ក្រោយពីបញ្ចប់បេសកកម្មភាពយ៉ាងជោគជ័យចូលរួមដើរលើកម្រាលព្រំនៃកម្មវិធី Cannes Film Festival 2024 តារាសម្តែងនាងស៊ីន យូប៊ីន បានធ្វើការឆ្លើយតបចំពោះមហាជនមួយចំនួនដែលាធ្វើការរិះគន់មកលើរូបនាង និងអ្នកសិល្បៈផ្សេងទៀតដោយធ្វើការចោទប្រកាន់ថា បានជះលុយដើម្បីមានឱកាសបានដើរលើកម្រាលព្រំនៃកម្មវិធីលំដាប់ពិភពលោកខាងលើនេះ…
ក្រោយពីបញ្ចប់បេសកកម្មភាពយ៉ាងជោគជ័យចូលរួមដើរលើកម្រាលព្រំនៃកម្មវិធី Cannes Film Festival 2024 តារាសម្តែងនាងស៊ីន យូប៊ីន បានធ្វើការឆ្លើយតបចំពោះមហាជនមួយចំនួនដែលាធ្វើការរិះគន់មកលើរូបនាង និងអ្នកសិល្បៈផ្សេងទៀតដោយធ្វើការចោទប្រកាន់ថា បានជះលុយដើម្បីមានឱកាសបានដើរលើកម្រាលព្រំនៃកម្មវិធីលំដាប់ពិភពលោកខាងលើនេះ ។
តារាស្រីរូបនេះ ហាក់សម្តែងការហួសចិត្តយ៉ាងខ្លាំង ដ្បិតនាងមិនបានធ្វើរឿងមួយនេះ ខណៈពេលដែលនាងបានខិតខំ និងចំណាយលុយផ្ទាល់ខ្លួនសម្រាប់ច្នៃម៉ូតបង្ហាញពីសិល្បៈវប្បធម៌ខ្មែរអោយបរទេសបានស្គាល់ ។
ក្នុងពេលវិលត្រឡប់មកកាន់ប្រទេសកម្ពុជាវិញ ស៊ីន យូប៊ីន បានអះអាងប្រាប់អ្នកសារព័ត៌មាននៅព្រលានយន្តហោះភ្នំពេញថា ទទួលស្គាល់ពេលទៅគឺត្រូវចំណាយលុយមែន ព្រោះខាងកម្មវិធីគេគ្រាន់តែចេញលិខិតអញ្ជើញអោយយើងតែមួយសន្លឹកគត់ ចំណែកថ្លៃសំបុត្រយន្តហោះ និងការស្នាក់គឺយើងទាំងអស់។
នាងបន្តថា នាងយកលុយផ្ទាល់ខ្លួនទាំងអស់នេះ គឺដើម្បី គឺដើម្បីខ្មែរ ហើយកុំចោទនាងថា យករឿងនឹងបាំងមុខ គឺអត់ទេ បើនាងទៅស្លៀកតែរបស់ប្រ៊េនរបស់គេ មិនស្លៀកអ្វីដែលជាវប្បធម៌ខ្មែរគឺបាន ប៉ុន្តែនាងខំធ្វើ ខំពាក់អស់លុយខ្លួនឯងទៀត ។
នាងថា តើខ្ញុំធ្វើដើម្បីអី គឺធ្វើដើម្បីខ្មែរ ពេលគេសួរមកពីណា គឺខ្ញុំឆ្លើយមកពីកម្ពុជា ហើយខ្ញុំពិតជាមានមោទនភាពខ្លាំងណាស់នៅពេលបានស្លៀកបំពាក់អ្វីដែលបង្ហាញពីវប្បធម៌ខ្មែរ ។ នាងបញ្ជាក់ថា ចំណុចនេះបានធ្វើអោយគេស្គាល់យើងម្តងបន្តិចៗ រហូតដល់វ៉េបសាយបរទេសដែលកន្លងមក សរសេរតែឈ្មោះនាងនោះ គេក៏បានផ្លាស់ប្តូរបន្ថែមដោយពាក្យកម្ពុជា។ ទាំងអស់នេះ គឺធ្វើអោយនាងសប្បាយចិត្តយ៉ាងខ្លាំង ដែលនាងបានចូលរួមជាផ្នែកតូចៗ ដើម្បីអោយគេស្គាល់កម្ពុជា។
យ៉ាងណាបើតាម ស៊ីន យូប៊ីន នាងស្នើសុំអោយមហាជនខ្លះកុំមានការលើកឡើងថា នាងធ្វើដើម្បូបានLike view ឬចង់ល្បី នោះឡើយ ពោកនេះមិនមែនលើកទីមួយទេដែលនាងបានចូលរួមក្នុងកម្មវិធីអន្ទរជាតិ ហើយនៅក្នុងស្រុកបងប្អូនទស្សនិកជនខ្មែរក៏បានស្គាល់នាងច្បាស់តាមរយះការសម្តែងផងដែរ ។
ស៊ីន យូប៊ីន បានបញ្ជាក់ថា យើងទាំងអស់គ្នាមិនអាចរើសកន្លែង ឬឪពុកម្តាយសម្រាប់កើតនោះឡើយ ប៉ុន្តែយើងអាចរើសធ្វើជាមនុស្សល្អម្នាក់ដែលសងគុណប្រទេសជាតិ និងផែនដីនេះបាន ហើយមិនបានធ្វើអ្វីសងគុណទេ សូមកុំបំផ្លាញជាតិ និងទឹកចិត្តអ្នកដែលបានជួយជាតិ។
គួរបញ្ជាក់ថាតារាសម្តែងនាង ស៊ីន យូប៊ីន បានបង្ហាញឈុតទី៣របស់ខ្លួនដែលមានឈ្មោះថា«នារីចម្បាំងព្រះមហានគរឥន្ទ្រប្រត្ថព្រះពិស្ណុលោក»ដែលមានរំលេចនូវរូបល្ខោនស្រមោលស្បែកធំ ដើរលើកម្រាលព្រំកម្មវិធី the77th cannes film festival ទីក្រុងកានប្រទេសបារាំង យ៉ាងទាក់ទាញ ។
ការបង្ហាញឈុតមួយនេះត្រូវបានចាត់ទុកជាមោទនភាពមួយសម្រាប់អ្នកសិល្បះខ្មែរនិយាយជារួម និងនិយាយដោយឡែកសម្រាប់ ស៊ីន យូប៊ីន ផ្ទាល់ដែលបានចូលរួមផ្សព្វផ្សាយសិល្បះវិប្បធម៌ដ៏ល្អផូរផង់របស់កម្ពុជាទៅកាន់ពិភពលោកឲ្យបានស្គាល់កាន់តែច្បាស់ ។
បើតាម ស៊ីន យូប៊ីន នេះជាចំណែកតូចមួយក្នុងការជួយផ្សព្វផ្សាយវិប្បធម៌ដ៏ផូរផង់របស់កម្ពុជាទៅកាន់ពិភពលោកដែលនាងខ្ញុំអាចធ្វើបាន។ ជាការកត់សម្គាល់ នេះមិនមែនជាលើកទីមួយទេដែលតារាសម្តែងរូបស្រស់នាង ស៊ីន យូប៊ីន បង្ហាញឈុតដោយមានរចនាបង្ហាញពីអត្តសញ្ញាណខ្មែរសម្រាប់គ្រងបង្ហាញ ក្នុងពេលដែលនាងបានចូលរួមក្នុងកម្មវិធីធំៗជាអន្តរជាតិ ។
កន្លងមកកាលពីអំឡុងពេលដែលនាងបានចូលរួមកម្មវិធីដូចគ្នាខាងលើនាឆ្នាំ២០២៣ តារស្រីរូបនេះបានបង្ហាញឈុតប្រណីតចំនួនទ៤ សម្រាប់ស្លៀកចូលរួមដោយនៅក្នុងនោះមានឈុតមួយដែលត្រូវបានរចនាដោយស្បៃភ្ជាប់ដោយរូបទង់ជាតិប្រទេសកម្ពុជា លម្អដោយគ្រឿងអលង្ការប្រណីតនៃរូបសត្វនាគរាជ និងផ្ការំដួល ដែលបង្ហាញពីអត្តសញ្ញាណរបស់ខ្មែរផងដែរ ៕
ចែករំលែកព័តមាននេះ