ADផ្ទាំងផ្សព្វផ្សាយពាណិជ្ជកម្ម

Picture

លោក​បៃដិន​សុខ​ចិត្ត​ឱ្យ​កូន​ជាប់​គុក​បើ​តុលាការ​រក​ឃើញ​កំហុស​ដូច​ការ​ចោទ​ប្រកាន់

1 ខែ មុន

ទី​ក្រុង​វ៉ាស៊ីនតោន៖ ​មិន​នឹក​ស្មាន​ថា​សូម្បី​តែ​កូន​ប្រុស​បង្កើត​ក៏​លោក​បៃដិន​សុខ​ចិត្ត​ឱ្យ​កូន​ជាប់​គុក​ដែរ​ដើម្បី​ធានា​ភាព​ស្អាត​ស្អំ និង​យុត្តិ​ធម៌​សង្គម​។ គេ​ដឹង​ថា​កូន​ប្រុស​របស់​លោក​បៃដិន​ឈ្មោះ​ហាន់​ថឺ បៃដិន​កំពុង​ជាប់​បណ្ដឹង​នៅ​តុលាការ​ពាក់​ព័ន្ធ​នឹង​ការ​ប្រើ​ប្រាស់​អាវុធ​ខុស​ច្បាប់​មួយ​ករណី និង​ការ​លាក់​ទុក​ការ​ពិត​ដែល​ថា​ខ្លួន​ឯង​ប្រើ​ប្រាស់​គ្រឿង​ញៀន​ ហើយ​ចង់​ប្រើ​ប្រាស់​កាំ​ភ្លើង​ដោយ​មិន​ជម្រាប​ជូន​សមត្ថ​កិច្ច​។ បញ្ហា​ផ្ទុះ​ឡើង​កាន់​តែ​ខ្លាំង​បន្ទាប់​ពី​ប្អូន​ថ្លៃ​ស្រី​របស់ហាន់​ថឺ​ទម្លាយ​អាថ៌​កំបាំង​ប្រាប់​តុលាការ​។ ប្អូន​ថ្លៃ​រូប​នេះ​ត្រូវ​ជា​អតីត​ភរិយា​របស់​បង​ប្រុស​ហាន់​ថឺ​ ហើយ​ដែល​បង​ប្រុស​របស់​ហាន់​ថឺ​បាន​ស្លាប់​​ដោយ​ជំងឺ​មហារីក​កាល​ពី​ឆ្នាំ​២០១៥​។​…

ទី​ក្រុង​វ៉ាស៊ីនតោន៖ ​មិន​នឹក​ស្មាន​ថា​សូម្បី​តែ​កូន​ប្រុស​បង្កើត​ក៏​លោក​បៃដិន​សុខ​ចិត្ត​ឱ្យ​កូន​ជាប់​គុក​ដែរ​ដើម្បី​ធានា​ភាព​ស្អាត​ស្អំ និង​យុត្តិ​ធម៌​សង្គម​។ គេ​ដឹង​ថា​កូន​ប្រុស​របស់​លោក​បៃដិន​ឈ្មោះ​ហាន់​ថឺ បៃដិន​កំពុង​ជាប់​បណ្ដឹង​នៅ​តុលាការ​ពាក់​ព័ន្ធ​នឹង​ការ​ប្រើ​ប្រាស់​អាវុធ​ខុស​ច្បាប់​មួយ​ករណី និង​ការ​លាក់​ទុក​ការ​ពិត​ដែល​ថា​ខ្លួន​ឯង​ប្រើ​ប្រាស់​គ្រឿង​ញៀន​ ហើយ​ចង់​ប្រើ​ប្រាស់​កាំ​ភ្លើង​ដោយ​មិន​ជម្រាប​ជូន​សមត្ថ​កិច្ច​។ បញ្ហា​ផ្ទុះ​ឡើង​កាន់​តែ​ខ្លាំង​បន្ទាប់​ពី​ប្អូន​ថ្លៃ​ស្រី​របស់ហាន់​ថឺ​ទម្លាយ​អាថ៌​កំបាំង​ប្រាប់​តុលាការ​។ ប្អូន​ថ្លៃ​រូប​នេះ​ត្រូវ​ជា​អតីត​ភរិយា​របស់​បង​ប្រុស​ហាន់​ថឺ​ ហើយ​ដែល​បង​ប្រុស​របស់​ហាន់​ថឺ​បាន​ស្លាប់​​ដោយ​ជំងឺ​មហារីក​កាល​ពី​ឆ្នាំ​២០១៥​។​

នៅ​ក្នុង​បទ​សម្ភាស​ពិសេស​មួយ​ជា​មួយ​ទូរ​ទស្សន៍​អេប៊ី​ស៊ី​ (ABC) កាល​ពី​យប់​មិញ​ពាក់​ព័ន្ធ​នឹងកូន​ប្រុស​របស់​គាត់​ដែល​កំពុង​ត្រូវ​តុលាការ​បើក​សវនាការ​កាត់​ទោស​នោះ ​លោក​បៃដិនថ្លែង​ថា​លោក​មិន​ត្រូវ​ការ​រវីរវល់​ជួយ​ឈឺ​ឆ្អាល​នៅ​ក្នុង​រឿង​នេះ​ទេ​។ ជា​ការ​ពិត​ណាស់​ក្នុង​នាម​ជា​ប្រមុខ​រដ្ឋ​ម្នាក់​ លោក​មាន​សិទ្ធិ​លើក​លែង​ទោស​ឱ្យ​​នរណា​ក៏​បាន​ដែរ​។ ប៉ុន្តែ​ចំពោះ​ករណី​កូន​ប្រុស​រូប​នេះ លោក​​នឹង​មិន​លើក​លែង​ទោស​ឲ្យ​គាត់​ជា​ដាច់​ខាត សុខ​ចិត្ត​បណ្ដោយ​ឱ្យ​សមត្ថ​កិច្ច​អនុវត្ត​ទៅ​តាម​នីតិ​វិធី​ច្បាប់​​។

​នេះ​ជា​ការ​និយាយ​ដ៏​កម្រ​ពាក់​ព័ន្ធ​នឹង​កូន​ប្រុស​របស់​គាត់​។ ចុះ​បើ​​​​​លោក​​ហាន់​ថឺ​មាន​ទោស​ដូច​ការ​ចោទ​​​​មែន ហើយ​​តុលា​ការ​សម្រេច​ផ្ដន្ទា​ទោស​គាត់​បែប​ណា​មួយ តើ​លោ​កបៃដិន​នឹង​​ទទួល​យក​សាល​ក្រម​នេះ​ទេ? ​លោក​បៃដិន​ឆ្លើយ​តប​​ថា​លោក​នឹង​ទទួល​យក​​​។ គេ​នៅ​ចាំ​បាន​ថា​ថ្មី​ៗ​នេះ​ លោក​ត្រាំ​ក៏​ត្រូវ​ក្រុម​ប្រឹក្សា​តុលាការ (jury) រក​ឃើញ​ថា​មាន​ទោស​ព្រហ្ម​ទណ្ឌ​៣៤​ករ​ណី​​។ កាល​នោះ លោក​បៃដិន​​ថ្លែង​ថា​​ការ​កាត់​ទោស​លោក​ត្រាំ​​បង្ហាញថា​​គ្មាន​នរណា​​​អាច​ស្ថិត​​នៅពី​លើ​ច្បាប់​បាន​ឡើយ​។ ​

​នៅ​​សប្ដាហ៍​នេះ ក្រុម​ប្រឹក្សា​តុលាការ​បាន​ស្ដាប់​ការ​ផ្ដល់​សក្ខី​កម្ម​ពី​សំណាក់​ប្អូន​ថ្លៃ​ស្រី​របស់​លោក​ហាន់​ថឺ​។ អ្នក​ស្រី​​ឧស្សាហ៍​លាង​សម្អាត​ឡាន​របស់​លោក​ហាន់ថឺ និង​រើ​កកាយ​រក​មើល​គ្រឿង​​ញៀន​។ ធ្វើ​បែប​នេះ​នៅ​ក្នុង​បំណង​ល្អ​ដើម្បី​ធ្វើ​ឱ្យ​ជីវិត​លោក​ហាន់​ថឺ​បាន​ប្រសើរ​ឡើង​វិញ​។ ​ប៉ុន្តែ​ចៃ​ដន្យ​អ្វីនៅ​​​ថ្ងៃ​១​​​នោះ ​​អ្នក​ស្រី​រក​ឃើញ​គ្រឿង​ញៀន​​កូ​កាអ៊ីន​ម្សៅ​ និង​កាំ​ភ្លើង​ខ្លី​។

​រហូត​មក​ដល់​ពេល​នេះ​ ហាន់​ថឺ បៃដិន និង​ក្រុម​មេធាវី​របស់​គាត់​មិន​ទាន់​បាន​បញ្ជាក់​ឱ្យ​បាន​ច្បាស់​ថា​តើ​គាត់​នឹង​ឡើង​ផ្ដល់​សក្ខី​កម្ម​ដើម្បី​ការ​ពារ​ខ្លួន​នៅ​ក្នុង​តុលាការ​ដែរ​ឬ​ទេ​។ នេះ​ជា​រឿង​គ្រោះ​ថ្នាក់​ណាស់​សម្រាប់​ជន​ជាប់​ចោទ​។ នៅ​អំឡុង​ពេល​ផ្ដល់​សក្ខី​កម្ម​​​​​ស្រួល​មិន​ស្រួល​មាន​រឿង​កាន់​តែ​ធំ ជាប់​ទោស​​កាន់​តែ​ខ្លាំង ​ព្រោះ​រដ្ឋ​អាជ្ញាធរ​មាន​សិទ្ធិ​ជជីក​សួរ​ដេញ​ដោល​។

​លោក​ហាន់​ថឺ​បាន​ចូល​​បង្ហាញ​ខ្លួន​​នៅក្នុង​តុលាការ​ដើម្បី​ស្ដាប់​ការ​ចោទ​ប្រកាន់​គាត់​ជា​ច្រើន​ករណី​ដូច​ជា​ទី​១​-​នៅ​ពេល​​​ទិញ​កាំ​ភ្លើង​ខ្លី​កាល​ពីឆ្នាំ​២០១៨ ​គាត់​មិន​បាន​បញ្ជាក់​ប្រាប់​​​អាជ្ញាធរ​ថា​គាត់​​ជា​អ្នក​ប្រើ​ប្រាស់​គ្រឿង​ញៀន​ទេ​។ ទី២-​គាត់​កាន់​កាប់​កាំ​ភ្លើង​ដោយ​ខុស​ច្បាប់​រយៈ​ពេល​១១​ថ្ងៃ​។ បើ​តុលាការ​រក​ឃើញ​ថា​កូន​ប្រុស​លោក​បៃដិន​រូប​នេះ​មាន​ទោស​​ដូច​ការ​ចោទ​ប្រកាន់​មែន គាត់​អាច​នឹង​ត្រូវ​ផ្ដន្ទា​ទោស​ដាក់​ពន្ធ​នា​គារ​២៥​ឆ្នាំ​ជា​ទោស​អតិ​បរមា​។

ទោះ​ជា​យ៉ាង​ណា​ក្ដី ជន​ជាប់​ចោទ​ប្រភេទ​នេះ​កាល​ពី​ពេល​កន្លង​មក​មិន​ត្រូវ​បាន​កាត់​ទោស​​ឱ្យ​ជាប់​ពន្ធ​នា​គារ​យូរ​ដល់​ថ្នាក់​ហ្នឹងទេ​​។ នេះ​បើ​យោង​តាម​​ក្រសួង​យុត្តិធម៌​នៅ​ប្រទេស​អាមេរិក​។ សូម​ជម្រាប​ថា​ច្បាប់​នៅ​ប្រទេស​អាមេរិក​អនុញ្ញាត​ឱ្យ​ប្រធា​នា​ធិបតី​មាន​សិទ្ធិ​លើក​លែង​ទោស​ឱ្យ​អ្នក​ដទៃ​។ ប៉ុន្តែ​ប្រធានា​ធិបតី​​អាមេរិក​​​មិន​អាច​លើក​លែង​ទោស​ឱ្យ​ខ្លួន​ឯង​បាន​ឡើយ​៕​

អត្ថបទសរសេរ ដោយ

កែសម្រួលដោយ