ADផ្ទាំងផ្សព្វផ្សាយពាណិជ្ជកម្ម

Picture

អាវុធហត្ថ​បញ្ជូន​ជនជាតិ​ថៃ​ម្នាក់ ទៅ​តុលាការ​ខេត្តបន្ទាយមានជ័យ ករណី​ឆ្លង​ដែន​ខុសច្បាប់ ដឹក​ជញ្ជូន និង​ជួញដូរ​គ្រឿងញៀ.ន

1 ខែ មុន

ខេត្តបន្ទាយមានជ័យ ៖ នៅ​វេលា​ម៉ោង​១១​និង​០០​នាទី​ថ្ងៃ​ទី​១២ ខែមិថុនា ឆ្នាំ​២០២៤ កម្លាំង​មូលដ្ឋាន​កងរាជអាវុធហត្ថ​ក្រុង​ប៉ោយ​ប៉ែ​ត ដឹកនាំ​ដោយ​លោក​វរសេនីយ៍ត្រី នួន នី​ណា​រ៉ូ មេបញ្ជាការ​មូលដ្ឋាន​កងរាជអាវុធហត្ថ​ក្រុង…

ខេត្តបន្ទាយមានជ័យ ៖ នៅ​វេលា​ម៉ោង​១១​និង​០០​នាទី​ថ្ងៃ​ទី​១២ ខែមិថុនា ឆ្នាំ​២០២៤ កម្លាំង​មូលដ្ឋាន​កងរាជអាវុធហត្ថ​ក្រុង​ប៉ោយ​ប៉ែ​ត ដឹកនាំ​ដោយ​លោក​វរសេនីយ៍ត្រី នួន នី​ណា​រ៉ូ មេបញ្ជាការ​មូលដ្ឋាន​កងរាជអាវុធហត្ថ​ក្រុង បាន​ធ្វើ​ប្រតិបត្តិការ​បង្ក្រាប​ករណី​ឆ្លង​ដែន​ខុសច្បាប់ ដឹក​ជញ្ជូន ជួញដូរ និង​ប្រើប្រាស់​ដោយ​ខុសច្បាប់ នូវ​សារធាតុ​ញៀន នៅ​ចំណុច​រោង​តា​ព្រហ្ម ស្ថិត​ក្នុងភូមិ​ក្បាលស្ពាន​១ សង្កាត់​អូរ​ជ្រៅ ក្រុង​ប៉ោយ​ប៉ែ​ត ខេត្តបន្ទាយមានជ័យ ឃាត់ខ្លួន​ជនសង្ស័យ​ជនជាតិ​ថៃ​ម្នាក់ ឈ្មោះ កា​តាន​យូ ហា​សាន់ ហៅ​បែង ភេទ​ប្រុស អាយុ​២៨​ឆ្នាំ ជនជាតិ​ថៃ មុខរបរ​មិន​ពិតប្រាកដ ទីលំនៅ​បច្ចុប្បន្ន ក្រុង​ថេ​ប ប្រទេស​ថៃ ។

ក្នុង​ប្រតិបត្តិការ​នោះ កម្លាំង​ចាប់​យក​វត្ថុ​តាង រួម​មាន ៖
-​គ្រឿងញៀន ប្រភេទ​ម្ស៉ៅ​ក្រាម​ស​ថ្លា (​កេ​តា​មីន​) ចំនួន ០៣​កញ្ចប់​ធំ និង​០២​កូន​ថង់​កិប ទម្ងន់ ៣១៥៦,៤០​ក្រាម
-​ទូរ​សព្ទ​ដៃ​ចំនួន​០២​គ្រឿង (​ម៉ាក​IPhone 13Pro Max ពណ៌​ផ្ទៃមេឃ​, IPhone 7Plus ពណ៌​ខ្មៅ​)
-​ប្រាក់​ថៃ ចំនួន​១០,០០០​បាត (​មួយ​ម៉ឺន​បាត​)
-​សៀវភៅ​លិខិតឆ្លងដែន ចំនួន​០១​ក្បាល
-​អត្តសញ្ញាណប័ណ្ណ​សញ្ជាតិ​ថៃ ចំនួន​០១​សន្លឹក
-​ប័ណ្ណបើកបរ (​ថៃ​) ចំនួន​០១​សន្លឹក ។

លោក​វរសេនីយ៍ត្រី នួន នី​ណា​រ៉ូ មេបញ្ជាការ​មូលដ្ឋាន​កងរាជអាវុធហត្ថ​ក្រុង បានឱ្យ​ដឹង​ថា មុន​ឈាន​ដល់​កា​រប​ង្រា្ក​ប កម្លាំង​មូលដ្ឋាន​កងរាជអាវុធហត្ថ​ក្រុង បាន​ធ្វើការ​ចុះ​ល្បាត តាម​បណ្តោយ​បន្ទាត់​ព្រំដែន​កម្ពុជា​-​ថៃ រហូត​ដល់​ចំណុច​រោង​តា​ព្រហ្ម កម្លាំង​បាន​ប្រទះ​ឃើញ​ជនសង្ស័យ ស្ពាយ​កាបូប​ពណ៌​ខ្មៅ ចំនួន​០១ បាន​លួច​ឆ្លង​ដែន​ដោយ​ខុសច្បាប់​ពី​ប្រទេស​ថៃ ឆ្លង​ចូល​មក​ប្រទេស​កម្ពុជា ភ្លាម​នោះ​កម្លាំង​បាន​ធ្វើការ​ឃាត់ខ្លួន ហើយ​ធ្វើការ​ត្រួតពិនិត្យ​ឆែកឆេរ​លើ​ខ្លួន ឃើញ​មាន​គ្រឿងញៀន​ប្រភេទ​ម្ស៉ៅ​ក្រាម​ស​ថ្លា (​កេ​តា​មីន​) ចំនួន​០៣​កញ្ចប់​ធំ និង​០២​កូន​ថង់​កិប ទម្ងន់ ៣១៥៦,៤០​ក្រាម (​ដាក់​ក្នុង​កាបូបស្ពាយ​ពណ៌​ខ្មៅ​)​។ បន្ទាប់​មក កម្លាំង​បាន​ធ្វើការ​ឃាត់ខ្លួន​ជនសង្ស័យ​ភ្លាម​ៗ និង​ដកហូត​វត្ថុ​តាង ហើយ​នាំ​មក​កាន់​មូលដ្ឋាន​កងរាជអាវុធហត្ថ​ក្រុង ដើម្បី​ចាត់ការ​តាម​នីតិវិធី ។

ក្រោយ​ឃាត់ខ្លួន និង​សួរ​ចម្លើយ ជនសង្ស័យ​បាន​ឆ្លើយ​សារភាព​ថា ខ្លួន​ពិតជា​បាន​លួច​ឆ្លង​ដែន​ខុសច្បាប់ ព្រមទាំង​ដឹក​ជញ្ជូន ជួញដូរ និង​ប្រើប្រាស់​ដោយ​ខុសច្បាប់ នូវ​សារធាតុ​ញៀន​ពិតប្រាកដ​មែន​។ ដោយ​ផ្អែក លើ​ចម្លើយ​សារភាព និង​មាន​វត្ថុ​តាង​ជាក់ស្តែង កម្លាំង​មូលដ្ឋាន​កងរាជអាវុធហត្ថ​ក្រុង បាន​កសាង​សំណុំរឿង​បញ្ជូន​មក​កាន់​បញ្ជាការដ្ឋាន​កងរាជអាវុធហត្ថ​ខេត្ត ចាត់ការ​បន្ត​តាម​នីតិវិធី ។

លោក​វរសេនីយ៍ឯក ម៉ែ​ន ភិ​រម្យ មេបញ្ជាការ​រង​កងរាជអាវុធហត្ថ​ខេត្ត ទទួល​ការងារ​ស្រាវជ្រាវ និង​បង្ក្រាប​បទល្មើស បានឱ្យ​ដឹង​ថា ការ​បង្ក្រាប​ករណី​ខាងលើ​នេះ ក៏​ទទួល​បានការ​អនុញ្ញាត​ពី​លោក​ឧត្តមសេនីយ៍ត្រី បោ​ន ប៊ិ​ន មេបញ្ជាការ​កងរាជអាវុធហត្ថ​ខេត្ត និង​មានការ​សម្របសម្រួល​នីតិវិធី​ពី​លោក កើត វ​ណ្ណា​រ៉េ​ត ព្រះរាជអាជ្ញា អម​សាលាដំបូង​ខេត្ត ផង​ដែរ ។

បច្ចុប្បន្ន ជនសង្ស័យ រួម​នឹង​វត្ថុ​តាង​ត្រូវ​បាន​កម្លាំង​ការិយាល័យ​ប្រឆាំង​គ្រឿងញៀន បញ្ជូន​ទៅ​សាលាដំបូង​ខេត្ត​ហើយ​នៅ​ព្រឹក​ថ្ងៃ​សុក្រ ទី​១៤ ខែមិថុនា ឆ្នាំ​២០២៤​នេះ ដើម្បី​អនុវត្ត​តាម​នីតិវិធី ៕

អត្ថបទសរសេរ ដោយ