មហាជនដែលជាអ្នកលេងបណ្តាញសង្គមជាច្រើន បាននាំគ្នារិះគន់ដូចទឹកបាក់ទំនប់ទៅលើតារាស្រីនាង គង់ ច័ន្ទស្រីមុំ ដែលបានបង្ហាញពីការចូលរួមលេងកំសាន្តក្នុងថ្ងៃសង្ក្រាន្តចូលឆ្នាំថ្មីក្នុងប្រទេសថៃ បន្ទាប់ពីពិធីបុណ្យមួយនេះ កំពុងមានការប្រទាំងប្រទិសគ្នាសម្រាប់ពលរដ្ឋខ្មែរ និងថៃក្នុងការដណ្តើមជាម្ចាស់ដើម ។ តារាស្រីនាង…
មហាជនដែលជាអ្នកលេងបណ្តាញសង្គមជាច្រើន បាននាំគ្នារិះគន់ដូចទឹកបាក់ទំនប់ទៅលើតារាស្រីនាង គង់ ច័ន្ទស្រីមុំ ដែលបានបង្ហាញពីការចូលរួមលេងកំសាន្តក្នុងថ្ងៃសង្ក្រាន្តចូលឆ្នាំថ្មីក្នុងប្រទេសថៃ បន្ទាប់ពីពិធីបុណ្យមួយនេះ កំពុងមានការប្រទាំងប្រទិសគ្នាសម្រាប់ពលរដ្ឋខ្មែរ និងថៃក្នុងការដណ្តើមជាម្ចាស់ដើម ។
តារាស្រីនាង គង់ ច័ន្ទស្រីមុំ បានបង្ហោះរូបភាពជាច្រើនសន្លឹកនៅលើបណ្តាញសង្គមរបស់ខ្លួនដោយ ក្នុងនោះ គេឃើញនាងបានបង្ហាញពីការដើរលេងកំសាន្តតាមទីរមណីយដ្ឋានមួយចំនួនក្នុងប្រទេសថៃ ។
អ្វីជាការកត់សម្គាល់នោះ នាងក៏បានបង្ហោះរូបភាពបង្ហាញសកម្មភាពកាន់កាំភ្លើងបាញ់ទឹកចូលរួមពិធីអបអរពិធីចូលឆ្នាំថ្មីនៅក្នុប្រទេសថៃផងដែរ ខណៈពេលរូបភាពមួយនេះបានទទួលការរិះគន់យ៉ាងខ្លាំងពីបណ្តាអ្នកលេងបណ្តាញសង្គមនៅស្រុកខ្មែរ ។
អ្នករិះគន់បានចាត់ទុកការបង្ហាញរូបភាពចូលរួមសង្ក្រាន្តនៅប្រទេសថៃពីអ្នកនាង គង់ ច័ន្ទស្រីមុំ នាពេលនេះប្រៀបបានទៅនឹងជួយផ្សព្វផ្សាយអោយប្រទេសគេ ដោយមិនជួយផ្សព្វផ្សាយពីប្រទេសរបស់ខ្លួន ក្នុងនាមនាងជាអ្នកសិល្បះមួយរូប ។
ពួកគេម្នាក់ៗបានសម្តែងការមិនពេញចិត្តចំពោះទង្វើរបស់តារាសម្តែងនាង គង់ ច័ន្ទស្រីមុំ នាពេលនេះឡើយ ក្នុងពេលដែលអ្នកខ្លះក៏បានប្រកាសឈប់គាំទ្រ និងចង់ឲ្យតារាស្រីរូបនេះចេញមុខសុំទោសពលរដ្ឋខ្មែរជាសាធារណៈផងដែរ ។
យ៉ាងណាជុំវិញបញ្ហាខាងលើនេះ តារាសម្តែង និងពិធីការិនីនាង គង់ ច័ន្ទស្រីមុំ នៅមិនទាន់ចេញមុខបកស្រាយ និងសុំទោសតាមការទាមទារពីមហាជននៅឡើយទេ ប៉ុន្តែគេឃើញនាងបានលុបរូបភាពកាន់កាំភ្លើងបាញ់ទឹក ដោយភ្ជាប់ជាមួយសំណេររីករាយចូលឆ្នាំថ្មី ក្នុងពេលដែលនាងកំពុងមានវត្តមានដើរកំសាន្តក្នុងប្រទេសថៃ ។
ទោះជាយ៉ាងណា ក្រោយផ្ទុះការរិះគន់ចំពោះបញ្ហាខាងលើនេះ គេឃើញគណេយ្យហ្វេសប៊ុកឈ្មោះBeauty Pageant Reviewer បានបង្ហោះសារថា មិនមែនគេមិនដែលប្រម៉ូតអំពីខ្មែរទេ! តែមកពីយើងអោយតែវីដេអូគេបង្ហោះផ្សព្វផ្សាយពីខ្មែរមិនសូវមានអ្នកចូលរួមមើល និងចែករំលែក អុីចឹងឥលូវនេះ អាចទេបើគ្រានតែ ស៊ែរវីដេអូដែលគាត់ខំទៅផ្សព្វផ្សាយនេះម្នាក់មួយ ដើម្បីចូលរួមផ្សព្វផ្សាយពីអ្វីដែលខ្មែរមាន និងអ្វីដែលគាត់ខំធ្វើកន្លងមក?
ហើយខ្ញុំជឿរថា បើគ្រប់គ្នាចូលរួមចែករលែកនូវអ្វីដែលល្អៗ ក៏ជាចំនែកមួយលើកទឹកចិត្តទៅដល់បងៗដែលគាត់ខំចំណាយពេល និងថវិការផ្ទាល់ខ្លួនទៅធ្វើ និងបង្កើតមាតិកាល្អៗទាក់ទងទៅនិងសង្គមជាតិយើងបន្តរទៀត។
ដូចបងស្រីមុំ (គង់ ច័ន្ទស្រីមុំ) ជាដើមគាត់ក៏ធ្លាប់ចូលរួមធ្វើមាតិកា ដែលទាក់ទងទៅនិងសង្គម ក៏ដូចជាចូលរួមផ្សព្វផ្សាយវប្បធម៌ និងជួយអ្នកក្រខ្សត់ជាច្រើន លក់សំលៀកបំពាក់ផ្ទាល់ខ្លួន ដើម្បីយកលុយធ្វើសប្បុរសធម៌ជារៀងរាល់ឆ្នាំ ហើយគាត់ក៏ធ្លាប់ធ្វើផ្ទះអោយអ្នកអត់ពិតប្រាកដ អោយមានទីលំនៅដូចគេដូចអែងដែល គាត់ក៏ចូលរួមចំណែកយ៉ាងច្រើនជួយសង្គមជាតិយើងដូចជាការចំណាយថវិការផ្ទាល់ខ្លួន និងកម្លាំងទៅធ្វើរឿងសម្រាប់សង្គមជាច្រើនផងដែរ។
ដោយឡែក ស្របពេលមានការរិះគន់ខាងលើនេះដែរគណនេយ្យហ្វេសប៊ុកឈ្មោះ Dot.Trip Cambodia ក៏បានបង្ហោះសារថា ខ្ញុំជាអ្នករស់នៅខេត្តសៀមរាបតារាថៃជាច្រើនបានមកលេងប្រទេសខ្មែរ ជាពិសេសខេត្តសៀមរាប ដោយពួកគេមិនសូវបង្ហាញ រឺធ្វើវីដេអូសរសើរពីតំបន់ទេសចរណ៍ខ្មែរនោះទេ ព្រោះពួកគេគិតលើប្រយោជន៍ជាតិសាសន៍គេណាស់ ។
គេដឹងថា ពួកគេជាមនុស្សដែលមានឥទ្ធិពលបើសិនជាគេធ្វើវីដេអូហើយបង្ហោះនៅក្នុងប្រព័ន្ធ Social Media នោះនឹងធ្វើអោយប្រជាជនថៃមានបំណងចង់មកទស្សនាប្រទេសយើង ជាពិសេសតំបន់អង្គរតែម្តង ព្រោះចម្ងាយពីថៃ មកសៀមរាបមិនឆ្ងាយនោះទេ ហើយក៏មិនចំនាយច្រើននោះដែរ។
តារាថៃបានទស្សនាហើយពួកគេដឹងច្បាស់ថា តំបន់ទេសចរណ៍បែបវប្បធម៌ប្រពៃណី របស់គេមិនអាចប្រៀបបាននឹងតំបន់អង្គរ បាននោះទេ ដូចច្នេះពួកគេមិនងាយនឹងធ្វើវីដេអូអោយប្រជាជនគេបានឃើញពីភាពអស្ចារ្យដែលអាចអោយប្រជាជនថៃមានបំណងចង់មកទស្សនាកម្ពុជា។ យ៉ាងច្រើនត្រឹមបង្ហោះរូបភាព 2 រឺ 3 សន្លឹកជូនកាលអត់បង្ហោះលើ social media តែម្តង។
ផ្ទុយអីតែតារាខ្មែរ និង Content creators ខ្មែរមួយចំនួនពេលបានទៅថៃ ព្យាយាមផលិតវីដេអូ ផុសសរសើរផ្សព្វផ្សាយពីគេណាស់ សូម្បីតែហាងកាហ្វេនៅថៃដ៏សាមញ្ញ រឺ ហាងបុកល្ហុងនៅថៃ ក៏អ្នកល្បីនៅខ្មែរផលិតបានជាវីដេអូយ៉ាងលម្អិត មានបន្ថែមចំនុចល្អ ដើម្បីអោយវីដេអូទាក់ទាញខ្មែរដ៏ទៃទៀតចង់ទៅលេងនិងយកលុយទៅចាយវាយនៅថៃតាមពួកគាត់ដែរ។
ខ្ញុំមិនបានអោយខ្មែរយើងស្អប់ថៃនោះទេ ខ្ញុំយល់ថាជាសិទ្ធពួកគាត់ លុយពួកគាត់ គ្រាន់តែចង់អោយយើងត្រូវគិតប្រយោជ៍ជាតិសំខាន់ផង ព្រោះគ្មានជាតិសាសន៍ណាស្រលាញ់ខ្មែរក្រៅពីខ្មែរខ្លួនឯងទេ។ ជនជាតិថៃជាចេះ Promote ប្រទេសគេណាស់ ហើយក្នុងនោះយុទ្ធសាស្ត្រគេក៏បានប្រើវិធី ស្មោគគ្រោកនិយាយមិនល្អពីប្រទេសយើងប្រាប់បរទេស កុំអោយមកទស្សនាប្រទេសយើងទៀតផង។ ប្រជាជនខ្មែរជាច្រើននាក់បានទៅទស្សនាប្រទេសថៃតាមរយៈតារាខ្មែរ និង ContentCreatorsមួយចំនួន។
ដើរលេងក្រៅប្រទេសដើរចុះអោយតែមានពេលមានលុយ ធ្វើវីដេអូធ្វើចុះ ផ្សព្វផ្សាយចុះ តែត្រូវគិតថាអ្នកណាស្អប់យើង យើងមិនចាំបាច់ទៅជួយផ្សព្វផ្សាយពីគេទេ អ្នកណាអោយតម្លៃយើងចាំយើងជួយគេវិញ៕
ចែករំលែកព័តមាននេះ