ខេត្តសៀមរាប ៖ ម្ចាស់អុជធូប និងទៀន សុំសេចក្តីសុខចម្រើនរួចទុកចោលចុះមកក្រោម មិនប្រយ័ត្នបណ្តាលឱ្យឆេះផ្ទះហ្មត់ មួយរំពេចក៏បង្កការភ្ញាក់ផ្អើលពេញភូមិ ដែលហេតុការណ៍ឆេះផ្ទះពលរដ្ឋបង្កការភ្ញាក់ផ្អើលទាំងយប់ ដែលបានកើតឡើងនៅថ្ងៃទី១៩ ខែមិថុនា ឆ្នាំ២០២៤ ចាប់ពីម៉ោង០០ និង ២៥ នាទី រលត់ទៅវិញម៉ោង១និង០០នាទី ថ្ងៃ ខែដដែល ត្រង់ចំណុចព្រហ្មប្រទល់ភូមិខ្នា សង្កាត់ជ្រាវ និងភូមិគោកត្នោត ឃុំកណ្ដែក ស្រុកប្រាសាទបាគង ក្រុងខេត្តសៀមរាម ។
![](https://kohsantepheapdaily.com.kh/wp-content/uploads/2024/06/96ecf82d7bda9a3b3bdf89684c0a1a57.jpg)
បើតាមប្រសាសន៍របស់ លោក ឧត្តម សេនីយ៍ត្រី ឌុត ខុន ស្នងការរងទទួលការិយាល័យបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលខេត្តសៀមរាប បានប្រាប់តាមតេលេក្រាម នៅវេលាម៉ោងប្រមាណ៧និង៣០នាទី ព្រឹក ថ្ងៃទី១៩ ខែមិថុនានេះថា មានករណីភ្លើងឆេះផ្ទះឈ្មោះ សាយ លី ភេទស្រី អាយុ៧៩ឆ្នាំ នៅត្រង់ចំណុចព្រុំប្រទល់ ភូមិខ្នា សង្កាត់ជ្រាវ និងភូមិគោកត្នោត ឃុំកណ្ដែក ស្រុកប្រាសាទ បាគង ខេត្តសៀមរាម តាមបណ្ដោយផ្លូវជាតិលេខ៦ ចម្ងាយពីអធិការស្រុក១៣ គីឡូម៉ែត្រ ចុះពីផ្លូវជាតិលេខ៦ ទៅផ្លូវបំបែកខ្នា ប្រហែល៣គីឡូម៉ែត្រ ។
លោកបន្ថែមថា ករណីឆេះផ្ទះពលរដ្ឋនោះមិនបណ្តាលឱ្យមានការរាលដាល ឆ្លងដល់ផ្ទះអ្នកជិតខាង ហើយមិនបង្កឱ្យមាននរណាម្នាក់រងរបួសឡើយ ក្នុងហេតុការណ៍នោះ ។ លោកបញ្ជាក់ថា ករណីនេះបង្កឲ្យមានការខូចខាតដូចជា ផ្ទះ១ខ្នង អស់ទាំងស្រុង ទំហំ៧គុណ៩ម៉ែត្រ ប្រក់ក្បឿង ឈឺលើ ថ្មក្រោម កម្ពស់៥ម៉ែត្រ ។ ២ ម៉ូតូ១គ្រឿង សង់ សេ១២៥ ឆ្នាំ២០០៧ និងសម្ភារៈមួយចំនួនទៀត ដែលនៅក្នុងផ្ទះ ។
![](https://kohsantepheapdaily.com.kh/wp-content/uploads/2024/06/c9d54488e1001389aff4001889b97abc.jpg)
ចំពោះករណីឆេះនេះមិនបណ្ដាលឱ្យប៉ះពាល់ដល់ផ្ទះដែលនៅជុំវិញនោះទេ ដោយសាររថយន្ថពន្លត់អគ្គិភ័យបានមកជួយអន្ដរាគមទាន់ពេល ។
ក្នុងពេលកំពុងកើតហេតុ រថយន្ដពន្លត់អគ្គិភ័យជួយអន្តរាគមន៍ចំនួន៤គ្រឿងប្រើប្រាស់ទឹកអស់ចំនួន៤ឡាន ។ ១/រថយន្ដស្នងការនគរបាលខេត្ត៣គ្រឿងប្រើប្រាស់ទឹកអស់៣ឡាន ។ ២ /រថយន្ដអប្សរា ១គ្រឿង ប្រើប្រាស់ទឹកអស់១ឡាន ។
ចំពោះមូលហេតុ ម្ចាស់ផ្ទះគាត់ដុតធូប និងដុតទៀនមិនបានប្រយ័ត្ន បណ្ដាលឱ្យឆេះផ្ទះតែម្ដង ។ បច្ចុប្បន្នផ្ទះពលរដ្ឋដែលឆេះ ហើយខូចខាតអស់ទាំងស្រុងនោះបើគិតជាទឹកប្រាក់ប្រមាណជិត៥ម៉ឺនដុល្លារ ៕
![](https://kohsantepheapdaily.com.kh/wp-content/uploads/2024/06/8909b7887a7f14370946d469da96e707.jpg)
![](https://kohsantepheapdaily.com.kh/wp-content/uploads/2024/06/2c3ddec0078ba3d135b80c330ecb6124.jpg)
![](https://kohsantepheapdaily.com.kh/wp-content/uploads/2024/06/8556074b233c1f068bdf4923b414f077.jpg)
![](https://kohsantepheapdaily.com.kh/wp-content/uploads/2024/06/08c9b0b66eef3c6fa342bc4fd207e2b5.jpg)
ចែករំលែកព័តមាននេះ