ខេត្តស្វាយរៀង ៖ សមត្ថកិច្ចចុះឃាត់ខ្លួនសិស្សគេចសាលាទៅអង្គុយតាមកញ្ចុះ និងធ្វើកិច្ចសន្យាដល់សិស្សគេចម៉ោងសាលារៀន មកអប់រំ នៅស្រុកស្វាយជ្រំ ។ នៅថ្ងៃទី១៩ ខែមិថុនា ឆ្នាំ២០២៤…
ខេត្តស្វាយរៀង ៖ សមត្ថកិច្ចចុះឃាត់ខ្លួនសិស្សគេចសាលាទៅអង្គុយតាមកញ្ចុះ និងធ្វើកិច្ចសន្យាដល់សិស្សគេចម៉ោងសាលារៀន មកអប់រំ នៅស្រុកស្វាយជ្រំ ។
នៅថ្ងៃទី១៩ ខែមិថុនា ឆ្នាំ២០២៤ វេលាម៉ោង០៩និង១៥នាទីព្រឹក លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំកម្លាំងក្រុមម៉ូតូធំនៃអធិការដ្ឋាននគរបាលស្រុក ចុះទៅតាមកញ្ចុះស្ពានទ្រា ស្ថិតនៅចំណុចភូមិអំពៅព្រៃ ឃុំធ្លក ស្រុកស្វាយជ្រំ បានធ្វើការឃាត់ខ្លួនសិស្សគេចសាលាយកមកណែនាំអប់រំ ។
ហើយក្នុងនោះដែរ ក៏បានធ្វើកិច្ចសន្យាដល់សិស្សគេចម៉ោងសាលារៀន និងអ្នកដែលចូលមកអង្គុយលេងតាមកញ្ចុះ ចំនួន០៥នាក់ ស្រី ព្រមទាំងចុះទៅឃុំដូនស បានធ្វើការអប់រំណែនាំដល់សិស្សានុសិស្សដែលមកអង្គុយនៅកន្លែងហូបបាយ និងតាមអង្រឹង មិនអោយគេចម៉ោងរៀនមួយចំនួនទៀតផងដែរ ។
ប្រភពបន្តថា កម្លាំងប្រចាំបញ្ជានៅអធិការដ្ឋាននគរបាលស្រុក ត្រៀមអន្តរាគមន៍ពេលមានសភាពការកើតឡើង និងកម្លាំងជំនាញចរាចរណ៍ និងប៉ុស្តិ៍នគរបាលរដ្ឋបាល ជួយសម្រួលចរាចរណ៍ពេលចូលសាលារៀន និងចេញពីសាលារៀន ។
កម្លាំងប៉ុស្តិ៍នគរបាលរដ្ឋបាលទាំង១៦ របស់អធិការដ្ឋាននគរបាលស្រុកស្វាយជ្រំ ចេញល្បាតចល័ត ក្នុងភូមិសាស្ត្ររបស់ខ្លួន និងការពារគោលដៅងាយរងគ្រោះ ប៉ុស្តិ៍នគរបាល រដ្ឋបាលចុះប្រាស្រ័យទាក់ទង និងធ្វើវេទិកាសាធារណៈតាមផ្ទះប្រជាពលរដ្ឋ ទប់ស្កាត់ និងបង្ក្រាបបទល្មើស និងក្រុមក្មេងទំនើ.ងមិនឲ្យអុកឡុកដល់សន្តិសុខសណ្តាប់ធ្នាប់ជូនប្រជាពលរដ្ឋ ។
សូមបងប្អូនប្រជាពលរដ្ឋក្នុងស្រុកស្វាយជ្រំទាំងអស់គ្នា ទុកដាក់សម្ភារមានការប្រុងប្រយ័ត្នកុំអោយបាត់បង់ ។ ប្រសិនបើមានករណីមិនស្រួលអាចទំនាក់ទំនងលេខទូរស័ព្ទទាន់ហេតុការណ៍របស់អធិការរដ្ឋាននគរបាលស្រុក:097 778 0087 ៕
ចែករំលែកព័តមាននេះ