ខេត្តមណ្ឌលគិរី ៖ ជម្លោះរឿងផឹកស៊ីនោមគ្មានរបៀប បុរសពីរនាក់បងប្អូនត្រូវបានសមត្ថកិច្ចឃាត់ខ្លួន ចំណែកបុរសម្នាក់ទៀតត្រូវបញ្ជូនទៅសង្គ្រោះបន្ទាន់នៅប្រទេសវៀតណាម ដែលហេតុការណ៍នេះកើតឡើងនៅថ្ងៃទី២១ ខែឧសភា ឆ្នាំ២០២៤ នៅវេលាម៉ោង២១និង០៥នាទី នៅចំណុចផ្លូវបំបែងផ្សារកែវសីស្ថិតក្នុងភូមិអូរអាម…
ខេត្តមណ្ឌលគិរី ៖ ជម្លោះរឿងផឹកស៊ីនោមគ្មានរបៀប បុរសពីរនាក់បងប្អូនត្រូវបានសមត្ថកិច្ចឃាត់ខ្លួន ចំណែកបុរសម្នាក់ទៀតត្រូវបញ្ជូនទៅសង្គ្រោះបន្ទាន់នៅប្រទេសវៀតណាម ដែលហេតុការណ៍នេះកើតឡើងនៅថ្ងៃទី២១ ខែឧសភា ឆ្នាំ២០២៤ នៅវេលាម៉ោង២១និង០៥នាទី នៅចំណុចផ្លូវបំបែងផ្សារកែវសីស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
ប្រភពបានឲ្យដឹងថា ជនរងគ្រោះឈ្មោះដាង ឈុនលី ភេទប្រុស អាយុ៥០ឆ្នាំ ជនជាតិខ្មែរ សញ្ជាតិខ្មែរ មុខរបរលក់ដូរ រស់នៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី រងរបួសបណ្តាលឲ្យរហែកចំកញ្ចឹងកក្រោយប្រវែង៨ស.ម ជម្រៅ៧ស.ម និងបណ្តាលឲ្យរយៈចំកណ្ដាលក្បាល ។
ចំណែកជនសង្ស័យចំនួន០២នាក់ ១-ឈ្មោះ ឆាយ បូរ៉ា ហៅពែក ភេទប្រុស អាយុ៣៦ឆ្នាំ ជនជាតិខ្មែរ សញ្ជាតិខ្មែរ មុខរបរលក់ដូរ រស់នៅភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី ២-ឈ្មោះ ឆាយ ស៊ីវហ័រ ហៅហឿ ភេទប្រុស អាយុ៤២ឆ្នាំ ជនជាតិខ្មែរ សញ្ជាតិខ្មែរ មុខរបរលក់ដូរ រស់នៅភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
យោងតាមសម្តីរបស់ជនរងគ្រោះឈ្មោះដាង ឈុនលី ភេទប្រុស អាយុ៥០ឆ្នាំ បានប្រាប់សមត្ថកិច្ចថា ឈ្មោះ ឆាយ ប៉ូរ៉ា ហៅពែក តែងតែផឹកស៊ី ហើយទៅនោមនៅជិតព្រះភូមិរបងផ្ទះខ្លួន ហើយតែងបានប្រាប់ណែនាំជាច្រើនលើកហើយថា «កុំឲ្យនោម» ព្រោះផ្ទះរកស៊ីធ្វើបាយម្ហូបលក់ ។
លុះមកដល់ថ្ងៃទី២១ ខែឧសភា ឆ្នាំ២០២៤ វេលាម៉ោងប្រហែល៨ជាងយប់ឈ្មោះ ឆាយ បូរ៉ា ហៅពែក នាំបងប្អូនមកផឹកស៊ីនៅផ្ទះមានគ្នា៤នាក់បានមួយសន្ទុះ ក៏ឃើញឈ្មោះ ឆាយ ស៊ីវហ័រ ហៅ ហឿ ទៅនោមកន្លែងព្រះភូមិ(ផ្ទះជាប់គ្នា) ។
ភ្លាមនោះ ឈ្មោះ ដាង ឈុនលី ខឹងហើយនិយាយទៅកាន់ឈ្មោះ ឆាយ ស៊ីវហ័រ ថា ហែងមិចបានមកនោមនៅហ្នឹង? បន្ទាប់មក ឈ្មោះ ដាង ឈុនលី បានទៅយកទីបជ្រុងដេញគំរាមទៅដល់ផ្លូវជាតិមុខផ្ទះហើយក៏ត្រឡប់មកវិញវាយស្លាកយីហោ និងថូផ្កាចំនួន០១ ដែលជាប់ព្រំដី ។ បន្ទាប់មក ក៏ជេរប្រមាថគ្នាទៅវិញទៅមកនៅពេលឈ្មោះដាង ឈុនលី ចេញមកក្រៅ ឈ្មោះឆាយ ប៉ូរ៉ា ហៅពែក ក៏ចេញពីផ្ទះកាន់កាំបិតប៉័ងតោកាប់ជាច្រើនកាំបិតលើដាងឈុនលីតែម្តង។
សមត្ថកិច្ចចាប់ដកវត្ថុតាងរួមមាន ១-ដែកទីបជ្រុងប្រវែង ១២០សង់ទីម៉ែត្រចំនួន០១ដើម ២-ដែកទីបមូលប្រវែង ១១០សង់ទីម៉ែត្រចំនួន០១ដើម ៣-កាំបិតប៉័ងតោប្រវែង៣០សង់ទីម៉ែត្រ ទំហំ១០សង់ទីម៉ែត្រ ចំនួន០១ ។
បច្ចុប្បន្ន ជនរងគ្រោះត្រូវបានប្រពន្ធបញ្ជូនទៅកាន់ប្រទេសវៀតណាមដើម្បីព្យាបាល ចំណែកជនសង្ស័យ រួមនិងវត្ថុតាងត្រូវបានកម្លាំងអធិការដ្ឋាននគរបាលស្រុកកែវសីមាកំពុងធ្វើនិតិវិធី
បន្ត ៕
ចែករំលែកព័តមាននេះ