ជំទាវទីមួយរបស់កម្ពុជា ដែលជាភរិយារបស់នាយករដ្ឋមន្ត្រី បានបង្ហាញពីការចងចាំមិនអាចបំភ្លេចបាន អំពីប្រហុកមួយចាន ដែលលោកជំទាវបានទទួល ពីព្រោះវាជាទឹកចិត្តដ៏ល្អដែលលោកជំទាវយល់ថា គួរតែមាននៅក្នុងបេះដូងខ្មែរគ្រប់រូប ។ នៅក្នុងការផូសហ្វេសប៊ុក របស់លោក…
ជំទាវទីមួយរបស់កម្ពុជា ដែលជាភរិយារបស់នាយករដ្ឋមន្ត្រី បានបង្ហាញពីការចងចាំមិនអាចបំភ្លេចបាន អំពីប្រហុកមួយចាន ដែលលោកជំទាវបានទទួល ពីព្រោះវាជាទឹកចិត្តដ៏ល្អដែលលោកជំទាវយល់ថា គួរតែមាននៅក្នុងបេះដូងខ្មែរគ្រប់រូប ។
នៅក្នុងការផូសហ្វេសប៊ុក របស់លោក ជំទាវ ពេជ ចន្ទមុន្នី នាថ្ងៃទី២៦ ខែមេសានេះ លោកជំទាវ បានសរសេរថា នាងខ្ញុំនៅចាំបានថាកាលពីជំនាន់ ២០០៤ នាងខ្ញុំបានទៅធ្វើការនៅអន្លង់វែង ពេលបាយថ្ងៃត្រង់ នាងខ្ញុំ និងក្រុមការងារ បានសុំផ្ទះបងប្អូនប្រជាជនយើងក្នុងភូមិញុំាបាយនៅក្រោមផ្ទះគាត់ ។
លោក ជំទាវ បានបន្ថែមទៀតថា «ពេលនោះ គាត់បានអោយកូនគាត់យកប្រហុកចំហុយ១ចាន មកអោយក្រុមការងារនាងខ្ញុំ នៅពេលដែលម្ចាស់ផ្ទះគាត់ត្រូវចែករំលែកប្រហុក១ចាន ដូចគ្នាជាមួយសមាជិកគាត់ ចំនួនជាង៦នាក់ក្នុងផ្ទះ ។ នេះជាអ្វីដែលធ្វើអោយខ្ញុំមិនអាចបំភ្លេចបាន» ។
លោកជំទាវ ក៏បានលើកឡើងផងដែរថា លោកជំទាវចង់អោយសង្គមខ្មែរយើង មានទឹកចិត្តល្អដូចអ៊ុំស្រីម្នាក់ នៅក្នុងវីដេអូ ដែលមានទឹកចិត្តល្អ ដល់ក្មេងរើសអេតចាយ ដោយអោយម្ហូបដល់ក្មេងស្រីនោះ ។
ទឹកចិត្តល្អ និងចេះចែករំលែកគ្នា គួរតែបណ្តុះអោយមានក្នុងបេះដូងខ្មែរគ្រប់រូប ។ តាមពិតទៅទឹកចិត្តល្អ វាមិនត្រឹមតែផ្តល់ផលល្អដល់អ្នកទទួលនោះទេ វាក៏ផ្តល់ការសប្បាយចិត្ត និងបុណ្យផងដែរដល់មនុស្សដែលប្រព្រឹត្តអំពើល្អ ។
កាលបើ មនុស្សគ្រប់គ្នាយល់អំពីផលប្រយោជន៍នៃអំពើល្អ និងទឹកចិត្តប្រកបដោយមេត្តា និងករុណានោះវានឹងធ្វើអោយសង្គមកម្ពុជាយើងជាសង្គមដ៏ប្រពៃមួយដែលមនុស្សគ្រប់គ្នាអាចមានស្នាមញញឺមលើផ្ទៃមុខដោយស្មើភាព ៕
ចែករំលែកព័តមាននេះ