កម្មវិធីការគ្រប់គ្រងធនធានទឹក និងការផ្លាស់ប្តូរកសិកម្មនៅប្រទេសកម្ពុជា បានកំពុងតែដំណើរការដាក់ចេញ ដើម្បីធានាដំណើរការប្រើប្រាស់ទឹកឲ្យមានប្រសិទ្ធភាពនៅក្នុងប្រទេស ។ ក្រសួងធនធានទឹក និងឧតុនិយមបានឲ្យដឹងថា កម្មវិធីការគ្រប់គ្រងធនធានទឹក និងការផ្លាស់ប្តូរកសិកម្មនៅប្រទេសកម្ពុជាត្រូវបានពិភាក្សានៅថ្ងៃទី១៣ ខែមិថុនា…
កម្មវិធីការគ្រប់គ្រងធនធានទឹក និងការផ្លាស់ប្តូរកសិកម្មនៅប្រទេសកម្ពុជា បានកំពុងតែដំណើរការដាក់ចេញ ដើម្បីធានាដំណើរការប្រើប្រាស់ទឹកឲ្យមានប្រសិទ្ធភាពនៅក្នុងប្រទេស ។
ក្រសួងធនធានទឹក និងឧតុនិយមបានឲ្យដឹងថា កម្មវិធីការគ្រប់គ្រងធនធានទឹក និងការផ្លាស់ប្តូរកសិកម្មនៅប្រទេសកម្ពុជាត្រូវបានពិភាក្សានៅថ្ងៃទី១៣ ខែមិថុនា ឆ្នាំ២០២៤ នេះ ។
លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយមបានឲ្យដឹងថា ប្រព័ន្ធទិន្នន័យប្រព័ន្ធធារាសាស្ត្រនេះ មានភាពចាំបាច់ និងមានសារសំខាន់ណាស់ សម្រាប់ការងារគ្រប់គ្រង និងថែទាំប្រព័ន្ធធារាសាស្ត្រនៅកម្ពុជាឱ្យមានប្រសិទ្ធភាព។
លោករដ្ឋមន្ត្រីបានបញ្ជាក់បន្ថែមថា កន្លងមក ក្រសួងមានទិន្នន័យដែលគ្រប់គ្រងដោយនាយកដ្ឋានផែនការ និងសហប្រតិបត្តិការអន្តរជាតិ តែប្រព័ន្ធទិន្នន័យនេះនៅមានកម្រិត និងតម្រូវឱ្យមានការធ្វើបច្ចុប្បន្នកម្ម និងទំនើបកម្ម ដើម្បីបង្កើនមុខងារ និងការប្រើប្រាស់ឱ្យកាន់តែមានភាពងាយស្រួល និងមានប្រសិទ្ធភាព។
គួរបញ្ជាក់ថា គម្រោងនេះ បានរៀបចំឡើងតាមរយៈកិច្ចព្រមព្រៀងឥណទានរវាងរាជរដ្ឋាភិបាលកម្ពុជា និងទីភ្នាក់ងារបារាំងសម្រាប់ការអភិវឌ្ឍដែលបានចុះហត្ថលេខាកាលពីឆ្នាំ២០១៨ ដើម្បីពង្រឹងការប្រើប្រាស់ទឹកឲ្យចំគោលដៅ ។
ការប្រើប្រាស់ទឹកក៏ត្រូវការព័ត៌មាននិងការគ្រប់គ្រងផងដែរថ្វីត្បិតតែធនធានទឹកនៅក្នុងប្រទេសសំបូរក៏ដោយ ប៉ុន្តែតាមបទពិសោធន៍កន្លងមក នៅក្នុងរដូវប្រាំង គឺមានករណីខ្វះទឹកប្រើប្រាស់កើតមានជាបន្តបន្ទាប់មកហើយ ។
ចែករំលែកព័តមាននេះ