(ឥណ្ឌា)៖ ជារឿងមួយគួរឱ្យហួសចិត្ត ក្រោយចោរកំពូលស៊យម្នាក់ ចូលគាស់ផ្ទះលួចអីវ៉ាន់ ពេលម្ចាស់គេមិននៅ តែក្តៅពេក បើកម៉ាស៊ីនត្រជាក់ដេកលក់យ៉ាងស្កប់ស្កល់ ហើយបើកភ្នែកដឹងខ្លួនប៉ូលីសក៏មកដល់។ បើយោងតាម កាសែត…
(ឥណ្ឌា)៖ ជារឿងមួយគួរឱ្យហួសចិត្ត ក្រោយចោរកំពូលស៊យម្នាក់ ចូលគាស់ផ្ទះលួចអីវ៉ាន់ ពេលម្ចាស់គេមិននៅ តែក្តៅពេក បើកម៉ាស៊ីនត្រជាក់ដេកលក់យ៉ាងស្កប់ស្កល់ ហើយបើកភ្នែកដឹងខ្លួនប៉ូលីសក៏មកដល់។ បើយោងតាម កាសែត The Times of India នៅថ្ងៃទី០៣ ខែមិថុនា ឆ្នាំ២០២៤។
ហេតុការណ៍ដ៏កម្រមួយនេះបានកើតឡើងនៅទីក្រុង Lucknow រដ្ឋ Uttar Pradeshប្រទេសឥណ្ឌា កំពូលចោរមហាស៊យនេះមានឈ្មោះថា Kapil ត្រូវបានប៉ូលិសចាប់ខ្លួននៅព្រឹកថ្ងៃទី២ ខែមិថុនា ខណៈកំពុងដេកលង់លក់នៅក្នុងបន្ទប់ដែលមានម៉ាស៊ីនត្រជាក់។ ប៉ូលីសបាននិយាយថា យុវជនម្នាក់នេះ ហាក់ដូចជាស្រវឹង ហើយគេងនៅក្នុងបន្ទប់ដែលខ្លួនធ្វើសកម្មភាពលួច។ អាជ្ញាធរត្រូវប្រើវិធានការជាច្រើនដើម្បីដាស់ចោរឱ្យភ្ញាក់ពីដំណេក ហើយចោរកំពូលស៊យនេះត្រូវបានចាប់ខ្លួនយកទៅកាន់ប៉ុស្តិ៍ដើម្បីស៊ើបអង្កេត។
ចំណែកម្ចាស់ផ្ទះត្រូវបានគេស្គាល់អត្តសញ្ញាណថាជាវេជ្ជបណ្ឌិត Sunil Pandey ធ្វើការនៅមន្ទីរពេទ្យ Balrampur នៅពេលកើតហេតុ គាត់មិននៅក្នុងផ្ទះទេ ។
យោងតាមប្រភពនៅព្រឹកថ្ងៃកើតហេតុ អ្នកជិតខាងរបស់គ្រូពេទ្យជាច្រើនបានកត់សម្គាល់ឃើញមានអ្វីមិនប្រក្រតី ទ្វារបានបើកអីវ៉ាន់រុះរើ ទើបបានរាយការណ៍ប្រាប់សមត្ថកិច្ច។
សូមរំលឹកថាតំបន់ជាច្រើនក្នុងប្រទេសឥណ្ឌាកំពុងជួបប្រទះនឹងរលកកំដៅដ៏អូសបន្លាយ ដោយសីតុណ្ហភាពក្នុងរដ្ឋធានីញូវដែលីកើនឡើងដល់កម្រិត ៤៩.១ អង្សាសេ ដែលប៉ះពាល់យ៉ាងខ្លាំងដល់ការរស់នៅ៕
ចែករំលែកព័តមាននេះ