ខេត្តកំពត ៖ ជញ្ជីងថ្លឹងរថយន្តមួយកន្លែងដាក់ថ្លឹងរថយន្តខួបប្រាំងវស្សានៅលើកំណាត់ផ្លូវជាតិលេខ31ស្ថិតក្នុងភូមិសាស្ត្រឃុំភ្នំកុង ជិតសាលាស្រុកអង្គរជ័យ ខេត្តកំពត ។ បើតាមដឹងជញ្ជីងដាក់ថ្លឹងរថយន្តមានដឹកលើសទម្ងន់ដាក់ថ្លឹងជាប់5ឆ្នាំហើយដែលគេនិយាយថា ជញ្ជីងដុះស្លែការពាររថយន្តមិនអោយដឹកលើសទម្ងន់ដែលក្រសួងបានកំណត់។ ប៉ុន្តែការដាក់ជញ្ជីងនោះ ផ្លូវនៅទីរួមស្រុកអង្គរជ័យខួចខាតស្ទើរតែទាំងស្រុកទៅហើយ រីឯជញ្ជីងនៅតែថ្លឹងទាំងយប់ទាំងថ្ងៃ ។
លោកហង្ស សេង ជាមន្ត្រីចូលនិវត្តន៍នៅមន្ទីរសាធារណការ និងដឹកជញ្ជូញខេត្តកំពតខ្លួនចូលនិវត្តន៍ហើយ តែលោកនៅមកធ្វើការបាននិយាយប្រាប់ថា ជញ្ជីងថ្លឹងរថយន្តនៅស្រុកអង្គរជ័យនោះ គឺដាក់ថ្លឹងមិនអោយរថយន្តដឹកលើសទម្ងន់ លោកហង្ស សេង និយាយថា ជញ្ជីងថ្លឹងរថយន្តនោះ គឺមានសារសំខាន់ការពារមិនអោយរថយន្តមិនអោយដឹកធ្ងន់នាំអោយខូចផ្លូវ ។ លោកហង្ស សេង និយាយប្រាប់បន្តថា ការដាក់ជញ្ជីងថ្លឹងរថយន្តនោះគឺខាងក្រសួងទេ ជាអ្នកដាក់តែមន្ត្រីសាធារណៈការខេត្តជាអ្នកធ្វើការ ។
លោកតូច សុខុម ជាមន្ត្រីនគរបាលមកពីស្នងការដ្ឋានខេត្តប្រចាំការនៅកន្លែងថ្លឹងរថយន្តដែលបិទបាំងជិតមិនអោយឃើញមន្ត្រីជំនាញលូកយកលុយឬតែកុងឡានបង់លុយបាននិយាយប្រាប់អោយដឹងថា ជញ្ជីងថ្លឹងរថយន្តមានគម្រោងដកចេញពីកន្លែងភូមិភ្នំកុងនេះ ទៅដាក់នៅកន្លែងផ្សេងទៀត ប៉ុន្តែនៅក្នុងស្រុកអង្គរជ័យដដែល ។
មានព័ត៌មានបន្ថែម កោះសន្តិភាពនឹងផ្សាយជូនបន្ត ។
ចែករំលែកព័តមាននេះ