ក្មេ.ង២នាក់ត្រូវភ្លើងឆេះស្លា.ប់ក្នុងរោងដាក់ចំបើង ខណៈសមត្ថកិច្ចសន្និដ្ឋានករណី២យ៉ាង
- ស្វាយរៀង
ខេត្តស្វាយរៀង ៖ មានករណីក្មេងស្រីតូចៗចំនួន២នាក់ ត្រូវភ្លើងឆេះស្លា.ប់ក្នុងរោងដាក់ចំបើងយ៉ាង
ខេត្តស្វាយរៀង ៖ មានករណីក្មេងស្រីតូចៗចំនួន២នាក់ ត្រូវភ្លើងឆេះស្លា.ប់ក្នុងរោងដាក់ចំបើងយ៉ាង
ខេត្តស្វាយរៀង ៖ មានករណីក្មេងស្រីតូចៗចំនួន២នាក់ ត្រូវភ្លើងឆេះស្លា.ប់ក្នុងរោងដាក់ចំបើងយ៉ាងរន្ធ.ត់ បង្កការភ្ញាក់ផ្អើលដល់អ្នកស្រុកនាំគា្នមកជួយ និងទូរស័ព្ទហៅរថយន្តពន្លត់អគ្គីភ័យមកជួយអន្តរាគមន៍ពន្លត់អស់រយៈពេល២០នាទី ទើបគ្រប់គ្រងបាន តែអ្វីៗបានហួសពេលអស់ទៅហើយ។
ហេតុការណ៍ខាងលើនេះបង្កការភ្ញាក់ផ្អើលកើតឡើងកាលពីវេលាម៉ោង៦យប់ថ្ងៃទី១៤ មិថុនា ឆ្នាំ២០២៤ ស្ថិតនៅភូមិឬស្សីដោច ឃុំរាជមន្ទីរ ស្រុកកំពង់រោទ៌ ខេត្តស្វាយរៀង ។
ក្មេងរងគ្រោះដែលបាត់បង់ជីវិតទាំង២នាក់ខាងលើ ក្នុងនោះម្នាក់ឈ្មោះវីន បរមី ភេទស្រី អាយុ២ឆ្នាំ និងម្នាក់ទៀតឈ្មោះផល រិនចេនណា ភេទស្រី អាយុ២ឆ្នាំ មានទីលំនៅភូមិឬស្សីដោច ឃុំរាជមន្ទីរ ស្រុកកំពង់រោទិ៍ ខេត្តស្វាយរៀង ។ ក្មេងស្រីរងគ្រោះទាំងពីនាក់នេះត្រូវបងប្អូនជីដូនមួយនឹងគ្នា ។
បើតាមសមត្ថកិច្ចបានឲ្យដឹងថា ក្មេងស្រីរងគ្រោះទាំង២នាក់ ត្រូវម្តាយឪពុកយកមកផ្ញើរនៅផ្ទះជីដូន ដោយសារឪពុកម្តាយទៅធ្វើការរោងចក្រ គឺព្រឹកឡើងឪពុកម្តាយទាំង២គ្រួសារ តែងតែយកកូនមកផ្ញើនឹងជីដូនឱ្យជួយមើលថែ លុះពេលល្ងាចម៉ោង៦និង៣០នាទីយប់មកទទួលយកកូនៗនៅផ្ទះវិញ។
តាមប្រភពដដែលបានបន្តថា មុនពេលកើតហេតុ ជីដូនទុកចៅទាំងពីនាក់ឲ្យនៅក្រោមផ្ទះ ហើយក៏ទៅប្រមូលសំរាម និងលាមកសត្វស្ថួតៗ ដុតភ្នក់ភ្លើងគោក្របី ខណៈនោះចៅទាំងពីមិននៅស្ងៀមក្រោមផ្ទះទេ ។ ពួកគេរពឹស ក៏នាំគ្នារត់លេងក្បែរជីដូនភ្លេចខ្លួនបន្តិច ស្រាប់តែឃើញអណ្តាតភ្លើងឆេះរោងដាក់ចំបើង ក៏រត់មកស្រែកហៅឲ្យគេជួយ និងរត់រកចៅទាំង២នាក់តែមិនឃើញ (សូមបញ្ជាក់រោងដាក់ចំបើងនោះធ្វើរានខ្ពស់ផុតពីដី និងមានជង្រុកស្រូវក្បែគ្នាដែរ) ដោយមិននឹកស្មានមិនដល់ថា ចៅស្រីទាំងពីនាក់បានលូនចូលក្រោមរោងចំបើង បណ្តាលឱ្យឆេះស្លាប់ទាំងពីនាក់បងប្អូនបែបនេះសោះ។
តាមប្រភពដដែលបានបន្តទៀតថា ខណៈពេលនោះ អ្នកជិតខាងរត់មកដល់ ខ្លះក៏ទូរសព្ទ័ហៅរថយន្តពន្លត់អគ្គីភ័យអធិការដ្ឋាននគបាលស្រុកកំពង់រោទ៌មកជួយអន្តរាគមន៍ពន្លត់ភ្លើងដែរ ក៏ប៉ុន្តែទំរាំមកដល់គឺភ្លើងចំបើងឆេះពេញបន្ទុកទៅហើយ និងរាលដាលទៅឆេះជង្រុកស្រូវទៀត ដោយបាញ់ពន្លត់អស់រយៈពេល២០នាទីទើបគ្រប់គ្រងបាន ។ ក្រោយពន្លត់ភ្លើងបានហើយ តែចៅៗនៅក្រោមរោងចំបើងក៍ត្រូវភ្លើងឆេះស្លា.ប់អស់ដែរ។
អ្វីដែលគួរឲ្យសង្វេគទៀតនោះ គឺឪពុកម្តាយក្មេងរងគ្រោះទាំងពីរនាក់មកពីធ្វើការរោងចក្រសង្ឃឹមថាមកយកកូនសម្លាញ់ទៅផ្ទះវិញ ស្រាប់តែមានគេប្រាប់ថា កូនរបស់ពួកគាត់ត្រូវភ្លើងឆេះស្លា.ប់បាត់បង់ជីវិតអស់ទៅហើយ ។ គ្រាន់តែឮបែបនេះភ្លាម ស្ត្រីជាម្តាយតក់ស្លុតសន្លប់បាត់ស្មារតី ។
បើតាមសមត្ថកិច្ចធ្វើការសន្និដ្ឋានថា ទី១-អាចកំទេចភ្លើងខ្ទាតចេញពីភ្នក់ភ្លើង មកធ្លាក់ចំរោងចំបើងបណ្តាលឲ្យឆេះ ទី២-សង្ស័យថា ក្មេងៗរពិស ពេលជីដូនកំពុងដើរប្រមូលសំរាម និងអុសមកដុតបំពក់ភ្នក់ភ្លើងនោះ ចៅៗនាំគ្នាអូសភ្លើងយកទៅលេងក្រោមរោងចំបើង បណ្តាលឲ្យឆេះចំបើង ហើយក្មេងៗគាត់លូនចូលលេងខាងក្រោមរោងចំបើង ពេលភ្លើងឆេះក៏ឈ្លក់ផ្សែងភ្លើង រកផ្លូវចេញមិនរួច ក៏បណ្តាលឲ្យភ្លើងឆេះស្លា.ប់បែបនេះតែម្តង ។
ក្រោយពីសមត្ថកិច្ចពិនិត្យ និងធ្វើកោសល្យវិច័យរួច សមត្ថកិច្ចបានប្រគល់ស.ពក្មេងទាំងពីរឱ្យឪពុកម្តាយយកទៅធ្វើបុណ្យតាមប្រពៃណី ។
ជុំវិញករណីខាងលើនេះ សូមបងប្អូនបង្កើនការប្រុងប្រយត្ន័ ចំពោះការដុតបំពក់ភ្លើងគោក្របី ជិតផ្ទះនិងជិតរោងចំបើង កុំធ្វេសប្រហែស ក្រែងកើតមានគ្រោះអគ្គិភ័យជាយថាហេតុដូចករណីបែបនេះ ៕
ចែករំលែកព័តមាននេះ