ខេត្តកំពង់ស្ពឺ ៖ មហាជនជាច្រើន បានសម្តែងនូវការរិះគន់របស់ខ្លួនទៅលើលោកវរសេនីយ៍ឯក ខឹម សាម៉ុន អធិការនគរបាលក្រុងឧត្តុង្គម៉ែជ័យ រឿងប្រកាសគៀងគររកជំនួយមកសាងសង់អគារអធិការដ្ឋានទាំងដែលសម្ភារមួយចំនួនមានអ្នកចេញលុយឲ្យរួចអស់ហើយ ។ អ្វីដែលជាការកត់សំគាល់…
ខេត្តកំពង់ស្ពឺ ៖ មហាជនជាច្រើន បានសម្តែងនូវការរិះគន់របស់ខ្លួនទៅលើលោកវរសេនីយ៍ឯក ខឹម សាម៉ុន អធិការនគរបាលក្រុងឧត្តុង្គម៉ែជ័យ រឿងប្រកាសគៀងគររកជំនួយមកសាងសង់អគារអធិការដ្ឋានទាំងដែលសម្ភារមួយចំនួនមានអ្នកចេញលុយឲ្យរួចអស់ហើយ ។
អ្វីដែលជាការកត់សំគាល់ ដូចជាដែកគឺប្រើដែកចាស់ៗហើយសម្ភារមួយចំនួនដូចជាឥដ្ឋ និងស៊ីម៉ង់ត៍ត្រូវបានសប្បុរសជនជួយ និងទូទាត់លុយឲ្យរួចរាល់អស់ហើយដែរ ។ យោងតាមប្រភពបានបង្ហើបថា ទំនងជាការជួយរបស់សប្បុរសជនមិនទាន់គ្រប់គ្រាន់លោកអធិការនៅតែបន្តប្រកាសស្វែងរកជំនួយ ដើម្បីជួយបន្ថែមទៀត ស្របពេលដែលសម្ភារមួយចំនួនត្រូវបានទូទាត់លុយជូនម្ចាស់សម្ភាររួចហើយដែរ ។ អ្វីដែលជាការកត់សម្គាល់ គឺក្រោយទទួលបានជំនួយលោកអធិការពុំបានសាងសង់អ្វីទៀតទេ អ្វីៗនៅដដែលទាំងអស់ ។
ប្រភពបន្តថា បើតាមចំនួនសរុបដែលមន្ត្រីតូចតាចកត់សម្គាល់ គឺមហាជននិងសប្បុរសជនបានជួយដែលគិតមកដល់ពេលនេះមានប្រមាណជិត5ម៉ឺនដុល្លារទៅហើយ ក្នុងនោះផងដែរ គឺមិនទាន់មានការសាងសង់អ្វីបន្ថែមលើសពីសំណង់ចាស់ឡើយ សូមកុំស្មានថា គេមិនដឹង ។
យោងតាមប្រភពបានបង្ហើបឲ្យដឹងទៀតថា ដៃស្តាំរបស់លោក ខឹម សាម៉ុន គឺវរសេនីយ៍ទោ សាវ សុភក្តីបានដើរតួនាទីយ៉ាងសកម្មក្នុងការប្រកាសស្វែងរកជំនួយ ដែលរហូតមកដល់ពេលនេះ ជំនួយទាំងនោះបានក្រាស់ក្រែលហើយ ក៏ប៉ុន្តែអ្វីដែលជាការកត់សម្គាល់ គឺសំណង់អគារចាស់នៅដដែលដែល (ទូទាត់ប្រាក់រួចហើយ)ដោយពុំមានដំណើរការបន្តទៅមុខឡើយ ។
ការដែលមិនឃើញមានដំណើរការសាងសង់អគារអធិការដ្ឋានឲ្យនេះធ្វើឲ្យមានមន្ទិលសង្ស័យថា ជំនួយដែលលោកខឹម សាម៉ុន និងលោកវរសេនីយ៍ទោ សាវ សុភក្តី ទទួលបានទំនងជាលោកខឹម សាម៉ុន រក្សាទុកសម្រាប់ពេលចូលនិវត្តន៍ទេដឹង? ព្រោះមិនយូរប៉ុន្មានក្នុងពេលឆាប់ៗនេះ លោកខឹម សាម៉ុន ថ្នាក់លើនឹងប្រកាសដាក់ឲ្យចូលនិវត្តន៍លែងនៅជាអធិការនៃអធិការដ្ឋាននគរបាលក្រុងឧត្តុងម៉ែជ័យទៀតហើយ។
ប្រភពដដែលបានបញ្ជាក់ថា តាមពិតអ្វីដែលលោកខឹម សាម៉ុន ចង់ធ្វើគឺប្រមូលលុយដើម្បីទុកចូលនិវត្តន៍តែប៉ុណ្ណោះ មិនមែនប្រមូលលុយដើម្បីកសាងសង់អគារអធិការដ្ឋានថ្មីនោះទេ ព្រោះថាសំណង់ដែលអធិការដ្ឋានផុសជាបន្តបន្ទាប់នោះក្រោយពេលទទួលជំនួយជាសាច់ប្រាក់អគារគឺសំណង់ចាស់នៅដដែលមិនមានការរីកចម្រើនទៅមុខឡើយ ។
ពាក់ព័ន្ធនឹងការលើកឡើងខាងលើនេះដែរ លោកវរសេនីយ៍ឯកខឹម សាម៉ុន អធិការនគរបាលក្រុងឧដុង្ឋម៉ែជ័យបានប្រាប់អ្នកយកព័ត៌មានយើងបែបច្រឡោតតាមទូរសព្ទកាលពីរសៀលថ្ងៃទី25 មេសា ឆ្នាំ 2024 ថា រហូតមកដល់ពេលនេះ សំណង់អាគារកំពុងតែសាងសង់ដោយពុំទាន់រួចរាល់នោះទេ។គឺមានលុយក្នុងដៃតែ 3.000 ដុល្លារប៉ុណ្ណោះមិនមានលុយច្រើនដូចសេចក្តីរាយការណ៍ទៅអ្នកព័ត៌មានឡើយ ។
យ៉ាងណាក៏ដោយ រឿងរៃប្រាក់សាងសង់អធិការដ្ឋានហើយនៅមិនទាន់បានចេញលទ្ធផលអីនោះ វាគង់តែធ្លាយដូចបែកពាងប្រហុកមិនខានឡើយ ។ ពេលណាមានប្រតិកម្មប្លែក យើងនឹងផ្សាយជូនបន្តទៀតព្រោះសង្ស័យ «ត្រីងៀតឆ្លៀតពង»នៅក្នុងរដូវប្រាំងនេះ ហេ! ហេ!
ព័ត៌មានបន្តនឹងចេញផ្សាយជូននៅលើកាសែតកោះសន្តិភាព ។
ចែករំលែកព័តមាននេះ