ADផ្ទាំងផ្សព្វផ្សាយពាណិជ្ជកម្ម

Picture

នាយក​រដ្ឋ​មន្ត្រី​អង់គ្លេស​ប្រកាស​រៀប​ចំ​ការ​បោះ​ឆ្នោត​នា​ថ្ងៃ​ទី​៤ ខែ​កក្កដា

4 អាទិត្យ មុន

ទី​ក្រុង​ឡុង៖ នៅ​ទី​បំផុត​ នាយក​រដ្ឋ​មន្ត្រី​អង់គ្លេស​​ លោក​​រីស៊ី ស៊ូណាក់ ​ប្រកាស​រៀប​ចំ​ការ​បោះ​ឆ្នោត​សាកល​​នៅ​អាណត្តិ​ថ្មី​​នា​ថ្ងៃ​ទី​៤ ខែ​កក្កដា​ខាង​មុខ​នេះ​។ យោង​តាម​ប្រសាសន៍​របស់​លោ​កស៊ូណាក់, ​​នេះជា​ពេល​វេលា​ដ៏​ល្អ​​​កម្រ​រក​បាន​ដែល​ពលរដ្ឋ​អង់គ្លេស​គ្រប់​រូប​​ត្រូវក្ដាប់​ឱកាស​នេះ​ឱ្យ​ជាប់​ដើម្បី​​ជ្រើ​សរើស​​មាគ៌ា​​​សម្រាប់​​​អនា​គត​របស់​ខ្លួន​។ ឥឡូវ​នេះ…

ទី​ក្រុង​ឡុង៖ នៅ​ទី​បំផុត​ នាយក​រដ្ឋ​មន្ត្រី​អង់គ្លេស​​ លោក​​រីស៊ី ស៊ូណាក់ ​ប្រកាស​រៀប​ចំ​ការ​បោះ​ឆ្នោត​សាកល​​នៅ​អាណត្តិ​ថ្មី​​នា​ថ្ងៃ​ទី​៤ ខែ​កក្កដា​ខាង​មុខ​នេះ​។ យោង​តាម​ប្រសាសន៍​របស់​លោ​កស៊ូណាក់, ​​នេះជា​ពេល​វេលា​ដ៏​ល្អ​​​កម្រ​រក​បាន​ដែល​ពលរដ្ឋ​អង់គ្លេស​គ្រប់​រូប​​ត្រូវក្ដាប់​ឱកាស​នេះ​ឱ្យ​ជាប់​ដើម្បី​​ជ្រើ​សរើស​​មាគ៌ា​​​សម្រាប់​​​អនា​គត​របស់​ខ្លួន​។ ឥឡូវ​នេះ លោក​ស៊ូណាក់​មិន​នៅ​បង្អង់​យូរ​នោះ​ទេ​។ បន្ទាប់​ពី​ប្រកាស​ពី​គម្រោង​បោះ​ឆ្នោត​មិន​បាន​ប៉ុន្មាន​ផង​ លោក​ចុះ​ទៅជួប​ក្រុម​អ្នក​គាំទ្រ​នៅ​ទី​ក្រុង​ឡុង​ និង​ថ្លែង​សារ​នយោបាយ​ជា​បណ្ដើរ​ៗ​។​​

​កាល​ពី​មុន​នេះ លោក​បាន​ថ្លែងសេចក្ដី​ប្រកាស​ពាក់ព័ន្ធ​នឹង​គម្រោង​បោះ​ឆ្នោត​នោះ​នៅ​​ពី​មុខ​​​វិមាន​ដោន​នីង​ស្ទ្រីត (Downing Street) ដោយ​មាន​ទឹក​ភ្លៀង​ធ្លាក់​យ៉ាង​ជោគ​ជាំ​ពសុធា​។ លោក​ថ្លែង​នៅ​ក្នុង​គ្រា​នោះ​ថា​​​ត្រូវ​តែ​រៀប​ចំ​ការ​បោះ​ឆ្នោត​នេះ​ឱ្យ​ខាង​តែ​បាន​។ លោក​បាន​សម្រេច​រួច​ហើយ​​​​។ លោក​ប្រកាស​បែប​នេះ​បន្ទាប់​ពី​ចូល​គាល់​​​ព្រះ​មហា​ក្សត្រ​ឆាល​ដើម្បី​ស្នើ​សុំ​ការ​អនុ​ញ្ញាត​ពី​ព្រះ​អង្គ​​រំលាយ​សភា​ចោល​ និង​​​រៀប​ចំ​​​ការ​បោះ​ឆ្នោត​។ ព្រះ​អង្គ​សព្វ​ព្រះ​រាជ​ហឫ​ទ័យ​​​ចំពោះ​​​សំណើ​នេះ​​ដោយ​ឥត​មាន​ប្រកែក​ទេ​។

គួរ​កត់​សម្គាល់​ថា​​ការ​​ប្រកាស​​​របស់​លោក​ស៊ូណាក់​ធ្វើ​ឡើង​ចំ​​ពេល​​គណ​បក្ស​អភិរក្ស​របស់​លោក​​ដែល​កំពុង​កាន់​អំណាច​សព្វ​ថ្ងៃ​នេះ​ធ្លាក់​ចុះ​ប្រជា​ប្រិយ​ភាព​យ៉ាង​ខ្លាំង​។ យោង​តាម​លទ្ធផល​ស្ទង់​មតិ, គណ​បក្ស​ពល​ករ​មាន​សំឡេង​នាំ​មុខ​យ៉ាង​តិច​​​២០​%​។ នេះ​ហើយ​ជា​អ្វី​ដែល​ក្រុម​អ្នក​សង្កេត​ការណ៍​នយោបាយ​នៅ​អង់គ្លេស​ព្យាករ​ទុក​ថា​ការ​បោះ​ឆ្នោត​លើក​នេះ​មុខ​តែ​គណ​បក្ស​របស់​លោក​ស៊ូណាក់​ចាញ់​ឆ្នោត​ជា​មិន​ខាន​។

នៅ​ក្នុង​យុទ្ធ​នា​ការ​ឃោសនា​បោះ​ឆ្នោត​លើក​នេះ លោក​ស៊ូណាក់​​ចាប់​​​យកប្រធាន​បទ​ពាក់​ព័ន្ធ​នឹង​​បញ្ហា​សេដ្ឋ​កិច្ច​ និង​សន្តិ​សុខជាតិ​​​ធ្វើ​ជា​​មូល​បញ្ហា​សំខាន់​ៗ​ដើម្បី​យក​ប្រៀប​លើ​គូ​ប្រកួត​​។ យោង​តាម​លោក​ស៊ូណាក់, ​ការ​ដែល​រាជ​រដ្ឋាភិបាល​អាច​រក្សា​បាន​​នូវ​ស្ថិរ​ភាព​ផ្នែក​សេដ្ឋ​កិច្ច​គឺ​ជា​មូល​ដ្ឋាន​គ្រឹះ​ដ៏​សំខាន់​​នៃ​​ភាព​ជោគ​ជ័យ​​​។ លោក​​វាយ​ប្រហារ​គណ​បក្ស​ពល​ករ​យ៉ាង​ចាស់​ដៃ​។ លោក​ថា​​គណ​បក្ស​នេះ​​​មិន​អាច​ឱ្យ​ប្រជា​រាស្ត្រ​ផ្ញើ​​វាសនា​បាន​ឡើយ​​ព្រោះ​​គ្មាន​ផែន​ការ​​នៅ​ក្នុង​ការ​ដឹក​នាំ​ជាតិ​​ទាល់​តែ​សោះ​​។

នៅ​ចុង​បញ្ចប់​​​សុន្ទរ​កថា​របស់​លោក​ លោក​ស៊ូណាក់​ឆ្លៀត​​វាយ​ប្រហារ​គូប្រជែង​​នយោបាយ​របស់​លោក​គឺ​​ខេ ​ស្តាមើ (Keir Sarmer)។ លោក​​ចោទ​ថា​​មនុស្ស​នេះ​អ្វី​ក៏​ហ៊ាន​ធ្វើ​ដែរ​ដើម្បី​តែ​ម៉្យាង​គឺ​ការ​ឈោង​ចាប់​យក​អំណាច​​នាយក​រដ្ឋ​មន្ត្រី​។ លោក​ដាក់​ជា​សំណួរ​ថា​តើ​ឲ្យ​យើង​​ជឿ​​ទុក​ចិត្ត​ថា​​​មនុស្ស​ធុន​ហ្នឹង​អាច​​ដឹក​នាំ​ជាតិ​​ឱ្យ​រីក​ចម្រើន​ដូច​ម្ដេ​ច​នឹង​កើត​បើ​គាត់​មិន​គោរព​​​ពាក្យ​សន្យា​, មិន​ក្លាហាន​និយាយ​ពាក្យ​ពេចន៍​ចេញ​ពី​ក្នុង​ចិត្ត​​​ និង​គ្មាន​ផែន​ការ​ច្បាស់​លាស់​ផង​ហ្នឹង​​?​ ហើយ​រឹត​តែ​គ្មាន​សង្ឃឹម​ទៅ​ទៀត​នោះ​គឺ​នៅ​ពេល​​ប្រទេស​ជាតិ​ប្រឈម​នឹង​បញ្ហា​ជា​ច្រើន​៕​

អត្ថបទសរសេរ ដោយ

កែសម្រួលដោយ