ខេត្តស្វាយរៀង ៖ កាលពីរសៀលថ្ងៃទី១០ មិថុនា ២០២៤ ក្រុមការងារបច្ចេកទេសលទ្ធកម្មសាលាខេត្តស្វាយរៀង ដឹកនាំដោយលោកស្រី ប៊ុន ចិន្តា ប្រធានការិយាល័យវិនិយោគខេត្ត…
ខេត្តស្វាយរៀង ៖ កាលពីរសៀលថ្ងៃទី១០ មិថុនា ២០២៤ ក្រុមការងារបច្ចេកទេសលទ្ធកម្មសាលាខេត្តស្វាយរៀង ដឹកនាំដោយលោកស្រី ប៊ុន ចិន្តា ប្រធានការិយាល័យវិនិយោគខេត្ត និងមន្ត្រីលទ្ធ កម្មខេត្ត ក្រុមប្រឹក្សាឃុំពងទឹកបានចុះពិនិត្យ និងវាយតម្លៃការសាងសង់ផ្លូវក្រាលថ្មបំបែក០២ខ្សែប្រវែង៦,១៦៥ម៉ែត្រដែលក្រុមហ៊ុនសូរ សុផារ៉ា ទទួលការសាងសង់ លទ្ធផលរកឃើញថា ការសាងសង់ផ្លូវក្រាលថ្មបំបែករបស់ក្រុមហ៊ុនសូ សុផារ៉ា គឺមិនទាន់ត្រឹមត្រូវតាមបច្ចេកទ្ទេសនៃកិច្ចសន្យាទេ គឺ៖
ទី១-ទទឹងផ្លូវ៥ម៉ែត្រ កន្លែងខ្លះគ្រប់ម៉ែត្រ កន្លែងខ្លះបានតែ៤ម៉ែត្រ៨តឹក ទៅ៤ម៉ែត្រ៩តឹកប៉ុណ្ណោះ ។ ចំពោះកំរាស់ថ្ម០,១៥ម៉ែត្រ តែជាក់ស្តែងកន្លែងខ្លះគ្រប់ (០,១៥ម៉ែត្រ) កន្លែងខ្លះបានតែ០,១២ម៉ែត្រប៉ុណ្ណោះ ។
ទី២-ការកិនបង្ហាប់ថ្នល់ក្រុមហ៊ុន យករ៉ូឡូតូច សារីចាស់មកប្រើ ហើយមិនបានស្រោចទឹក កិនបង្ហាប់ទេ (ថ្ម និងខ្សាច់ជ្រោកអត់ហាប់) តម្រូវឲ្យក្រុមហ៊ុនទទួលការយករ៉ូឡូធំកិនបង្ហាប់ថ្នល់ម្តងទៀត ហើយត្រូវស្រោចទឹក បង្ហាប់ឲ្យត្រូវតាមបច្ចេកទេស។
ទី៣-ការដាក់លូកាត់ថ្នល់០២កន្លែង មិនត្រូវតាមបច្ចេកទេស គឺត្រូវវ៉ៃចោលធ្វើថ្មីឡើងវិញ ហើយត្រូវធ្វើ មាត់លូឲ្យខ្ពស់ និងស្លាបឈ្នាងខាងមុខលូ ត្រូវរៀបឥដ្ឋឲ្យបានខ្ពស់ហើយវែង ចាក់បង្ហាប់ដីទប់មាត់ឈ្នាងខាងមុខលូ ឲ្យបានហាប់ល្អ។
ក្រុមហ៊នសូ សុផារ៉ា យល់ព្រម អនុវត្តតាមក្រុមការងារលទ្ធកម្មកែលំអថ្នល់ឡើងវិញឲ្យបានត្រឹមត្រូវតាមស្តង់ដាបច្ចេកទេសនៃកិច្ចសន្យា ។
ទាក់ទិនករណីនេះដែរ លោកមេឃុំពងទឹកបានមានប្រសាសន៍ថា ផ្លូវ២ខ្សែនេះប្រវែង៦,១៦៥ម៉ែត្រ ១ខ្សែឆ្លងកាត់ភូមិចំនួនពីរ គឺភូមិទួលតាយួន និងភូមិអណ្តូងក្រសាំង ហើយមួយខ្សែទៀតនៅភូមិតាយន់ ។ ហើយរូបលោកនិងក្រុមប្រឹក្សាឃុំពងទឹកយល់ព្រមទទួលយកគម្រោង តាមការសម្រេចរបស់គណកម្មការបច្ចេកទេសលទ្ធកម្មខេត្ត ដែលឲ្យក្រុមហ៊ុន សូ សុផារ៉ា ស្រោចទឹក កិនបង្ហាប់ ជាថ្មីឲ្យហាប់ល្អ និងធ្វើមាត់ឈ្នាងខាងមុខលូ ឲ្យត្រូវតាមបច្ចេកទេស គាត់និងទទួលយក ។
ទាក់ទិនករណីនេះដែរ លោកសូ សុផារ៉ា ប្រធានក្រុមហ៊ុន សូ សុផារ៉ា បានប្រាប់អ្នកសារព័ត៌មានយើងថា ផ្លូវថ្នល់ក្រាលថ្មបំបែកចំនួន០២ខ្សែប្រវែង៦,១៦៥ម៉ែត្រនេះ បើគិតជាទឹកប្រាក់ដែលដេញថ្លៃ គឺដាក់ដេញថ្លៃប្រកាប់ប្រចាក់ គិតជាម៉ែត្រ គឺ១-គីឡូម៉ែត្រ ទឹកប្រាក់២០លានរៀល ដូច្នេះ បើធ្វើតាមកិច្ចសន្យានោះគឺខាតច្រើនណាស់ ក៏ប៉ុន្តែយ៉ាងណាក៏ដោយ ក្រុមហ៊ុនបានសាងសង់តាមការបង្ហាញរបស់ក្រុមប្រឹក្សាឃុំពងទឹក ឲ្យរុញដីជាទំនប់សងខាងថ្នល់ ហើយចាក់ក្រួសចំកណ្តាល រួចឈូសឆាយរុញដីទំនប់មកគ្របពីលើ ទើបមើលទៅមិនសូវឃើញមានថ្មអណ្តែត ។
ហើយគាត់ទទួលស្គាល់ថា កម្រាស់ថ្ម០,១៥ម៉ែត្រ គឺកន្លែងខ្លះគ្រប់កន្លែងខ្លះបាន០,១៣ម៉ែត្រ ដោយការកៀបង្ហាប់ ទៅវាលែងអីលំអៀង ចំពោះទទឹងថ្នល់៥ម៉ែត្រកន្លែងខ្លះខ្វះបន្តិចបន្តួច កន្លែងខ្លះក៏លើសម៉ែត្រ ហើយបើមន្ត្រីបច្ចេកទេសពិនិត្យវាយតម្លៃទៅឃើញថា មិនទាន់ត្រឹមត្រូវតាមបច្ចេកទ្ទេស គឺក្រុមហ៊ុន និងកែលម្អតាមការវាយតម្លៃ។
ចំណែកមហាជនបានរិះគន់ចំៗ ទៅក្រុមហ៊ុនសូ សុផារ៉ា ថា ការធ្វើផ្លូវថ្នល់ថ្មបំបែកនេះ បើគ្មានក្រុមប្រឹក្សាចុះមើលគ្រប់ដំណើរកាទេ គឺធ្វើលំៗឈូសឆាយដីមិនកៀរស្មៅចេញ ពេលឈូសពង្រាបហើយអត់ស្រោចទឹកបង្ហាប់ឲ្យហាប់ល្អ រ៉ូឡូកិនថ្នល់តូច ហើយអត់ស្រោចទឹកទៀត មានអីថ្នល់ជ្រាប ប្រសិនបើមានភ្លៀងធ្លាក់តែមួយមេច្បាស់ជាហូដីអស់មិនខាន ។
ប្រជាពលរដ្ឋបានសំណូមពរដល់អាជ្ញាធរខេត្តមេត្តា ពិនិត្យគ្រប់ក្រុមហ៊ុនដែលដាក់ដេញថ្លៃ និងពិនិត្យគ្រប់ដំណើរការសាងសង់បើពុំដូច្ឆោះទេ គឺផ្លូវថ្នល់ពិតជាគ្មានគុណភាពទេទាន៕
ចែករំលែកព័តមាននេះ