ADផ្ទាំងផ្សព្វផ្សាយពាណិជ្ជកម្ម

Picture

ខេត្តពោធិ៍សាត់​មាន​ភ្នំ​ជាង​១០០ និង​មានឈ្មោះ​ប្លែក​ៗ​គួរ​ឱ្យ​ទាក់ទាញ

3 អាទិត្យ មុន
  • ពោធិ៍សាត់

ខេត្តពោធិ៍សាត់ ៖ ខេត្តពោធិ៍សាត់ មាន​ព្រំប្រទល់​ខាងកើត​ជាប់​នឹង​ខេត្តកំពង់ឆ្នាំង ខាងលិច

ខេត្តពោធិ៍សាត់ ៖ ខេត្តពោធិ៍សាត់ មាន​ព្រំប្រទល់​ខាងកើត​ជាប់​នឹង​ខេត្តកំពង់ឆ្នាំង ខាងលិច
ជាប់​នឹង​ខេត្តបាត់ដំបង​និង​ប្រទេស​ថៃ ខាងជើងជាប់​បឹង​ទន្លេសាប និង​ខាងត្បូង​ជាប់​នឹង​ខេត្ត
កំពង់ស្ពឺ និង​ខេត្តកោះកុង ។ ខេត្ត​នេះ​មាន​សក្ដានុ​ពល​សំខាន់​ៗ​ច្រើន ពិសេស​លើ​វិស័យ​ធនធាន
ទឹក វិស័យ​ទេសចរណ៍ វិស័យ​ថាមពល និង​វិស័យ​ឧស្សាហកម្ម ។ ជា​ខេត្ត​ដែល​សម្បូរ​ទៅ​ដោយ​ភ្នំ ប៉ុន្តែ​សព្វ​ថ្ងៃនេះ​ភ្នំ​មួយ​ចំនួន​ធំ​ដែល​ធ្លាប់តែ​មាន​សម្រស់​ធម្មជាតិ​ស្រស់បំព្រង​ដ៏​ត្រ​កុំ​ត្រកាល​នោះ ត្រូវ​ជន​អគតិ​កាប់​ទន្ទ្រាន កោរ​ត្រងោល ស្ទើរ​គ្មាន​សល់ ។

ទោះបី​ខេត្តពោធិ៍សាត់​សម្បូរ​ភ្នំ​ច្រើន​មែន ប៉ុន្តែ​អ្នក​ខេត្តពោធិ៍សាត់ ពុំ​មាន​អ្នក​ណា​បាន​ស្គាល់ឈ្មោះ​ភ្នំ​អស់​ទេ រាប់​ទាំង​អាជ្ញាធរ​និង​មន្ត្រី​ជំនាញ​ផង​ដែរ ។

តាម​ការ​ស្រាវជ្រាវ​របស់​កោះសន្តិភាព​បាន​ឲ្យ​ដឹង​ថា នៅ​ខេត្តពោធិ៍សាត់​មាន​ភ្នំ​រហូត​ដល់​ជាង​១០០​ឯណោះ និង​មានឈ្មោះ​ផ្សេង​ៗ​គ្នា​គួរ​ឲ្យ​ចាប់អារម្មណ៍ ដែល​មាននៅ​ក្រុង​ពោធិ៍សាត់ ស្រុក​តា​លោ​សែន​ជ័យ ស្រុក​ក្រគរ ស្រុក​ភ្នំក្រវាញ និង​ស្រុក​វាល​វែង ក្នុង​ចំណោម​ក្រុង​-​ស្រុក​ទាំង​៧ ។

នៅ​ក្រុង​ពោធិ៍សាត់​មាន​ភ្នំ​ចំនួន​៦​គឺ ភ្នំ​ទ្រព្យ ភ្នំ​ថ្ម​បី​ដុំ ភ្នំ​រលាប ភ្នំ​បរ​វង្ស ភ្នំ​សូ​ទិន និង​ភ្នំ
ចន្ទល់​កូន ។

នៅ​ស្រុក​តា​លោ​សែន​ជ័យ​មាន​ភ្នំ​ចំនួន​៥​គឺ ភ្នំ​បាក់ ភ្នំ​ពិន ភ្នំ​កែវ ភ្នំ​រកា​ចោល និង​ភ្នំ​ឈ្នាន់​រនាស់ ។
នៅ​ស្រុក​ក្រគរ​មាន​ភ្នំ​ចំនួន​២៣​គឺ ភ្នំ​លាំង​ត្រាច ភ្នំ​កាច់ចង្កូត ភ្នំ​ប្រី​យ៍ ភ្នំ​គុក ភ្នំ​ខ្នង​ដំរី ភ្នំ​ទទឹងថ្ងៃ ភ្នំ​បាយ​ឃ្លះ ភ្នំ​ហែ​ផ្កា ភ្នំ​ក្បាល​ទាហាន ភ្នំ​ខ្នង​ជាស ភ្នំ​ថ្មសំលៀង ភ្នំ​តា​ប៉ា​ង ភ្នំ​ថ្ម​ក្រហម ភ្នំ​ផ្នូ​ក ភ្នំ​ដាក់​ព្រះ ភ្នំ​រំសាយសក់ ភ្នំ​ច្រក​ល្អៀង ភ្នំ​នាគ​ស ភ្នំ​យ៉ោ​ក ភ្នំ​ឱ​រ៉ា​ល់ ភ្នំ​ត្រងិល ភ្នំ​ពេជ្រ និង​ភ្នំ​ក្បាល​សៀម ។

នៅ​ស្រុក​ភ្នំក្រវាញ​មាន​ភ្នំ​ចំនួន​៥០​គឺ ភ្នំក្រវាញ ភ្នំ​បាក់​ត្រា ភ្នំ​ស​ន្ទ្រែ ភ្នំរ​កាត ភ្នំ​ល្បាក់​កំ​រោ​ញ ភ្នំ​ព្រៃ​ខ្លុង ភ្នំ​ដំណាក់​ឈើ​ក្រំ ភ្នំ​ដំណាក់​ត្រប់ ភ្នំ​អ្នកតា​ក្រហម​ក ភ្នំ​រវៀង ភ្នំ​យាមនង្គ័ល ភ្នំ​ទ្វារ​ក្នុង ភ្នំ​ឡាយ​ភេទ ភ្នំ​កែវ ភ្នំ​កន្ទ្រុម ភ្នំ​ត្រប់ ភ្នំ​អា​រ៉ៃ ភ្នំ​រាំង​ខ្វាវ ភ្នំ​ស្លា​ស់ ភ្នំ​ស្ពុង ភ្នំ​តា​ភោគ ភ្នំ​យ៉​ន ភ្នំស្រួច ភ្នំ​ច្បាំង ភ្នំ​វែ​ន​សែន ភ្នំ​បញ្ចុះ​ព្រះ ភ្នំ​ប្រាក់ ភ្នំ​ឥសី​ប្រោសសត្វ ភ្នំ​តា​ម៉ាច ភ្នំ​កោះ​ស្រូល ភ្នំ​ល្អាង​ទឹក​ស្រក់ ភ្នំ​លោក ភ្នំ​ដា​ហ្លួង ភ្នំ​អន្លង់​កន្ធាយ ភ្នំ​សំ​ឡិ​ត ភ្នំ​អាង​ម្នាស់ ភ្នំ​តាងរ៉ាង ភ្នំ​គោ​បៅ​មេ ភ្នំ​សូត្រ ភ្នំ​អំពុះ ភ្នំ​ទឹក ភ្នំ​ខ្នង​ស្រែ​លា​ច ភ្នំ​សំឡាញ ភ្នំ​ដំណាក់​ត្រ​យឹ​ង ភ្នំ​កម្រង ភ្នំ​ផ្ទៃមេឃ ភ្នំ​ស័ង្កសី ភ្នំ​ខ្នង​ព្រះ​អង្គ ភ្នំ​ពេជ្រ​ស្លា និង​ភ្នំ​ថ្មដែកកេះ ។

នៅ​ស្រុក​វាល​វែង​មាន​ភ្នំ​ចំនួន​៥៤​គឺ ភ្នំ​១៥០០ ភ្នំ​សំ​កុស ភ្នំ​ឱ​រ៉ា​ល់ ភ្នំ​ខ្មោច ភ្នំ​តា​គ្រី ភ្នំ​ចិន​យំ ភ្នំ​ទំព័រ ភ្នំ​ស្វា​រអិល ភ្នំ​ម្ទេស ភ្នំ​ប្រ​មួ​ង ភ្នំ​អង្គត់ ភ្នំ​ព្រះ​ធាតុ ភ្នំ​ក​ន្ទុ​ង​រឹម ភ្នំ​នាង​ខ្មៅ ភ្នំ​រូង ភ្នំ​ដោះ​ក្រមុំ ភ្នំ​លោកតា​អើត ភ្នំ​អំបែងថ្ងៃ ភ្នំ​ថ្ម​អង្គប់ ភ្នំ​សំរោង ភ្នំ​កណ្ដាល ភ្នំ​ក្រាំងរ​ងៀង ភ្នំ​ត្រ​ពង​ពុង ភ្នំ​អូ​ដេ​កា ភ្នំ​ព្រហស្បតិ៍​ក្បាល ភ្នំ​ខ្ចៅ ភ្នំ​ផ្សារ ភ្នំ​ពុង​មាស ភ្នំ​គ្រញូង ភ្នំ​តា​កូយ ភ្នំ​ដំរី​ផុង ភ្នំ​ទង់ជាតិ ភ្នំ​ព្រាល ភ្នំក្រវាញ ភ្នំ​ស្រល់ ភ្នំ​ល្អាង​១២ ភ្នំ​យាយ​ម៉ៅ ភ្នំ​អន្លង់​រាប ភ្នំ​ស្ទឹង​ក្បាល​បី ភ្នំ​ចម្ការ​រួម ភ្នំ​ឆ្កែ​តោង ភ្នំ​ព្រះអាទិត្យ ភ្នំ​កំប៉ុង​ត្រីខ ភ្នំ​ស៊ី​ង ភ្នំ​ស្មែ​ត ភ្នំ​ពង្រូល ភ្នំ​ដា​ឡៃ ភ្នំ​ផ្លិត ភ្នំ​ថ្ម​ចាំង ភ្នំ​តេ​អូ ភ្នំ​មាន់ ភ្នំ​១៦ ភ្នំ​សំពៅ និង​ភ្នំ​កញ្ចក់ ។

សូម​បញ្ជាក់​ថា ឈ្មោះ​ភ្នំ​តាម​ស្រុក​នីមួយ​ៗ​ក្នុង​ខេត្តពោធិ៍សាត់ ដែល​បាន​រៀបរាប់​ខាងលើ​នេះ មិន​ប្រាកដ​ថា​ត្រឹមត្រូវ​ទាំងស្រុង​នោះ​ទេ ហើយ​ក៏​ប្រហែលជា​មិន​ទាន់​អស់​នៅឡើយ​ដែរ ។

កោះសន្តិភាព​ស្រាវជ្រាវ​បាន​មកនេះ តាម​រយៈបងប្អូន​អតីត​ទាហាន​ខ្មែរក្រហម តាម​រយៈ​ចាស់ព្រឹទ្ធាចារ្យ​រស់នៅ​ក្នុង​តំបន់​ជនបទ និង​តាម​អ្នក​រកស៊ី​ចូល​ព្រៃ​ឡើង​ភ្នំ​ប៉ុណ្ណោះ គឺ​ពុំ​មាន​ឯកសារ​ផ្លូវការ​ណា​ចងក្រង​បញ្ជាក់​ច្បាស់លាស់​នោះ​ទេ​។ អាជ្ញាធរ​ដែនដី​អត់​ស្គាល់​ភ្នំ​ក្នុង​អាណាចក្រ​របស់​ខ្លួន​អស់​ឡើយ ។

ភ្នំ​១៥០០ ដែល​មាន​សក្តានុពល​បំផុតអ្វី​ដែល​មានការ​ដឹង​ឮ​គ្រប់​ៗ​គ្នា​នោះ​គឺ ភ្នំ​១៥០០ នៅ​ស្រុក​វាល​វែង បន្ទាប់​ពី​ការ​កសាង​ផ្លូវ​ឆ្លងកាត់​ជ្រលង​ភ្នំ និង​ផ្លូវ​អន្ទង់អាំង ដែល​ក្លាយជា​ផ្លូវ​ទេសចរណ៍ធម្មជាតិ​មួយ​ឆ្លងកាត់​ភ្នំ​១៥០០ ដ៏​ល្បីល្បាញ ។

រវាង​ឈ្មោះ​ភ្នំ​១០០៥ និង​ភ្នំ​១៥០០ មួយ​ណា​ជា​ឈ្មោះ​ផ្លូវការទឹកដី​ស្រុក​វាល​វែង ខេត្តពោធិ៍សាត់ បាន​និងកំពុង​អភិវឌ្ឍ​ខ្លួន​ទៅ​មុខជា​លំដាប់ ពិសេស​លើ​វិស័យ​ទេសចរណ៍ ក្នុង​នោះ​មាន​រមណីយដ្ឋាន តំបន់​ទេសចរណ៍ ព្រៃ ភ្នំ ទឹកធ្លាក់ និង​តំបន់​គយគន់​ទេសភាព​ជា​ច្រើន​ទៀត ជា​ពិសេស​មាន​ព្រំដែន​ជាប់​នឹង​ខេត្ត​ត្រា​ត ប្រទេស​ថៃ ដែល​ទីតាំង​ទាំងនោះ សុទ្ធសឹងតែ​ជាទី​គាប់​ប្រាថ្នា របស់​ភ្ញៀវ​ទេសចរ​ជិត​ឆ្ងាយ ។

ប្រសិនបើ​ភ្ញៀវ​ទេសចរ ធ្វើ​ដំណើរ​ចេញពី​ខេត្តពោធិ៍សាត់ តាម​ផ្លូវជាតិ​លេខ​៥៥ គេ​នឹងបាន​ទៅ​ដល់​រង្វង់​មូល​ប្រមោយ ដែល​ជាទី​រួមស្រុក​វាល​វែង​នេះ​តែ​ម្ដង ។ ជម្រើស​ទី​១ ប្រ​សិនបើ​យើង​ធ្វើ​ដំណើរ​បត់​ស្ដាំ​ទៅ​ឃុំ​ក្រពើ​២ ទីនោះ​ក៏​មាន​តំបន់​ទេសចរណ៍ធម្មជាតិ​ជា​ច្រើន​ដែរ ។

ប្រសិនបើ​យើង​ធ្វើ​ដំណើរ​បត់​ឆ្វេង​ទៅ​ឃុំ​អូរ​សោម ទីនោះ​ក៏​មាន​តំបន់​ទេសចរណ៍ធម្មជាតិ​ជា​ច្រើន បូក​រួម​ទាំង​សត្វ​ក្រពើ​ភ្នំ​ផង ។ ប្រសិនបើ​ភ្ញៀវ​ទេសចរ​ធ្វើ​ដំណើរ​ទៅ​ត្រង់ នោះ​គេ​នឹង​បានឃើញ​ទេសភាព​ជា​ច្រើន​សម្បូរ​បែប ។

ក្រៅពី​មាន​ទេសភាព​ដ៏​ស្រស់​ស្អាត​ហើយ​នោះ មាន​មនុស្ស​ជា​ច្រើន​នៅ​តែ​មាន​មន្ទិល​ទាក់ទង​នឹង​ឈ្មោះ​ភ្នំ​ដ៏​ល្បី​នៅ​ស្រុក​វាល​វែង ដោយ​ពលរដ្ឋ​មួយ​ចំនួន​ហៅ​ថា ភ្នំ​១០០៥ និង​ខ្លះ​ទៀត​ហៅ​ភ្នំ​១៥០០ ។
តើ​ឈ្មោះ​ទាំង​២​នេះ​មួយ​ណា​ជា​ឈ្មោះ​ផ្លូវការ ?

ប្រវត្តិ​ឈ្មោះ​ភ្នំ​១០០៥ គឺ​ហៅ​តាម​ផែនទី​ភូមិសាស្ត្រ​របស់​កងទ័ព​ដែល​ធ្វើសង្គ្រាម​ជាមួយ​ខ្មែរក្រហម ។ ដោយឡែក ប្រវត្តិ​ឈ្មោះ​ភ្នំ​១៥០០ គឺហៅ​តាម​ការ​កំណត់​ពី​កម្ពស់់​ភ្នំ ធៀប​ជាមួយ​នីវ៉ូទឹកសមុទ្រ តែ​កម្ពស់​ពិត​មិនមែន​១៥០០​ម៉ែត្រ​ទេ គឺ​១៦០០​ម៉ែត្រ ហើយ​ត្រង់​ចំណុច​ផ្លូវ​អន្ទង់អាំង​មាន​កម្ពស់​ប្រមាណ​៩០០​ម៉ែត្រ ។ ឥឡូវ​ដឹង​ចម្លើយ​ច្បាស់​ហើយ គឺ​ភ្នំ​១៥០០ ជា​ឈ្មោះ​ប្រើ​ផ្លូវការ តាម​រយៈ​បង្គោលគីឡូម៉ែត្រ​នៅ​តាម​ផ្លួ​វ ជាតិ​លេខ​៥៥ ។

សូម​បញ្ជាក់​ថា ភ្នំ​១៥០០ គឺ​បង្ហាញ​សម្រស់​នៅ​តាម​ផ្លូវជាតិ​លេខ​៥៥ ក្នុងស្រុក​វាល​វែង​ខេត្តពោធិសាត់ ដែល​ត្រូវ​បាន​សម្ពោធ​កាលពី​ថ្ងៃ​ទី​៩ ខែមីនា ឆ្នាំ​២០២០ ក្រោម​អធិបតីភាព​ដ៏​ខ្ពង់ខ្ពស់ សម្តេច​តេ​ជោ ហ៊ុន សែន ។ ផ្លូវជាតិ​លេខ​៥៥ មាន​ប្រវែង​សរុប ១៨២,១៦​គីឡូម៉ែត្រ ចាប់ពី​ខេត្តពោធិ៍សាត់​(​ផ្លូវជាតិ​លេខ​៥ គីឡូម៉ែត្រ​លេខ​១៩១) ទៅ​ដល់​វាល​វែង​-​ថ្មដា (​ព្រំដែន​កម្ពុជា​-​ថៃ​) ត្រូវ​បាន​សម្ពោធ​បើក​ឱ្យ
ប្រើប្រាស់​ជា​ផ្លូវការ​ហើយ ។

ស្រប​ជាមួយនឹង​ការ​បើក​ការដ្ឋាន​កសាង​ផ្លូវជាតិ​លេខ​១០ ប្រវែង​សរុប​១៩៨,៧១​គីឡូម៉ែត្រ ចាប់ពី​ខេត្តបាត់ដំបង (​សំឡូត​)​កាត់​តាម​ខេត្តពោធិ៍សាត់​(​វាល​វែង​) ទៅដល់​ខេត្តកោះកុង​(​ក្រុង​ខេមរភូមិន្ទ​) កាលពី​ថ្ងៃ​ទី​៩ ខែមីនា ឆ្នាំ​២០២០ ក្រោម​អធិបតីភាព​ដ៏​ខ្ពង់ខ្ពស់ សម្តេច​អគ្គមហាសេនាបតី​តេ​ជោ ហ៊ុន សែន ដែល​កាលនោះ​ជា​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា ៕

អត្ថបទសរសេរ ដោយ

កែសម្រួលដោយ