ខេត្តបន្ទាយមានជ័យ ៖ មានការឃាត់ខ្លួននាយករងសាលាបឋមសិក្សាថ្មពួក ជាប់ពាក់ព័ន្ធពីបទរំលោភក្មេងស្រី១២ឆ្នាំ ជាសិស្សថ្នាក់ទី៦ សម្រេចរហូត១៣ដង ថ្នូរនឹងការដាក់ពិន្ទុល្អចំណាត់ថ្នាក់ខ្ពស់ រួមនិងទឹកប្រាក់ចំនួន៩ម៉ឺនរៀល ដែលការឃាត់ធ្វើឡើងថ្ងៃទី២៤ ខែឧសភា ឆ្នាំ២០២៤នៅអធិការដ្ឋាននគរបាលស្រុកថ្មពួក ។
លោកវរសេនីយ៍ទោ ឈឿន គឹមឈុន អធិការនគរបាលស្រុកថ្មពួកបានប្រាប់ថា ពិតជាបានឃាត់ខ្លួនជនសង្ស័យឈ្មោះ មន្ត សុមិត្ត ភេទប្រុស អាយុ៥៣ឆ្នាំ (ជានាយករងសាលាបឋមសិក្សាថ្មពួក)រស់នៅភូមិអណ្តូងខ្លុង ឃុំគំរូ ស្រុកថ្មពួក ដែលចោទប្រកាន់ពីបទរំលោភសេពសន្ថវៈលើក្មេងស្រីរងគ្រោះម្នាក់ អាយុ១២ឆ្នាំ (ជាសិស្សថ្នាក់ទី៦) ។
លោកស្រីឧត្តមសេនីយ៍ត្រី ឌី សុជាតិ ស្នងការរងទទួលបន្ទុកការងារប្រឆាំងការជួញដូរមនុស្សនិងការពារអនីតជនខេត្តបន្ទាយមានជ័យបានប្រាប់ថា ៖ក្រោយទទួលពាក្យបណ្តឹងឈ្មោះ ទឹម ញ៉ាន ភេទប្រុស អាយុ៦២ឆ្នាំ បានប្តឹងឈ្មោះ មន្ត សុមិត្ត ភេទប្រុស អាយុ៥៣ឆ្នាំ (មុខរបបជានាយករងសាលាបឋមសិក្សាថ្មពួក) រស់នៅភូមិអណ្តូងខ្លុង ឃុំគំរូ ស្រុកថ្មពួក ពីបទលួងចៅស្រីរបស់គាត់មានអាយុ១២ឆ្នាំ រៀនថ្នាក់ទី៦ សាលាបឋសិក្សាថ្មពួក ដែលឪពុកធ្វើទៅធ្វើការនៅប្រទេសថៃ រស់នៅជាមួយលោកតា និងលោកយាយ។
លោកស្រីបានបញ្ជាក់ថា ការប្តឹងចោទប្រកាន់ពីបទរំលោភសេពសន្ទវៈបានសម្រេចចំនួន១៣ដងដែលប្រព្រឹត្តនៅអំឡុងខែមេសា ឆ្នាំ២០២៤ រំលោភបានចំនួន៦ដងនៅអំឡុងខែឧសភា ឆ្នាំ២០២៤ រំលោភបានចំនួន៧ដង ដែលទូរស័ព្ទណាត់ទៅរំលោភក្នុងបណ្តាល័យសាលាបឋមសិក្សាថ្មពួកដែលថ្នូរនិងពិន្ទុល្អ ចំណាត់ថ្នាក់ខ្ពស់ និងអោយលុយសរុប៩ម៉ឺនរៀល។
លោកស្រីឧត្តមសេនីយ៍ត្រី ឌី សុជាតិ បានបញ្ជាក់ថា៖ ក្រោយទទួលពាក្យបណ្តឹងពីអាណាព្យាបាលជនរងគ្រោះ កម្លាំងអធិការនគរបាលស្រុកថ្មពួកបានឃាត់ខ្លួនជនសង្ស័យបញ្ជូនមកស្នងការដ្ឋាននគរបាលខេត្តបន្ទាយមានជ័យ ដើម្បីអនុវត្តនីតិវិធីបន្ត ។
ក្នុងនោះ ខាងដើមបណ្តឹងប្តឹង បានទាមទារសំណងជាទឹកប្រាក់ចំនួន៦ម៉ឺនដុល្លារ និងអោយចាត់ការតាមនីតិវិធីច្បាប់ ។
មានព័ត៌មានបន្ថែម កោះសន្តិភាពនឹងផ្សាជូនបន្ត ។
ចែករំលែកព័តមាននេះ