ADផ្ទាំងផ្សព្វផ្សាយពាណិជ្ជកម្ម

Picture

ស​ន្និ​សិ​ទ​បង្ហាញ​ពី​ស្នាដៃ​បង្ក្រាប​ករណី​ជួញដូរ​គ្រឿងញៀ.ន​ទ្រង់ទ្រាយ​ធំ ឃាត់ខ្លួន​ឧក្រិដ្ឋជន​៥​នាក់ រឹបអូស​ថ្នាំ​ញៀន​១៤៥​គីឡូក្រាម

1 ខែ មុន

រាជធានី​ភ្នំពេញ ៖ កាលពី​រសៀល​ថ្ងៃ​ទី​២១ ខែមិថុនា ឆ្នាំ​២០២៤ នៅ​ស្នងការដ្ឋាន​នគរបាល​រាជធានី​ភ្នំពេញ មាន​រៀបចំ​ធ្វើ​ស​ន្និ​សិ​ទ​កាសែត បង្ហាញ​ពី​ស្នាដៃ​បង្ក្រាប​ករណី​ជួញដូរ និង​ចែកចាយ​គ្រឿងញៀន ជា​លក្ខណៈ​ទ្រង់ទ្រាយ​ធំ​មួយ​កម្រ​ធ្លាប់​មាន…

រាជធានី​ភ្នំពេញ ៖ កាលពី​រសៀល​ថ្ងៃ​ទី​២១ ខែមិថុនា ឆ្នាំ​២០២៤ នៅ​ស្នងការដ្ឋាន​នគរបាល​រាជធានី​ភ្នំពេញ មាន​រៀបចំ​ធ្វើ​ស​ន្និ​សិ​ទ​កាសែត បង្ហាញ​ពី​ស្នាដៃ​បង្ក្រាប​ករណី​ជួញដូរ និង​ចែកចាយ​គ្រឿងញៀន ជា​លក្ខណៈ​ទ្រង់ទ្រាយ​ធំ​មួយ​កម្រ​ធ្លាប់​មាន ដែល​ពិធី​នោះ ក្រោម​ការ​ចូលរួម​ពី​លោក​ឧត្តមសេនីយ៍ឯក ជួន ណា​រិ​ន្ទ អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ ។

ហើយ​នេះ​ចាត់ទុកជា​លើក​ទី​១ ដែល​សមត្ថកិច្ច នៃ​ស្នងការ​រ​ដ្ឋា​ន​នគរបាល​រាជធានី​ភ្នំពេញ បើក​កិច្ច​បង្ក្រាប​ករណី​ជួញដូរ និង​ចែកចាយ​គ្រឿងញៀន​យ៉ាង​សកម្ម នៅ​រាជធានី​ភ្នំពេញ និង​នៅ​តាម​បណ្តា​ខេត្ត​មួយ​ចំនួន ដោយ​បាន​ឃាត់ខ្លួន​ជនឧក្រិដ្ឋ ចំនួន​៥​នាក់ ក្នុង​នោះ​មាន​ជនជាតិ​ចិនតៃវ៉ាន់ ៤​នាក់ និង​ជនជាតិ​ជប៉ុន​ម្នាក់ ព្រមទាំង​រឹបអូស​ថ្នាំ​ញៀន​ប្រភេទ “​កេ​តា​មីន​” សរុប​ទម្ងន់​ចំនួន ១៤៥​គីឡូក្រាម ។
ថ្លែង​ក្នុង​ពិធី​នោះ លោក​ឧត្តមសេនីយ៍ ឯក ជួន ណា​រិ​ន្ទ អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ បាន​ឲ្យ​ដឹង​ថា កម្លាំង​ការិយាល័យ​ជំនាញ​ប្រឆាំង​បទល្មើស​គ្រឿងញៀន សហការ​ជាមួយ​នគរបាល​ខណ្ឌ​ជ្រោយចង្វារ បាន​បើក​ប្រតិបត្តិការ​បង្ក្រាប​ជាក់ស្តែង នូវ​ករណី​ជួញដូរ​គ្រឿងញៀន​ខាងលើ​នេះ ដោយ​ឃាត់ខ្លួន​បាន​ជនសង្ស័យ​ជនជាតិ​ចិនតៃវ៉ាន់​ម្នាក់ ឈ្មោះ ហ្វា​ន យាន​គួ​យ ភេទ​ប្រុស អាយុ ២៦​ឆ្នាំ នៅ​ចំណុច​ក្នុង​បុរី​អ័​រ​គី​ដេ សង្កាត់​ព្រែក​តា​សេក ខណ្ឌ​ជ្រោយចង្វារ រាជធានី​ភ្នំពេញ ដោយ​បាន​ដកហូត​វត្ថុ​តាង​ថ្នាំ​ញៀន​ប្រភេទ “​កេ​តា​មីន​” ចំនួន​៣​ដុំ ស្មើនឹង ៣​គីឡូក្រាម ។

បន្ទាប់​មក​នៅ​ថ្ងៃ​ទី​១៧ ខែ មិថុនា ឆ្នាំ​២០២៤ វេលា​ម៉ោង​១៤ និង​១០​នាទី កម្លាំង​យើង​បាន​បន្ត​ការ​ស្រាវជ្រាវ រហូត​ឈាន​ដល់​ការ​បង្ក្រាប និង​ចាប់ខ្លួន​បក្សពួក​ជនសង្ស័យ​ចំនួន ៤​នាក់​ទៀត ដែល​ជា​ជនជាតិ​ចិនតៃវ៉ាន់ ៣​នាក់ និង​ជនជាតិ​ជប៉ុន​ម្នាក់ នៅ​ចំណុច​បុរី​អ័​រ​គី​ដេ សង្កាត់​ព្រែក​តា​សេក ខណ្ឌ​ជ្រោយចង្វារ រាជធានី​ភ្នំពេញ ។

ជនសង្ស័យ​៤ នាក់​មាន ៖
១.​ឈ្មោះ ស៊ូ ឈិ​ន​ហៅ ភេទ​ប្រុស អាយុ ២៣​ឆ្នាំ ជនជាតិ​ចិនតៃវ៉ាន់
២.​ឈ្មោះ ហ័​ង ហឺ​ជៀន ភេទ​ប្រុស អាយុ ៣៥​ឆ្នាំ ជនជាតិ​ចិនតៃវ៉ាន់
៣.​ឈ្មោះ ហ្វា​ង ចឹ​ង​ជី​ន ភេទ​ប្រុស អាយុ ២០​ឆ្នាំ ជនជាតិ​ចិនតៃវ៉ាន
៤.​ឈ្មោះ ណូ​មូរ៉ា សូ​គី​ជី ភេទ​ប្រុស អាយុ ៧៦​ឆ្នាំ ជនជាតិ​ជប៉ុន ។

លោកស្នងការ បន្ថែម​ទៀត​ថា ក្នុង​ប្រតិបត្តិការ​នេះ កម្លាំង​យើង​បាន​រឹបអូស​ថ្នាំ​ញៀន​ប្រភេទ​”​កេ​តា​មីន​”​ចំនួន ១៤២ ដុំ ស្មើនឹង ១៤២ គីឡូក្រាម រួម​មាន ៖
-​ម្សៅ​សារធាតុ​ផ្សំ​គ្រឿងញៀន​ចំនួន​២ គីឡូក្រាម
-​ជញ្ជាំង​សម្រាប់​ថ្លឹង​គ្រឿងញៀន​ចំនួន ៣ គ្រឿង
-​ឧបករណ៍​សម្ភារៈ​សម្រាប់​វេច​ខ្ចប់​គ្រឿងញៀន​មួយ​ចំនួន និង​សំបក​កញ្ចប់​ថង់​រូប​តែ​សម្រាប់​ច្រកថ្នាំ​ញៀន​(​ខ្នាត​១​គីឡូក្រាម​) ចំនួន ២០០ កញ្ចប់ ។

ក្រោយ​ធ្វើ​ស​ន្និ​សិ​ទ​បង្ហាញមុខ​ជនសង្ស័យ​ទាំង ៥​នាក់ និង​វត្ថុ​តាង កម្លាំង​ជំនាញ​កំពុង​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​តាម​នីតិវិធី​ច្បាប់ ៕

អត្ថបទសរសេរ ដោយ