រាជធានីភ្នំពេញ ៖ ក្មេងទំនើ.ងមួយក្រុមប្រដាប់ទៅដោយដាវ និងដុំថ្មបានធ្វើសកម្មភាពជិះម៉ូតូចូលមកគប់ និងវា.យទៅលើយុវជនមួយក្រុមទៀត មានគ្នាប្រមាណជា៥នាក់ នៅក្នុងកន្លែងលក់ស្រាក្រឡុកមួយកន្លែង ក្បែរផែស្ងួតឧកញ៉ាស៊ូងួន បណ្តាលឲ្យរងរបួសទាំងសងខាងត្រូវសមត្ថកិច្ចចុះមកឃាត់យកទៅសួរនាំ ។…
រាជធានីភ្នំពេញ ៖ ក្មេងទំនើ.ងមួយក្រុមប្រដាប់ទៅដោយដាវ និងដុំថ្មបានធ្វើសកម្មភាពជិះម៉ូតូចូលមកគប់ និងវា.យទៅលើយុវជនមួយក្រុមទៀត មានគ្នាប្រមាណជា៥នាក់ នៅក្នុងកន្លែងលក់ស្រាក្រឡុកមួយកន្លែង ក្បែរផែស្ងួតឧកញ៉ាស៊ូងួន បណ្តាលឲ្យរងរបួសទាំងសងខាងត្រូវសមត្ថកិច្ចចុះមកឃាត់យកទៅសួរនាំ ។
ហេតុការណ៍ខាងលើនេះដែរ បង្កឲ្យមានការភ្ញាក់ផ្អើល កាលពីវេលាម៉ោង១២:៣០នាទីរំលងអធ្រាត្រ ឈានចូលថ្ងៃទី១៦ ខែមិថុនា ឆ្នាំ២០២៤ ស្ថិតនៅលើផ្លូវវេងស្រេង សង្កាត់ចោមចៅទី២ ខណ្ឌពោធិសែនជ័យ រាជធានីភ្នំពេញ ។
បើតាមការបញ្ជាក់ពីកន្លែងកើតហេតុបានឲ្យដឹងថា នៅមុនពេលកើតហេតុដោយគេឃើញមានយុវជនមួយក្រុម មានគ្នាប្រមាណជា៥នាក់ជិះម៉ូតូឌ្រីមសង់ចំនួន២គ្រឿង មិនចាំស្លាកលេខ បានមកអង្គុយផឹកស៊ីនៅកន្លែងលក់ស្រាក្រឡុក ចំណុចទល់មុខ និងផ្សារកាណាស៊ីធី មួយសន្ទុះ ក្រោយមកក៏បានឲ្យអ្នកលក់គិតលុយ រួចរៀបចំនាំគ្នាទាញម៉ូតូបម្រុង និងជិះចេញទៅផ្ទះវិញ ភ្លាមនោះដែរ ស្រាប់តែគេឃើញមានក្មេងទំនើ.ងមួយក្រុមទៀត ជិះម៉ូតូជាច្រើនគ្រឿង ប្រដាប់ទៅដោយដាវ និងដុំថ្មមកឈប់នៅខាងមុខហាងលក់ស្រាក្រឡុកនោះ ហើយក៏ជិះឆ្វែលទៅឆ្វែលមក រ៉ូម៉ូតូឌឺដងខ្លាំងៗ និងយកដុំថ្មមកគប់ទៅលើយុវជនប្រមាណជា៥នាក់នោះ បង្កអោយមានការភ្ញាក់ផ្អើលវា.យគ្នាទៅវិញទៅមកបណ្តាលឲ្យមាននាក់រងរបួស និងវា.យប្រតាយប្រតប់គ្នា ផ្អើលពេញនៅក្នុងហាង បន្ទាប់មកក្មេងទំនើ.ងទាំងនោះ បាននាំគ្នារត់ឡើងម៉ូតូជិះគេចខ្លួន តែត្រូវភាគីរងគ្រោះឃាត់បានម្នាក់វា.យបែកក្បាលឈាមជោករងរបួសធ្ងន់ រួចខាងម្ចាស់ហាងបានទាក់ទងប្ដឹងទៅសមត្ថកិច្ចឲ្យចុះមកជួយអន្តរាគមន៍បន្ទាន់ភ្លាមៗ ។
ក្រោយពីសមត្ថកិច្ចនគរបាលចុះមូលដ្ឋានបានចុះមកដល់ រួចក៏បាននាំភាគីទាំងសងខាងរួមទាំងអ្នកលក់ស្រាក្រឡុកផងដែរ យកទៅប៉ុស្តិ៍នគរបាលសង្កាត់ចោមចៅទី ២ដើម្បីសួរនាំបំភ្លឺហេតុការណ៍ខាងលើ និងចាត់ការទៅតាមនីតិវិធីផ្លូវច្បាប់បន្ត ៕
ចែករំលែកព័តមាននេះ