ADផ្ទាំងផ្សព្វផ្សាយពាណិជ្ជកម្ម

Picture

វៀតណាម​ចា.ប់​ខ្លួន​បុរស​ម្នាក់​ដាំ​អា.ភៀន​ជិត​៥០០​ដើម​ក្នុង​បន្ទប់​គេង

1 ខែ មុន

ទី​ក្រុង​ហាណូយ៖ ថ្មី​ៗ​នេះ​នៅ​ប្រទេស​វៀតណាម នារី​ជា​ភរិយា​របស់​បុរស​ដាំ​គ្រឿង​ញៀន​ម្នាក់​បាន​លួច​រាយ​ការណ៍​​​ប្រាប់​សមត្ថ​កិច្ច​អំពី​សកម្ម​ភាព​ទុច្ច​រិត​របស់​ស្វាមី​ដែល​អ្នក​ស្រី​យល់​ថា​ជា​ទង្វើ​ខុស​ឆ្គង​។ បុរស​ដែល​ជា​ស្វាមី​រូប​​នេះ​រស់​នៅ​ខេត្ត​យ៉ា​ឡាយ (Gia Lai) នៃភូមិ​ភាគ​កណ្ដាល​ត្រូវ​សមត្ថ​កិច្ច​ចាប់​ខ្លួន​ព្រឹប​ៗ​ដាក់​បញ្ចូល​ទៅ​ក្នុង​មន្ទីរ​ឃុំ​ឃាំង​ដើម្បី​រង់​ចាំ​ការ​នាំ​ខ្លួន​ឡើង​តុលា​ការ​។​ សាក្សី​និយាយ​ថា​ភរិយា​របស់​គាត់​ដឹង​អាថ៌​កំបាំង​នៃ​ការ​លួច​ដាំ​គ្រឿង​ញៀន​ប្រភេទ​អាភៀន​ជិត​៥​រយ​ដើម​នៅ​ក្នុង​បរិវេណ​ផ្ទះ​​របស់​គាត់​។ ឃើញ​ដូច្នេះ ភរិយា​របស់​គាត់​ក៏​រាយ​ការណ៍​ប្រាប់​សមត្ថ​កិច្ច​ភ្លាម​ៗ​ឱ្យ​ដឹង​អំពី​រឿង​នេះ​។…

ទី​ក្រុង​ហាណូយ៖ ថ្មី​ៗ​នេះ​នៅ​ប្រទេស​វៀតណាម នារី​ជា​ភរិយា​របស់​បុរស​ដាំ​គ្រឿង​ញៀន​ម្នាក់​បាន​លួច​រាយ​ការណ៍​​​ប្រាប់​សមត្ថ​កិច្ច​អំពី​សកម្ម​ភាព​ទុច្ច​រិត​របស់​ស្វាមី​ដែល​អ្នក​ស្រី​យល់​ថា​ជា​ទង្វើ​ខុស​ឆ្គង​។ បុរស​ដែល​ជា​ស្វាមី​រូប​​នេះ​រស់​នៅ​ខេត្ត​យ៉ា​ឡាយ (Gia Lai) នៃភូមិ​ភាគ​កណ្ដាល​ត្រូវ​សមត្ថ​កិច្ច​ចាប់​ខ្លួន​ព្រឹប​ៗ​ដាក់​បញ្ចូល​ទៅ​ក្នុង​មន្ទីរ​ឃុំ​ឃាំង​ដើម្បី​រង់​ចាំ​ការ​នាំ​ខ្លួន​ឡើង​តុលា​ការ​។​

សាក្សី​និយាយ​ថា​ភរិយា​របស់​គាត់​ដឹង​អាថ៌​កំបាំង​នៃ​ការ​លួច​ដាំ​គ្រឿង​ញៀន​ប្រភេទ​អាភៀន​ជិត​៥​រយ​ដើម​នៅ​ក្នុង​បរិវេណ​ផ្ទះ​​របស់​គាត់​។ ឃើញ​ដូច្នេះ ភរិយា​របស់​គាត់​ក៏​រាយ​ការណ៍​ប្រាប់​សមត្ថ​កិច្ច​ភ្លាម​ៗ​ឱ្យ​ដឹង​អំពី​រឿង​នេះ​។ នគរ​បាល​ស្រុក​ក្បាំង (Kbang) ប្រាប់​​ថា​បុរស​ឈ្មោះ​ធីវវ៉ាន់​ធូ (Trieu Van Thu) អាយុ​៥៣​ឆ្នាំ​នឹង​ត្រូវជាប់​ចោទ​ពី​បទ​ផលិត​គ្រឿង​ញៀន​ខុស​ច្បាប់​។​

សូម​ជម្រាប​ថា​បុរស​រូប​នេះ​អាច​នឹង​ប្រឈម​នឹង​ទោស​ធ្ងន់​​ធ្ងរ​ណាស់​។ នៅ​វៀតណាម​ កុំ​ថា​ឡើយ​ដាំ​អាភៀន​ដល់​រាប់​រយ​ដើម​ សូម្បី​តែ​​កាន់​កាប់​​​អាភៀន​​ប៉ុន្មាន​គីឡូ​​ក្រាម​ប៉ុណ្ណោះ​ក៏​ត្រូវ​ជាប់​ទោស​ប្រហារ​ជីវិត​ដែរ​។ ពោល​គឺ​ច្បាប់​គ្រឿង​​ញៀន​នៅ​វៀតណាម និង​សិង្ហបុរី​តឹង​រ៉ឹង​ដូច​គ្នា​​​។ សមត្ថ​កិច្ច​ប្រាប់​ថា​ខ្លួន​ទទួល​​របាយ​ការណ៍​ពី​ស្ត្រី​ឈ្មោះ​​បួយ​ធី​វិញ (Bùi Thị Oanh) ដែល​ត្រូវ​ជា​ភរិយា​។ អ្នក​ស្រី​​​ប្រាប់​ថា​ស្វាមី​របស់​​ខ្លួន​ដាំ​រុក្ខ​ជាតិ​ចម្លែក​មួយ​​ប្រភេទ​​។ មិន​ដឹង​ថា​ជា​ដើម​អ្វី​​​ទេ​ហាក់​​ដូច​ជា​​ដើម​អាភៀន​។

នៅ​ពេល​ចុះ​ទៅ​ដល់​ផ្ទះ​របស់​បុរស​ឈ្មោះ​ធីវ​វ៉ាន់​ធូ​នោះ សមត្ថ​កិច្ច​រក​ឃើញ​ដើម​អាភៀន​ដែល​​បុរស​នោះ​ដាំ​នៅ​​ជុំ​វិញ​ផ្ទះ​ខ្លះ​​ និង​​ដាំ​នៅ​ក្នុង​បន្ទប់​គេង​ខ្លះ​។ ក្រៅ​ពី​នេះ រក​ឃើញ​​ប៊ីដុង​​ជ័រ​ចំនួន​២​ និង​ថូ​ព័រ​សឺឡែន​ដាក់​សារ​ធាតុ​​​​ម៉្យាង​ពណ៌​ខ្មៅ​​ក្រិប​។ បុរស​រូប​នេះ​ឆ្លើយ​សារ​ភាព​ថា​ខ្លួន​ទិញ​​​គ្រាប់​​អាភៀន​​​ពី​ខេត្ត​ឡាង​សឺន (Lang Son) ដើម្បី​យក​មក​ដាំ​។​ នៅ​ពេល​ដើម​អាភៀន​ធំ​ពេញ​រូប​ពេញ​រាង​ គាត់​នឹង​បរិភោគ​ស្លឹក​អាភៀន​ឆៅ​តែ​ម្ដង​។ ចំណែក​ជ័រ​អាភៀន​គាត់​ប្រុង​ចម្រាញ់​ចេញ​ពី​ផ្លែ​របស់​វា​ដើម្បីទុក​ជក់​៕

អត្ថបទសរសេរ ដោយ

កែសម្រួលដោយ