ខេត្តកំពត ៖ កាន់តែប្លែកភ្នែកហើយសម្រាប់បងប្អូនក្នុងតំបន់ ជាពិសេសនោះ គឺភ្ញៀវទេសចរដែលមកកម្សាន្តនៅតំបន់ឧទ្យានជាតិព្រះមុនីវង្សបូកគោ ហើយអាចរំពឹងថា កាន់តែទាក់ទាញអ្នកទេសចរមកទស្សនា និងថតរូបទុកអនុស្សាវរីយ៍ គួរឱ្យជាទីចាប់អារម្មណ៍ និងគួរជាទីមោទនៈបំផុត…
ខេត្តកំពត ៖ កាន់តែប្លែកភ្នែកហើយសម្រាប់បងប្អូនក្នុងតំបន់ ជាពិសេសនោះ គឺភ្ញៀវទេសចរដែលមកកម្សាន្តនៅតំបន់ឧទ្យានជាតិព្រះមុនីវង្សបូកគោ ហើយអាចរំពឹងថា កាន់តែទាក់ទាញអ្នកទេសចរមកទស្សនា និងថតរូបទុកអនុស្សាវរីយ៍ គួរឱ្យជាទីចាប់អារម្មណ៍ និងគួរជាទីមោទនៈបំផុត ។
ជាក់ស្តែង នៅលើកំពូលភ្នំបូកគោនាទឹកដីខេត្តកំពត ក្រុមវិស្វករជំនាញបាននិងកំពុងមមារញឹកសាងសង់ព្រះពុទ្ធបដិមាដ៏ធំស្កឹមស្កៃដែលមានកម្ពស់រហូតដល់១០៨ម៉ែត្រ ដែលគ្រោងនឹងចំណាយថវិការហូតដល់៦០លានដុល្លារអាមេរិក ។ នេះបើតាមការបញ្ជាក់ពីក្រុមវិស្វករជំនាញ ព្រះពុទ្ធបដិមាលើកំពូលភ្នំបូកគោ គឺមានកម្ពស់ខ្ពស់ជាងគេនៅតំបន់អាស៊ីអាគ្នេយ៍ ។
ការសាងសង់ព្រះពុទ្ធប្បដិមាកម្ពស់១០៨ម៉ែត្រដ៏ស្កឹមស្កៃនៅលើខ្នងភ្នំបូកគោនេះ ដើម្បីរំលឹកគុណដល់ព្រះសម្មាសម្ពុទ្ធជាព្រះបរមគ្រូនៃយើង ដែលព្រះអង្គបានត្រាស់ដឹងចម្លងសត្វលោកឱ្យរួចផុតចាកទុក្ខ និងដើម្បីរក្សានូវអត្តសញ្ញាណវប្បធម៌សាសនាជាតិខ្មែរ សម្រាប់ជាទីគោរពសក្ការៈដ៏ថ្លៃថ្លាឧត្តុងឧត្តមរបស់បងប្អូនពុទ្ធសាសនិកជនទាំងអស់គ្នាគោរពប្រណិប័តន៍ ហើយព្រះពុទ្ធបដិមាដ៏ស្កឹមស្កៃនេះ នឹងគង់ជាសម្បត្តិវប្បធម៌សាសនាជាតិខ្មែរជារហូតតរៀងទៅ ។
ចែករំលែកព័តមាននេះ