សោ.កនាដកម្ម! គ្រួសារមួយមានស.តិមិ.នប្រក្រតីគ្រប់គ្នា បន្សល់ទុកកូន២នាក់រស់យ៉ាងកម្ស.ត់
- បន្ទាយមានជ័យ
ខេត្តបន្ទាយមានជ័យ ៖ សោកនាដកម្មរថយន្តបុ.កស្លា.ប់ឪពុកនិងកូន ដែលជាគ្រួសារមានសតិមិន
ខេត្តបន្ទាយមានជ័យ ៖ សោកនាដកម្មរថយន្តបុ.កស្លា.ប់ឪពុកនិងកូន ដែលជាគ្រួសារមានសតិមិនល្អ កាលពីថ្ងៃទី១៨ ខែឧសភា ឆ្នាំ២០២៤កន្លងទៅ បានបន្សល់ទុកកូនប្រុសស្រី២នាក់ ក្នុងនោះកូនប្រុសក៏មានសតិមិនប្រក្រតីដែរ កំពុងរស់នៅក្រោមដំបូលផ្ទះតៀមរខេករខាកដ៏កម្សត់ អង្គុយបើកភ្នែកម៉ក់ៗមើលអាជ្ញាធរភូមិរៀបចំធ្វើបុណ្យសពឪពុកនិងកូន នៅថ្ងៃទី១៩ ខែឧសភា ឆ្នាំ២០២៤ នៅភូមិសំរោង ឃុំតាម៉ឺន ស្រុកថ្មគោល ខេត្តបាត់ដំបង ។
លោកមេភូមិសំរោងថ្លែងថា កាលពីរសៀលថ្ងៃទី១៨ ខែឧសភា ឆ្នាំ២០២៤ នៅភូមិភ្នំធំត្បូង ឃុំអូរប្រាសាទ ស្រុកមង្គលបុរី មានករណីគ្រោះថ្នាក់រថយន្តតូយ៉ូតា ពាក់ផ្លាកលេខ រដ្ឋ៣៦ ២-០៤១៤ បានបុកអ្នកជិះម៉ូតូស្លាប់២នាក់ឪពុកនិងកូនស្រី ។ ឪពុកឈ្មោះ ញឹម ធឿនអាយុ៦៧ឆ្នាំ កូនស្រីឈ្មោះ ធឿន ណាលីន អាយុ៣២ឆ្នាំ ។ គ្រួសារនេះ រស់នៅភូមិសំរោង ឃុំតាម៉ឺន ស្រុកថ្មគោល ខេត្តបាត់ដំបង ។
លោកមេភូមិបន្តថា ក្រោយពីមានគ្រោះថ្នាក់កើតឡើង ដោយសារជនរងគ្រោះដែលជាឪពុកនិងកូនស្រីដែលមានសតិមិនប្រក្រតីដូចគ្នា និងមានជីវភាពក្រលំបាកផងនោះ ទើបអាជ្ញាធរភូមិក្រោយពីទទួលសពដែលដឹកតាមរថយន្តកាមរីដោយបានចេញថ្លៃដឹកចំនួន ៤០ម៉ឺនរៀល ដឹកពីស្រុកមង្គលបុរីមកដល់ស្រុកថ្មគោល ។ បន្ទាប់មក ក៏ដឹកចូលវត្តជ្រោយម្ទេស ធ្វើការបូជា ហើយធ្វើបុណ្យជូននៅសាលាឆទានភូមិសំរោងរយៈពេល១ថ្ងៃ ។ ពេលបញ្ចប់ពិធីបុណ្យបានបច្ច័យជាង ៣លានរៀល ទុកសម្រាប់គ្រួសារសពសម្រាប់ដោះស្រាយជីវភាព ។
លោកមេភូមិបញ្ជាក់ថា ជនរងគ្រោះជាឪពុកធ្លាប់មានប្រពន្ធដែលមានជំងឺសតិមិនប្រក្រតីដូចគ្នា ហើយរស់នៅជាមួយគ្នារហូតមានកូន៣នាក់ (ស្រី២នាក់) ។ ក្រោយមក សាច់ញាតិខាងប្រពន្ធរកឃើញ ក៏ពង្រត់យកប្រពន្ធទៅបាត់បន្សល់ទុកកូនទាំង៣នាក់ សុទ្ធតែមានសតិមិនប្រក្រតីឲ្យនៅជាមួយឪពុកដែលឪពុកក៏មានសតិមិនប្រក្រតីដែរ ។
ពេលនេះ ឪពុកនិងកូនស្រីច្បងបានស្លាប់ដោយគ្រោះថ្នាក់ចរាចរណ៍ ដោយបន្យល់ទុកកូនប្រុសស្រី២នាក់ ដែលសុទ្ធតែមានជំងឺសតិមិនប្រក្រតីដែរ ។ លោកសង្ឃឹមថា ទាំង២នាក់បងប្អូនដែលរស់នៅក្រោមខ្ទមកម្សត់នេះ នឹងមានការដោះស្រាយសំណងលើគ្រោះថ្នាក់ចរាចរណ៍ឲ្យបានសមរម្យ សម្រាប់ការរស់នៅរបស់ក្មេងកំព្រាទាំង២នាក់ ។
សូមរំលឹកថា កាលពីរសៀលថ្ងៃទី១៨ ខែឧសភា ឆ្នាំ២០២៤ នៅចំណុចភូមិភ្នំធំត្បូង ឃុំអូរប្រាសាទ ស្រុកមង្គលបូរី មានករណីគ្រោះថ្នាក់ចរាចរណ៍រវាងរថយន្តបុកជាមួយម៉ូតូមួយគ្រឿង បណ្តាលឱ្យស្លាប់២នាក់ឪពុកនិងកូនស្រី ។
ជនរងគ្រោះទាំង២នាក់ខាងលើ ម្នាក់ឈ្មោះ ញឹម ធឿន ភេទប្រុស អាយុ៦៧ឆ្នាំ ត្រូវជាឪពុក និងម្នាក់ទៀតឈ្មោះ ធឿន ណាលីន ភេទស្រី អាយុ៣២ឆ្នាំ រស់នៅភូមិសំរោង ឃុំតាម៉ឺន ស្រុកថ្មគោល ខេត្តបាត់ដំបង។
លោកមេភូមិបានបញ្ជាក់ថា ក្រោយឪពុកនិងកូនស្រីច្បង បានស្លាប់ដោយសារគ្រោះថ្នាក់ចរាចរណ៍ខាងលើ បន្យល់ទុកកូនស្រី១នាក់និងកូនប្រុស១នាក់មានសតិមិនគ្រប់ រស់នៅក្រោមខ្ទមកម្សត់ គួរឱ្យអាណិតអាសូរ ៕
ចែករំលែកព័តមាននេះ