ្យខ្ញុំនឹង ធ្លាប់ស្រាតដោយសារលុយមែនបានដឹង ។
បន្ថែមពីលើអ្វីដែលបានខំមិនខាងលើនេះ សេង សុខឃីម ក៏បានបង្ហោះសារពាក់ព័ន្ធបញ្ហាខាងលើតាមបណ្តាញសង្គមថា អ្នកComment មួយចំនួន បើនៅតែមិនចេះលើកស្ទួយប្រទេស តារាសិល្បៈខ្លួនឯងទេ កុំមានដៃចេះតែសរេសរ អត់យកខួរគិត ខ្ញុំទៅថតនៅក្បាលទឹក ឆ្ងាយពិបាក ត្រូវដើរកាត់ទឹកផងថ្មទៀត ដើម្បីឲ្យអ្នកមិនស្គាល់ឲ្យគេចាប់អារម្មណ៍ថា ក្បាលទឹក ក៏មានទឹកលេង ថតរូបស្អាត ជួយអ្នកលក់ដូរនៅនុងរកចំណូលបាន ព្រោះនៅនុងស្ងាត់ណាស់ ក៏ចង់ឲ្យពួកគាត់ពេលមានភ្ញៀវច្រើន មានកំលាំងចិត្តជួយគ្នាសំអាតនិងថែរក្សាទីតាំងឲ្យបានស្អាតល្អ ព្រោះវាជាកន្លែងរកចំណូលបានរបស់ពួកគាត់ ដើម្បីមានភ្ញៀវទេសចរមកលេងកាន់តែច្រើន ហេតុអីអត់ចេះគិតសោះចឹង ។
នាងបញ្ជាក់ថា បើមិនចឹងមិនបាច់ពិបាក ខ្ញុំអាចថតនៅអាងទឹកនៅសណ្ឋាគារបានតើ មិនបាច់ពិបាក ត្រូវ ភ្លៀងផង ក្តៅផង ដើរកាត់ថ្មផង ដើរជាន់គ្រួសឈឺជើងណាស់ មានដែលយកខួរគិតអត់ ខ្លាចហើយខ្មែរ ។
ជាការកត់សម្គាល់នេះ មិនមែនជាលើកទីមួយទេ ដែលតារាស្រីមេម៉ាយកូនមួយនាង សេង សុខ
ឃីម បានបង្ហោះរូបភាពបែបសិចស៊ីបញ្ចេញសាច់សខ្ចីបង្ហោះតាមបណ្តាញសង្គមហ្វេសប៊ុក ពោលនាងតែងតែបញ្ចេញរូបភាពបែបនេះជាបន្តបន្ទាប់នាពេលកន្លងមក ខណៈពេលការបញ្ចេញរូបភាពទាំងនោះក៏ជាផ្នែកមួយនៃការងាររបស់នាងផងដែរ ។
សេង សុខឃីម បច្ចុប្បន្ន នាងមិនត្រឹមតែខិតខំបញ្ជ្រាបខ្លួនចូលកាន់តែជ្រៅទៅក្នុងវិស័យសិល្បៈប៉ុណ្ណោះទេ ប៉ុន្តែនាងក៏ជាអ្នកលក់ផលិតផលថែរក្សាសម្រស់ដ៏ល្បីម្នាក់ផងដែរ ៕
ចែករំលែកព័តមាននេះ