រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីបានចេញបញ្ជា ឲ្យអភិបាលគណៈអភិបាលរាជធានី ខេត្ត និងសមត្ថកិច្ចគ្រប់ជាន់ថ្នាក់ទូទាំងប្រទេសត្រូវមានវិធានបង្ក្រាបចំពោះក្មេងទំនើងឲ្យបានម៉ឺងម៉ាត់បំផុត ។…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីបានចេញបញ្ជា ឲ្យអភិបាលគណៈអភិបាលរាជធានី ខេត្ត និងសមត្ថកិច្ចគ្រប់ជាន់ថ្នាក់ទូទាំងប្រទេសត្រូវមានវិធានបង្ក្រាបចំពោះក្មេងទំនើងឲ្យបានម៉ឺងម៉ាត់បំផុត ។
ការចេញបទបញ្ជានេះ ត្រូវបានសម្តេចធិបតីបានឃើញ មានសកម្មភាពក្មេងទំនើងធ្វើសកម្មភាពចា.ប់ចា.ក់គ្នា ជាបន្តបន្ទាប់ នៅក្នុងរាជធានីភ្នំពេញ តាមបណ្តាញសង្គម រហូតដល់ធ្វើឲ្យខូតទ្រព្យសម្បត្តិភាគីផងដែរ ។
ថ្លែងក្នុងពិធីប្រកាសដាក់ឱ្យអនុវត្តជាផ្លូវការ «ផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកលនៅកម្ពុជា ឆ្នាំ២០២៤-២០៣៥» នាព្រឹកថ្ងៃទី២៣ខែឧសភា ឆ្នាំ២០២៤ នៅសណ្ឋាគាសុខាភ្នំពេញ សម្តេចធិបតីហ៊ុន ម៉ាណែតបានគូសបញ្ជាក់ថា ៖«ក្នុងនាមរាជរដ្ឋាភិបាលខ្ញុំសូមបញ្ជាទៅអភិបាលនៃគណៈអភិបាលរាជធានី ខេត្ត ជាមួយនឹងសមត្ថកិច្ច ពាក់ព័ន្ធត្រូវរឹតបណ្តឹង និងវិធាន ការណ៍ឲ្យម៉ឺងម៉ាត់បំផុតចំពោះក្រុមក្មេងទំនើង ពិសេសក្រុមដាវសាំម៉ូរ៉ៃ បានកា.ប់គ្នាប៉ុន្មានថ្ងៃនេះនៅភ្នំពេញ ។ ម្សិលម្ង៉ៃបានកា.ប់ដា.ច់ដៃ និងទ្រព្យសម្បត្តិថា ភាគីក៏ដោយតែធ្វើឲ្យមានការភ័យខ្លាចពីសំណាក់ប្រជាពលរដ្ឋ» ។
សម្តេចធិបតី នាយករដ្ឋមន្ត្រីបានគូសបញ្ជាក់បន្ថែមថា ៖«ត្រូវធ្វើឲ្យម៉ឺងម៉ាត់ចំពោះក្មេងទំនើង ទាំងវិធានការរដ្ឋបាលក្នុងការទប់ស្កាត់ និងការអនុវត្តច្បាប់ដោយគ្មានការបន្ធូរបន្ថយ និងលើកលែង ដើម្បីការពារសន្តិសុនសណ្តាប់សាធារណៈ និងសន្តិសុខសង្គម ។ ត្រូវតែអនុវត្តឲ្យបានម៉ឺងម៉ាត់បំផុតទៅតាមច្បាប់ជាធរមានរបស់យើង» ។
សម្តេចធិបតីបានលើកឡើងទៀតថា ការធ្វើបែបនេះ ដើម្បីធានាព្រោះថា សន្តិសុខសង្គមភូមិសង្កាត់មានសុវត្ថិភាព គឺជាគោលដៅចំពោះរបស់រាជរដ្ឋាភិបាល ក្នុងរឿងគ្រឿងញៀ.នបានអនុវត្តជាបន្តបន្ទាប់ ។ រឿងគ្រឿងញៀ.នវាមិនងាយស្រួលនោះទេ តែយើងត្រូវតែធ្វើជាប្រចាំជានិច្ច ។ រឿងបើកឡានបុកគេចាប់អនុវត្តច្បាប់មិនឲ្យរួចខ្លួននោះទេ ពេលនេះបានស្ងាត់ តែវានៅរឿងបងធំ បងតូច ជាពិសេសនោះក្រុមដាវសាំម៉ូរ៉ៃ ។
ជាមួយគ្នានោះដែរ សម្តេចធិបតីបានអះអាងថា សម្តេចបានកំពុងតែឲ្យក្រសួងយុត្តិធម៌ពិនិត្យចំពោះការដាក់ដាវសាំម៉ូរ៉ៃតាមខ្លួនហ្នឹង ។ ព្រោះថា បើប្រជាពលរដ្ឋគាត់ដាក់កាំបិតគាត់ទៅធ្វើការងារ នៅចម្ការ តែនៅភ្នំពេញដាក់ដាវសាំម៉ូរ៉ៃតាមខ្លួនទៅធ្វើអ្វី0x017d7 ទៅរៀនដាក់ដាវការពារខ្លួនឬ?យល់ល្អ កុំឲ្យមានទាំងអស់គ្នាប្រសើរជាង បើឲ្យមាននោះ តិចទៀតកា.ប់គ្នាជិតពេកអាចប្រើដល់ធ្នូវាបា.ញ់បានឆ្ងាយ«…» កាលពីមុន ខ្ញុំឃើញមានមានម្នាក់កំពុងជិះម៉ូតូមកកា.ប់គ្នាពីក្រោយដោយមិនខ្លួន ។
សម្តេចនាយករដ្ឋមន្ត្រីក៏បានស្នើឲ្យស្ថាប័នអយ្យការត្រូវមានវិធានការការអនុវត្តច្បាប់ឲ្យបានម៉ឺងម៉ាត់ ក្នុងការចាត់ការមើលក្នុងសំណុំរឿងក្មេងទំនើងនេះប្រកបដោយយកចិត្តទុកដាក់ខ្ពស់ ដើម្បីលើកកម្ពស់ប្រសិទ្ធិភាពខ្ពស់ក្នុងការអនុវត្តច្បាប់របស់យើង ។
ជាមួយគ្នានោះដែរ សម្តេចនាយករដ្ឋមន្ត្រីបានលើកឡើងថា សម្តេចមិនបានដាក់បញ្ជាទៅស្ថាប័នតុលាការនោះទេ តែសូមឲ្យស្ថាប័នតុលាការត្រូវអនុវត្តច្បាប់ឲ្យបានម៉ឺងម៉ាត់លើកកិច្ចការនេះ ។ ពិតណាស់ ច្បាស់ជាមានក្មេងៗក្រោមអាយុ១៤ឆ្នាំឬ១៨ឆ្នាំ ត្រូវអនុវត្តទោសទណ្ឌបែបណាតែត្រូវសិក្សាឲ្យបានច្បាស់ថា ត្រូវធ្វើការពង្រឹងបែបណា ដើម្បីឲ្យខ្លាច ។
ទន្ទឹមនឹងនេះ សម្តេចនាយករដ្ឋមន្ត្រីក៏បានអំពាវនាវដល់ឪពុកម្តាយក៏ដូចជាអាណាព្យាបាល ខិតខំអប់រំទូន្មានប្រដៅកូនព្រោះថា កិច្ចការងារនេះត្រូវអប់រំទាំងនៅសាលារៀន និងនៅផ្ទះ ៕
ចែករំលែកព័តមាននេះ