សត្វដំរីព្រៃញី១ក្បាល ដែលមានរបួសធ្ងន់ធ្ងរនៅចំណុចអូរក្រាក់នៃដែនជម្រកសត្វព្រៃភ្នំព្រេច ហើយត្រូវបានក្រុមអ្នកអភិរក្សព្យាយាមសង្គ្រោះជីវិតនោះ បានលាចាកលោកនេះហើយ ។ នេះបើតាមការបញ្ជាក់របស់មន្ទីរបរិស្ថានខេត្តមណ្ឌលគីរី ។ ប្រភពដដែលបានអះអាងថា មន្ទីរបរិស្ថានខេត្តមានការសោកស្តាយជាពន់ពេក ចំពោះការបាត់បង់សត្វដំរីព្រៃញី១ក្បាលនេះ…
សត្វដំរីព្រៃញី១ក្បាល ដែលមានរបួសធ្ងន់ធ្ងរនៅចំណុចអូរក្រាក់នៃដែនជម្រកសត្វព្រៃភ្នំព្រេច ហើយត្រូវបានក្រុមអ្នកអភិរក្សព្យាយាមសង្គ្រោះជីវិតនោះ បានលាចាកលោកនេះហើយ ។ នេះបើតាមការបញ្ជាក់របស់មន្ទីរបរិស្ថានខេត្តមណ្ឌលគីរី ។
ប្រភពដដែលបានអះអាងថា មន្ទីរបរិស្ថានខេត្តមានការសោកស្តាយជាពន់ពេក ចំពោះការបាត់បង់សត្វដំរីព្រៃញី១ក្បាលនេះ ។
ប្រភពដដែលបានបញ្ជាក់ទៀតថា វាលាចាកលោក នៅវេលាម៉ោង៥ និង៣៨នាទីព្រឹក ថ្ងៃទី១០ ខែឧសភា ដោយសារតែវាមានរបួសធ្ងន់ធ្ងរ ។
គួររំលឹកផងដែរថា ក្រុមការងារនៃដែនជម្រកសត្វព្រៃភ្នំព្រេច បានប្រទះឃើញសត្វដំរីព្រៃញីមួយក្បាល បានជាប់ក្នុងល្បាប់ភក់ចំណុចអូរក្រាក់ កាលពីថ្ងៃទី៣០ ខែមេសា ឆ្នាំ២០២៤ ។ ក្រុមការងារនៃមន្ទីរបរិស្ថានខេត្តមណ្ឌលគិរី រួមសហការជាមួយអង្គការ WWF មន្ត្រីជំនាញ និងក្រុមការងារនៃក្រុមហ៊ុនលឹមរ៉ូយ៉ាល់ បានធ្វើការជួយសង្គ្រោះសត្វដំរីព្រៃញីមួយក្បាលនេះ ។
ប្រភពដដែលបានបន្តថា ដោយសារតែការជាប់ក្នុងល្បាប់ភក់ និងមានរបួស ជើងមុខខាងឆ្វេង និងផ្នែកពោះ ក្រុមការងារក៏បានដឹកជញ្ជូនដំរីព្រៃញីមួយក្បាលនេះមកបន្តព្យាបាលនៅដែនជម្រកសត្វព្រៃលំផាត់មណ្ឌលគិរីតែ ដោយសុខភាពសត្វដំរីព្រៃញីមួយក្បាល នេះមាន សភាពខ្សោយពីមួយថ្ងៃទៅមួយថ្ងៃ នាថ្ងៃទី១០ ខែឧសភាឆ្នាំ ២០២៤ វាក៏បានបាត់បង់ជីវិត ។
សាកស.ពដំរីនេះត្រូវបាន ក្រុមការងាររៀបចំជីករណ្តៅកប់នៅទីស្នាក់ការរយ៉លើ ដែនជម្រកសត្វព្រៃលំផាត់ ភូមិមេមុំ ឃុំរយ៉ ស្រុកកោះញែក ខេត្តមណ្ឌលគិរី ។
តាមការការសិក្សាស្រាវជ្រាវ កាលពីឆ្នាំ២០២០ ដំរីព្រៃដែលមានវត្ដមានក្នុងប្រទេសកម្ពុជា គឺមានចន្លោះពី៤០០ ទៅ៦០០ក្បាល ដែលកំពុងតែរស់នៅក្នុងតំបន់អភិរក្សក្នុងភូមិភាគឥសាន និងនៅតំបន់ជួរភ្នំក្រវាញ ស្ថិតនៅក្នុងខេត្ដពោធិ៍សាត់ កោះកុង កំពង់ស្ពឺ ៕
ចែករំលែកព័តមាននេះ