ភ្លើងឆេះកុដិអស់៤ល្វែងស្មើ៧បន្ទប់ នៅសល់តែផេះ
- សៀមរាប
ខេត្តសៀមរាប ៖ ករណីអគ្គិភ័យ «ភ្លើងឆេះកុដិលោកសង្ឃ» បណ្តាលឱ្យខូចខាតទាំងស្រុង នៅអគារឈើ(កុដិ)ចំនួន៤ល្វែង ស្មើនិង៧បន្ទប់ ទំហំទទឹង៤ម៉ែត្រ × បណ្ដោយ៣០ម៉ែត្រ…
ខេត្តសៀមរាប ៖ ករណីអគ្គិភ័យ «ភ្លើងឆេះកុដិលោកសង្ឃ» បណ្តាលឱ្យខូចខាតទាំងស្រុង នៅអគារឈើ(កុដិ)ចំនួន៤ល្វែង ស្មើនិង៧បន្ទប់ ទំហំទទឹង៤ម៉ែត្រ × បណ្ដោយ៣០ម៉ែត្រ…
ខេត្តសៀមរាប ៖ ករណីអគ្គិភ័យ «ភ្លើងឆេះកុដិលោកសង្ឃ» បណ្តាលឱ្យខូចខាតទាំងស្រុង នៅអគារឈើ(កុដិ)ចំនួន៤ល្វែង ស្មើនិង៧បន្ទប់ ទំហំទទឹង៤ម៉ែត្រ × បណ្ដោយ៣០ម៉ែត្រ កម្ពស់សសរ ៧០សង់ទីម៉ែត្រ ប្រក់ស័ង្កសី បន្ទប់ជាជួរជាប់ៗគ្នា (មានដាក់សន្លឹកឈើក្រោមកុដិផង)បង្កការភ្ញាក់ផ្អើលពេញ ក្នុងវត្ត រហូតដល់សមត្ថកិច្ច សំណាងគ្មានមនុស្សរងរបួសឡើយ។
ហេតុការណ៍ឆេះកុដ្ឋ លោកសង្ឃនោះ បានកើតឡើងនៅវេលាម៉ោង១៦និង០០នាទីរសៀលថ្ងៃទី២៣ ខែឧសភា ឆ្នាំ២០២៤ ត្រង់ចំណុចទីតាំងវត្តគោកខ្ពស់ស្ថិតក្នុង ភូមិកំភេម ឃុំកែវពណ៍ ស្រុកពួក ខេត្តសៀមរាប។
បើតាមប្រសាសន៍របស់ លោករសេនីយ៍ឯក ទេព ពុំ សែន អធិការស្រុកពួក បានប្រាប់នៅវេលាម៉ោង ៩ និង ៣០នាទីព្រឹក ថ្ងៃទី២៤ខែឧសភាឆ្នាំ២០២៤នេះថា ក្រោយពេលកើតហេតុសមត្ថកិច្ចយើងទទួលបានព័ត៌មានពីព្រះសង្ឃ និងអាជ្ញាធរភូមិ កម្លាំងយើងបានចុះត្រួតពិនិត្យនៅកន្លែងកើតហេតុ ឃើញថា: មានការឆេះខូចខាតទាំងស្រុង អាគារឈើ(កុដិ)ចំនួន ៤ល្វែង ស្មើនិង ៧បន្ទប់ ទំហំទទឹង៤ម៉ែត្រ × បណ្ដោយ៣០ម៉ែត្រ កម្ពស់សសរ៧០សង់ទីម៉ែត្រ ប្រក់ស័ង្កសី បន្ទប់ជាជួរជាប់ៗគ្នា (មានដាក់សន្លឹកឈើក្រោមកុដិផង)។
លោក បញ្ជាក់ថា ករណីឆេះ នេះ បណ្តាលឱ្យមាន.កាខូចខាត ដូចជាឆេះឈើសម្រាប់ទុកធ្វើពិដានសាលា ចំនួន ១២០០ សន្លឹក។ -ឆេះចំរៀកឈើត្នោតចំនួន ២០០សន្លឹក-និង ឆេះសម្ភារៈរបស់ព្រះសង្ឃប្រើប្រាស់មួយចំនួនទៀត។ លោក បញ្ជាក់ទៀតថា បន្ទាប់ពីមានការឆេះកុដ្ឋនោះ ត្រូវបានការអន្តរាគមន៍ ពីព្រះសង្ឃក្នុងវត្តបានជួយពន្លត់ភ្លើង ដោយប្រើម៉ូទ័របូមទឹកបាញ់ពន្លត់
ភ្លើងបានរលត់ ដោយរថយន្តអគ្គីភ័យពុំបានចេញអន្តរាគមន៍ទេ។
-ផ្អែកតាមស្ដាប់ការបំភ្លឺ របស់ព្រះសង្ឃ នៅក្នុងទីនោះ មានសង្ឃដីកា ថា: ការសន្និដ្ឋានបឋមភ្លើងឆេះផ្ដើមចេញពីក្មេងលេងភ្លើងទៀននៅលើកុដ្ឋឬឆេះចេញពីកុដិព្រះសង្ឃដែលបានសឹងនៅ ដែលមានដោតជាប់ឌុយកង្ហារទៅពីរប្រ៊ីភ្លើងចំនួន២ ហើយព្រះសង្ឃក៏បាននៅមុខបន្ទប់ឃើញភ្លើងឆេះដែរ។
បច្ចុប្បន្ន សមត្ថកិច្ចយើងបន្តការស្រាវជ្រាវនៅព្រឹកថ្ងៃ ទី២៤ខែ ឧសភា ឆ្នាំ២០២៤ ឃើញ ថា ករណី ឆេះ កុដ្ឋ លោក សង្ឃ នេះ បើគិតជា ទឹកប្រាក់ អស់ទឹកប្រាក់ ប្រមាណជា៥ ម៉ឺនដុល្លារ សហអាមេរិក៕
ចែករំលែកព័តមាននេះ