ADផ្ទាំងផ្សព្វផ្សាយពាណិជ្ជកម្ម

Picture

សម្តេច​សង្ឃ ន​ន្ទ ង៉ែត មាន​ព្រះ​ជន្ម​ជាង​១០០ ​ព្រះ​វស្សា​ហើយ

3 អាទិត្យ មុន
  • ភ្នំពេញ

សម្តេចព្រះ​មហាសុមេធាធិបតី កិត្តិ​ឧទ្ទេស​បណ្ឌិត ន​ន្ទ ង៉ែត សម្តេចព្រះ​មហាសង្ឃរាជ​ស្តីទីនៃ​ព្រះរាជាណាចក្រ​កម្ពុជា​ មក​ដល់​ពេល​នេះ ព្រះ​អង្គ​មាន​ព្រះ​ជន្ម​ជាង​១០០​ព្រះ​វស្សា​ហើយ ។ នៅ​ថ្ងៃ​ទី​២០ ខែមិថុនា…

សម្តេចព្រះ​មហាសុមេធាធិបតី កិត្តិ​ឧទ្ទេស​បណ្ឌិត ន​ន្ទ ង៉ែត សម្តេចព្រះ​មហាសង្ឃរាជ​ស្តីទីនៃ​ព្រះរាជាណាចក្រ​កម្ពុជា​ មក​ដល់​ពេល​នេះ ព្រះ​អង្គ​មាន​ព្រះ​ជន្ម​ជាង​១០០​ព្រះ​វស្សា​ហើយ ។

នៅ​ថ្ងៃ​ទី​២០ ខែមិថុនា ឆ្នាំ​២០២៤ មន្ត្រី​ និង​គណសង្ឃ​ នៅ​កម្ពុជា​បាន​កំពុង​តែ​រៀបចំ​ពិធី​តាម​ព្រះពុទ្ធ​សាសនា​ផ្សេង ស្រប​ពេល​ដែល រាជរដ្ឋាភិបាល​កម្ពុជា​នឹង​រៀបចំ​ពិធីបុណ្យ​ទីឃាយុ​វ​ឌ្ឈ​ន​មង្គល​ថ្វាយ​សម្តេចព្រះ​មហាសុមេធាធិបតី នៅ​ក្នុង​ថ្ងៃទី​២១ ខែមិថុនា ឆ្នាំ​២០២៤​នេះ ។

សម្តេចព្រះ​មហាសុមេធាធិបតី ប្រ​សូត្រ​ នៅ​ថ្ងៃ​ទី២៥ ខែមេសា ឆ្នាំ​១៩២៤ នៅ​ភូមិ​ត្រពាំង​វែង ឃុំ​លំចង់ ស្រុក​សំរោង ខេត្តតាកែវ ក្នុង​ត្រកូល​កសិករ ។ សម្តេចព្រះ​មហាសុមេធាធិបតី បាន​សាង​ផ្នួស​បួស​ជា​សាមណេរ​ នៅ​ព្រះ​ជន្ម​១៩ឆ្នាំ នៅ​វត្ត​ពោ​ធ៍ ឃុំ​ពោ​ធ៍​អង្គ្រង ស្រុក​គងពិសី ខេត្តកំពង់ស្ពឺ ហើយ​បាន​បន្ត​រៀនសូត្រ​អក្ស​សាស្ត្រ​ និង​ធម្ម​វិន័យរហូត​ដល់​ត្រូវ​របប​ខ្មែរក្រហម​បង្ខំ​ឲ្យ​លាចាក​សិក្ខាបទ ។

ក្រោយ​របប​ខ្មែរក្រហម​ត្រូវ​បាន​ផ្តួលរំលំ សម្តេចព្រះ​មហាសុមេធាធិបតី ក៏​ត្រូវ​បាន​ក្រុមប្រឹក្សា​ជាតិ​រណសិរ្ស​សាមគ្គី​សង្គ្រោះ​ជាតិ​កម្ពុជា ជ្រើសរើស​ជា​ឧបសម្បទាបេក្ខៈ ១​រូប ​នៅ​ក្នុង​ចំណោម៧ រូប ឲ្យ​ចូល​សាង​បំពេញ​ជា​ឧបសម្ប័ទ​ជា​ភិក្ខុភាវៈ​ជា​លើក​ទី​២ ហើយ​បាន​បន្ត​អភិ​វ​ឌ្ឈ​ន៍ ​និង​អភិរក្ស​ពុទ្ធសាសនា​នៅ​កម្ពុជា​រហូត​ដល់​បច្ចុប្បន្ន ៕

អត្ថបទសរសេរ ដោយ

កែសម្រួលដោយ