រាជធានីភ្នំពេញ ៖ បុរសម្នាក់បើករថយន្តប្រភេទ ១តោនកន្លះ ជាន់ហ្វ្រាំងមិនជាប់ បួងចង្កូតរេជ្រុលទៅបុករះ រថយន្ត០១គ្រឿង និងម៉ូតូ០៣គ្រឿង បង្កការខូចខាត តែមិនបង្កអោយមនុស្សរបួសនោះឡើយ ។
ហេតុការណ៍នេះបង្កភ្ញាក់ផ្អើលកាលពីវេលាម៉ោង០២និង៤០នាទីរសៀលថ្ងៃទី១៦ ខែមិថុនា ឆ្នាំ២០២៤ ស្ថិតនៅត្រង់ចំណុចភោជនីយដ្ឋាន ហេង ហួត តាមបណ្តោយផ្លូវលេខ៤៣២ កែងផ្លូវលេខ១៥៥ ក្នុងសង្កាត់ទួលទំពូងទី០១ ខណ្ឌចំការមន រាជធានីភ្នំពេញ ។
បើតាមប្រភពព័ត៍មានពីប្រជាពលរដ្ឋបានអោយដឹងថា គេឃើញបុរសម្នាក់ បើករថយន្ត០១តោនកន្លះ ម៉ាក KIA ពណ៍ស ពាក់ស្លាកលេខ ភ្នំពេញ 2V-9912 បើកតាមបណ្តោយផ្លូវ៤៣២ ក្នុងល្បឿនលឿនខ្លាំង ខណៈមកដល់ចំណុចកើតហេតុ រថយន្តខាងលើបានរេចង្កូតទៅបុករះ រថយន្តមួយគ្រឿង ម៉ាក Mitsubishi ពណ៍ស ពាក់ស្លាកលេខ ភ្នំពេញ 2CB- 3669 កំពុងចតនៅខាងមុខហាង បណ្តាលអោយរងការខូចខាត កាងខាងមុខផ្នែកខាងស្តាំ នៃរថយន្ត ។ ដោយរថយន្តបង្ក មិនទាន់អស់ល្បឿន ក៏ជ្រុលទៅបុកម៉ូតូ០៣គ្រឿងបន្ថែមទៀត ក្នុងនោះមានម៉ាក ហុងដាឌ្រីមចំនួន០២គ្រឿង ហុងដាវេវ ០១គ្រឿង និងម៉ូតូ Today ០១គ្រឿងផងដែរ ហើយរថយន្តបង្កទៅជ្រុលបានទៅបុកផ្ទប់ទូគុយទាវ ជាប់នឹងកន្លែង ទៅមុខលែងរួច ។
ប្រភពពីអ្នកបើករថយន្តបង្ក បានអោយដឹងថា គាត់បើករថយន្តខាងលើ ជារៀងរាល់ថ្ងៃមិន ដែលមានបញ្ហាអ្វីឡើយ ។ ប៉ុន្តែនៅរសៀលនេះ រថយន្តរបស់គាត់មិនដឹងជាមានបញ្ហាអ្វីក៏ស្រាប់តែជាន់ហ្វ្រាំងមិនជាប់ ក៏ជ្រុលទៅបុករះចូលក្នុងភោជនីយដ្ឋានខាងលើតែម្តង ។ ភ្លាមៗអ្នកបើករថយន្តបង្កបានធ្វើការទាក់ទងទៅ ថៅកែក្រុមហ៊ុន ដើម្បីមកដោះស្រាយផងដែរ ។
ក្រោយពេលកើតហេតុ សមត្ថកិច្ចបានធ្វើការឃាត់ខ្លួនអ្នកបើករថយន្តបង្ក យកទៅសាកសួរនៅប៉ុស្តិ៍នគរបាលរដ្ឋបាលទួលទំពូងទី០១ ដើម្បីបន្តនីតិវិធី ៕
![](https://kohsantepheapdaily.com.kh/wp-content/uploads/2024/06/0cdb9c0107cc3cbfa4491e2eef8faf3d.jpg)
![](https://kohsantepheapdaily.com.kh/wp-content/uploads/2024/06/285f67226f36045262d68ebffb003ae3.jpg)
![](https://kohsantepheapdaily.com.kh/wp-content/uploads/2024/06/d3b48eb037c36592fd4d3943923cadb4.jpg)
![](https://kohsantepheapdaily.com.kh/wp-content/uploads/2024/06/028653c5676d27c4d647f218bdd6b3fa.jpg)
![](https://kohsantepheapdaily.com.kh/wp-content/uploads/2024/06/9c6c2ef81ab00d1882c257f9368867fa.jpg)
![](https://kohsantepheapdaily.com.kh/wp-content/uploads/2024/06/8f96290b013ce8d45d2360b65f553267.jpg)
![](https://kohsantepheapdaily.com.kh/wp-content/uploads/2024/06/52acd511433335d6c0fd273e0fb98d30.jpg)
![](https://kohsantepheapdaily.com.kh/wp-content/uploads/2024/06/9bc45b6d660801ba7bb04314eeec0e32.jpg)
ចែករំលែកព័តមាននេះ