លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល បាននិយាយកាលពីថ្ងៃទី១៦ ខែមិថុនា ឆ្នាំ២០២៤ថា នៅក្នុងអំឡុងពេលពីខែមករា ដល់ខែឧសភា ដែលទើបបញ្ចប់ទៅនេះ…
លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល បាននិយាយកាលពីថ្ងៃទី១៦ ខែមិថុនា ឆ្នាំ២០២៤ថា នៅក្នុងអំឡុងពេលពីខែមករា ដល់ខែឧសភា ដែលទើបបញ្ចប់ទៅនេះ វិស័យអាកាសចរណ៍កម្ពុជាបានបម្រើការដឹកជញ្ជូនបានអ្នកដំណើរសរុប ២,៥លាននាក់ ទាំងក្នុងស្រុក និងបរទេស ។
លោកបាននិយាយបន្តថា នៅក្នុងរយៈពេលនេះ ក្រុមហ៊ុនអាកាសចរណ៍ទាំងជាតិ និងអន្តរជាតិ ដែលបានប្រតិបត្តិការដឹកជញ្ជូននៅអាកាសយានដ្ឋានអន្តរជាតិទាំងបីនៅកម្ពុជា គឺមានទាំងអស់ ៣១ ក្រុមហ៊ុន ។
លោកបានឲ្យដឹងបន្ថែមថា បច្ចុប្បន្នកម្ពុជាមានជើងហោះហើរត្រង់ជាមួយប្រទេសសមាជិកអាស៊ានចំនួនប្រាំបី ក៏ដូចជា ប្រទេសចិន កូរ៉េខាងត្បូង កាតា និងអារ៉ាប់រួម ហើយឥណ្ឌាក៏បានបើកជើងហោះហើរដែរ ។
យោងតាមរបាយការណ៍របស់ក្រសួងទេសចរណ៍បានឲ្យដឹងថា នៅក្នុងរយៈពេល៤ខែ ដើមឆ្នាំ២០២៤នេះ កម្ពុជាបានទាក់ទាញអ្នកទេសចរបរទេសសរុប២,១១ លាននាក់ ដោយនៅក្នុងនោះថៃមានជាង ជិត៥៩ ម៉ឺននាក់ វៀតណាម ជាង៤១ម៉ឺននាក់ ចិនជាង២៦ ម៉ឺននាក់ ឡាវ ជិត១២ម៉ឺននាក់ ហើយអាមេរិកមាន ជាង ៨ ម៉ឺននាក់ ៕
ចែករំលែកព័តមាននេះ