ADផ្ទាំងផ្សព្វផ្សាយពាណិជ្ជកម្ម

Picture

សេដ្ឋី​វៀតណាម​ជាប់​ចោទ​បី​ករណី​ទៀត​បន្ថែម​ពី​លើ​ទោស​ប្រហារ​ជីវិត

1 ខែ មុន

ទី​ក្រុង​ហាណូយ៖ ​សេដ្ឋី​អចលន​ទ្រព្យ​ដ៏​ល្បី​ល្បាញ​របស់​វៀតណាម​ដែល​តុលាការ​​​​កាត់​ទោស​ប្រហារ​ជីវិត​ពី​បទ​ឆ​បោក​លុយ​រាប់​សិប​ពាន់​លាន​ដុល្លារ​នោះ​ឥឡូវ​នេះគាត់​ប្រឈម​នឹង​ការ​ចោទ​ប្រកាន់​ជា​ច្រើន​ករណី​ទៀត​។ ​ស្ត្រី​​​ឈ្មោះ​ទ្រឿង​មីឡាន​​បាន​បញ្ជូន​​លុយ​​៤៥០០​លាន​ដុល្លារ​ទៅ​ក្រៅ​ប្រទេស​វៀតណា​មនៅ​ក្នុង​រយៈ​ពេល​ដប់​ឆ្នាំ​ និង​ធ្លាប់​បាន​លាង​សម្អាត​សាច់​ប្រាក់​ (ឬ​លាង​លុយ​ក​ខ្វក់​) ៤៤៥​ទ្រី​លាន​ដុង​ ឬ​ស្មើ​នឹង​១៧៥០​លាន​ដុល្លារ​។ នេះ​បើ​យោង​តាម​លទ្ធ​ផល​ស៊ើប​អង្កេត​របស់​សមត្ថ​កិច្ច​។ ​ស្ត្រី​ឈ្មោះ​ឡាន​​ជា​ប្រធាន​ក្រុម​ហ៊ុន​អចលន​ទ្រព្យ​​ឈ្មោះ​វ៉ាន់​ធិញ​ហ្វាត​​។ ក្រសួង​សន្តិ​សុខ​សា​ធារណៈ​​​​​ស្នើ​ចោទ​​​​​ប្រកាន់ស្ត្រី​រូប​នេះ​​ជា​ច្រើន​ករណី​ទៀត​ដែល​មាន​ជា​អាទិ៍​៖…

ទី​ក្រុង​ហាណូយ៖ ​សេដ្ឋី​អចលន​ទ្រព្យ​ដ៏​ល្បី​ល្បាញ​របស់​វៀតណាម​ដែល​តុលាការ​​​​កាត់​ទោស​ប្រហារ​ជីវិត​ពី​បទ​ឆ​បោក​លុយ​រាប់​សិប​ពាន់​លាន​ដុល្លារ​នោះ​ឥឡូវ​នេះគាត់​ប្រឈម​នឹង​ការ​ចោទ​ប្រកាន់​ជា​ច្រើន​ករណី​ទៀត​។ ​ស្ត្រី​​​ឈ្មោះ​ទ្រឿង​មីឡាន​​បាន​បញ្ជូន​​លុយ​​៤៥០០​លាន​ដុល្លារ​ទៅ​ក្រៅ​ប្រទេស​វៀតណា​មនៅ​ក្នុង​រយៈ​ពេល​ដប់​ឆ្នាំ​ និង​ធ្លាប់​បាន​លាង​សម្អាត​សាច់​ប្រាក់​ (ឬ​លាង​លុយ​ក​ខ្វក់​) ៤៤៥​ទ្រី​លាន​ដុង​ ឬ​ស្មើ​នឹង​១៧៥០​លាន​ដុល្លារ​។ នេះ​បើ​យោង​តាម​លទ្ធ​ផល​ស៊ើប​អង្កេត​របស់​សមត្ថ​កិច្ច​។

​ស្ត្រី​ឈ្មោះ​ឡាន​​ជា​ប្រធាន​ក្រុម​ហ៊ុន​អចលន​ទ្រព្យ​​ឈ្មោះ​វ៉ាន់​ធិញ​ហ្វាត​​។ ក្រសួង​សន្តិ​សុខ​សា​ធារណៈ​​​​​ស្នើ​ចោទ​​​​​ប្រកាន់ស្ត្រី​រូប​នេះ​​ជា​ច្រើន​ករណី​ទៀត​ដែល​មាន​ជា​អាទិ៍​៖ ការ​​បង្វិល​ទ្រព្យ​សម្បត្តិ​ខុស​ច្បាប់១​​ករណី, ​ការ​សម្អាត​សាច់​​ប្រាក់​១​​ករណី និង​ការ​​រត់​ពន្ធ​លុយ​​​ឆ្លង​ដែន​ខុស​ច្បាប់​១​ករណី។ នេះ​ជា​បទ​ចោទប្រកាន់​ដ៏​ថ្មី​សន្លាង​សម្រាប់​ស្ត្រី​ឈ្មោះ​ទ្រឿង​មីឡាន​ដែល​ទើប​តែ​ត្រូវ​តុលា​ការ​កាត់​ទោស​ប្រហារ​ជីវិត​កាល​ពី​ខែ​ឧសភា​ពី​បទ​ធ្វើ​ឱ្យ​ធនា​គារ​ពាណិជ្ជ​កម្ម​សៃ​ហ្កន​បាត់​បង់​ប្រាក់​២៧​ពាន់​លាន​ដុល្លារ​។

សមត្ថ​កិច្ច​ស្រាវ​ជ្រាវ​ឃើញ​ថា​ចាប់​ពី​ឆ្នាំ​២០១២-២០២២​ ​​ក្រុម​ហ៊ុន​តូច​ៗ​ដែល​ជា​កូន​កញ្ច្រែង​របស់​ក្រុម​ហ៊ុន​វ៉ាន់​ធិញ​ហ្វាត​​​បាន​វេរ​លុយ​១៥០០​លាន​ដុល្លារ​ទៅ​ក្រៅ​ប្រទេ​ស​​ដោយ​ជ្រក​ក្រោម​ផ្លាក​ប្រតិ​បត្តិ​ការ​អាជីវ​កម្ម​៧៨​ដង​​។ ក្រោយ​មក​ ក្រុមហ៊ុន​កូន​​កញ្ច្រែង​ទាំង​នេះ​​ត្រូវ​គេ​វេរ​​​លុយ​ត្រឡប់​មក​វិញ​​​​​បី​​ពាន់​លាន​ដុល្លារ​​​​ក្រោម​ផ្លាក​ប្រតិ​បត្តិ​ការ​អាជីវ​កម្ម​​ចំនួន​១៥២​ដង​។ ការ​ចរា​ចរ​សាច់​ប្រាក់​ទាំង​នេះ​គឺ​សុទ្ធ​តែ​ជា​ទង្វើ​ខុស​ច្បាប់​រវាង​ក្រុម​ហ៊ុន​កូន​កញ្ច្រែង​ជា​មួយ​ក្រុម​ហ៊ុន​ជា​ដៃ​គូ​នៅ​ក្រៅ​ប្រទេស​។​

ដូច្នេះ អាជ្ញាធរ​ស្នើ​ចោទ​ប្រកាន់​ស្ត្រី​ឈ្មោះឡាន និង​បក្ស​ពួក​​ពី​បទ​រត់​ពន្ធ​លុយ​ឆ្លង​ដែន​ខុស​ច្បាប់​ និង​ពី​បទ​សម្អាត​ប្រាក់​៤៤៥​ទ្រីលាន​ដុង​ដែល​​ឆ​បោក​​​​ពី​ធនា​គារ​ពាណិជ្ជ​សៃ​ហ្កន​ និង​ពី​អ្នក​ទិញ​មូល​ប័ត្រ​បំណុល​។ ចាប់​ពី​ឆ្នាំ​២០១៨-​២០២២​ ស្ត្រី​ឈ្មោះ​ឡាន​ និង​បក្ស​ពួក​​បាន​​ដក​​​លុយ​៤១៥​ទ្រីលាន​ដុងចេញ​​ពី​ធនា​គារ​ពាណិជ្ជ​សៃហ្កន​ចូល​ទៅក្នុង​គណ​នី​របស់​បុគ្គល​ចំនួន​៤៨៣​រូប​ និង​៤៥០​ក្រុម​ហ៊ុន​ដើម្បី​បំបាត់​ដាន​មិន​​ឱ្យ​សមត្ថ​កិច្ច​អាច​ស៊ើប​អង្កេត​​ដឹង​។​

ស្ត្រីឈ្មោះ​ឡាន​ និង​បក្ស​ពួក​ក៏​បាន​ចេញ​​ប័ណ្ណ​មូល​ប័ត្រ​បំណុល​​២៥​​ដង​​ទៅ​ឱ្យ​ក្រុម​ហ៊ុន​កូន​កញ្ច្រែង​របស់​ខ្លួន​ដើម្បី​លក់​ និង​ប្រមូល​លុយ​ពី​​អ្នក​វិនិយោគ​ជាង​៣​៥០០០​នាក់​។ ពួក​គេ​ (បក្ស​ពួក) ដក​យក​សាច់​ប្រាក់​សុទ្ធ​ចេញ​ពី​កុង​ ហើយ​យក​ទៅ​បែង​ចែក​ទៅ​តាម​សា​ខា​ផ្សេង​ៗ​របស់​ខ្លួន​ទៅ​តាម​ការ​ចង្អុល​បង្ហាញ​ពី​ស្ត្រី​ឈ្មោះ​ឡាន​។ ឥឡូវ​នេះ សមត្ថ​កិច្ច​រក​ឃើញ​​បក្ស​ពួក​៣៤​នាក់​ដែល​ត្រូវ​ចោទ​ប្រកាន់​។​

នៅ​ក្នុង​ចំណោ​ម​អ្នក​សម​គំនិត​ទាំង​នេះ​មាន​ទី១-​​ឈ្មោះ​ង្វៀន​ហ្វឿង​អាញ់ (Nguyen Phuong Anh) ជា​នាយក​រង​សាជីវ​កម្ម​សៃហ្កន​, ទី​២-ឈ្មោះ​​ជិញ​កង​កុង (Trinh Quang Cong) ជា​អគ្គ​នាយក​សា​ជីវ​កម្ម​គ្រប់​គ្រង​អឹ​ឃ្យូ​មឹន (Acumen) ​និង​ទី​៣-​​ឈ្មោះ​ជឿង​ខាញ់​ហង្ស​ (Truong Khanh Hoang) ​ជា​អតីត​នាយក​ស្ដី​ទី​ធនា​គារ​ពាណិជ្ជ​សៃ​ហ្កន​ដែល​ត្រូវ​គេ​បារ​លុយ​អស់​ពី​ឃ្លាំង​ក្រោម​រូប​ភាព​កម្ចី​អាជីវ​កម្ម​។​​ អាជ្ញាធរ​ស្នើ​ចោទ​ប្រកាន់​អ្នក​ទាំង​នេះ​ចំនួន​បី​ករណី​ដូច​ស្ត្រី​ឈ្មោះ​ឡាន​ដែរ​។

​នៅ​ក្នុង​សំណុំ​រឿង​លាង​សម្អាត​ប្រាក់​ សមត្ថ​កិច្ច​ស៊ើប​ដឹង​ថា​មាន​មនុស្ស​ជា​ច្រើន​ទៀត​ដែល​សម​គំនិត​។ ក្នុង​នោះ​មាន​លោក​អេរិច ឈូ (Eric Chu) ដែល​ត្រូវ​ជា​ស្វាមី​របស់​ស្ត្រី​ឈ្មោះ​ឡាន, ​លោក​បួយ​វ៉ាន់​ដុង (Bùi Văn Dũng), លេខា​របស់​ស្ត្រី​ឈ្មោះ​ឡាន និង​លេខា​របស់​ប្រធាន​ក្រុម​ប្រឹក្សា​ភិបាល​ក្រុ​មហ៊ុន​វ៉ាន់​ធិញ​ហ្វាត។ ​ឈ្មោះ​តូធីអាញ់​ដាវ (To Thi Anh Dao) ដែល​ជា​អគ្គ​នាយក​រង​ក្រុម​ហ៊ុន​វ៉ាន់​ធិញហ្វាត​​ត្រូវ​សមត្ថ​កិច្ច​ស្នើ​ចោទ​ប្រកាន់​ពី​បទ​រត់​ពន្ធ​លុយ​ឆ្លង​ដែន​ខុស​ច្បាប់​​។​

នេះ​ជា​លើក​ទី​២​ដែល​សមត្ថ​កិច្ច​ស៊ើប​អង្កេត​​​​​ទៅ​លើ​​ស្ត្រី​ឈ្មោះ​ឡាន​ និង​បក្ស​ពួក​របស់​គាត់​ពី​បទ​ប្រព្រឹត្ត​អំពើ​ខុស​ច្បាប់​នៅ​ក្នុង​ក្រុម​ហ៊ុន​អចលន​ទ្រព្យ​​វ៉ាន់​ធិញ​ហ្វាត​របស់​គាត់​ និង​​​ធនា​គារ​ពាណិជ្ជ​សៃហ្កន​។​ ការ​ស៊ើប​អង្កេត​លើក​ទី​១​នាំ​ទៅ​ដល់​ការ​​កាត់​ទោស​ប្រហារ​ជីវិត​ទៅ​លើ​ស្ត្រីរូប​នេះ​។ ឥឡូវ​នេះ គាត់​បាន​ដាក់​ពាក្យ​ប្ដឹង​ទាស់​ទៅ​សាលា​ឧទ្ធរណ៍​ជា​បន្ត​ទៀត​៕

អត្ថបទសរសេរ ដោយ

កែសម្រួលដោយ