ADផ្ទាំងផ្សព្វផ្សាយពាណិជ្ជកម្ម

Picture

មន្ត្រី​បួងសួងឲ្យ​យាយ​ពេញ​ ជួយ​ដល់​អ្នក​រស់នៅ​ភ្នំពេញ

1 ខែ មុន
  • ភ្នំពេញ

រដ្ឋបាល​រាជធានី​ភ្នំពេញ ទទួល​ទេវតា​ឆ្នាំ​ថ្មី​នៅ​រមណីយដ្ឋាន​វប្បធម៌​ប្រវត្តិសាស្ត្រ​វត្ត​ភ្នំ រាជធានី​ភ្នំពេញ​៖ មន្ត្រី​សាលាក្រុង​ភ្នំពេញ​បាន​បួងសួង​អោយ​យាយ​ពេញ​ជួយ​បីបាច់​ថែរក្សា​ដល់អ្នក​រស់នៅ​ភ្នំពេញ មាន​សេចក្តីសុខ​ ​និង​ចម្រុងចម្រើន​ ។ ស​ង្គ្រា​ន្ត​ឆ្នាំ​ថ្មី ឆ្នាំរោង ​ឆ​ស័​ក…

រដ្ឋបាល​រាជធានី​ភ្នំពេញ ទទួល​ទេវតា​ឆ្នាំ​ថ្មី​នៅ​រមណីយដ្ឋាន​វប្បធម៌​ប្រវត្តិសាស្ត្រ​វត្ត​ភ្នំ រាជធានី​ភ្នំពេញ​៖ មន្ត្រី​សាលាក្រុង​ភ្នំពេញ​បាន​បួងសួង​អោយ​យាយ​ពេញ​ជួយ​បីបាច់​ថែរក្សា​ដល់អ្នក​រស់នៅ​ភ្នំពេញ មាន​សេចក្តីសុខ​ ​និង​ចម្រុងចម្រើន​ ។

ស​ង្គ្រា​ន្ត​ឆ្នាំ​ថ្មី ឆ្នាំរោង ​ឆ​ស័​ក ព​.​ស​២៥៦៨ គ​.​ស​២០២៤ បាន​ចូល​មក​ដល់​នៅ​វេលា​ម៉ោង​២២​និង​២៤​នាទី​យប់ ថ្ងៃ​ទី​១៣ ​មេ​សា​ ឆ្នាំ​២០២៤​។

ក្នុង​ឱ​កាស​ដ៏​រីករាយ​នេះ​ដែរ ក្រុមប្រឹក្សា​រាជធានី​ភ្នំពេញ​,​គណៈ​អភិបាល​រាជធានី​ភ្នំពេញ ​អាជ្ញាធរ​សង្កាត់ ខណ្ឌកងកម្លាំងប្រដាប់អាវុធ​ក្រោម​ឧិ​វាទ​រាជធានី​ភ្នំពេញ បាន​កំណត់យក​ទីតាំង​រមណី​យ​ដ្ឋា​ន​វប្បធម៌ ប្រវត្តិសាស្ត្រ វត្ត​ភ្នំពេញ​ដែល​ជា​និមិត្តរូប​នៃ​ការ​កកើត​រាជធានី​ភ្នំពេញ ​ដើម្បី​ប្រារ​ព្ធ​ពិធី​ទទួល​អំណរ​សាទរ​ទេវតា​ឆ្នាំ​ថ្មី​ឆ្នាំរោង ឆស័ក ព​.​ស​២៥៦៨ គ​.​ស​២០២៤ ក្រោម​អធិបតីភាព​របស់​លោក ឃួង ស្រេង អភិបាល​រាជធានី​ភ្នំពេញ​។

ក្នុង​ឱកាស​នោះ មន្ត្រី​គ្រប់​លំដាប់ថ្នាក់​បាន​អញ្ជើញ​បួងសួង​ដល់ម្ចាស់​ទឹក​ម្ចាស់​ដី​,​លោកយាយ ពេញ​សុំ ជួយ​បីបាច់ ថែរក្សា​អភិបាល​ប្រោះព្រំ​ដល់​ប្រជាពលរដ្ឋ​រាជធានី​ភ្នំពេញ និង​ថ្នាក់ដឹកនាំ​គ្រប់​ជាន់ថ្នាក់​អោយ មាន​សេចក្តីសុខ​ចម្រុងចម្រើន និង​ទទួល​បាន​ជោគជ័យ​ក្នុង​គ្រប់​ការងារ​ក្រោម​ម្លប់​នៃ​សន្តិភាព​នា​ឆ្នាំ​ថ្មី​នេះ ​។

គួរ​បញ្ជាក់​ថា ​ប្រជាជន​កម្ពុជា​ជា​ច្រើន​ក៏​បាន​នាំ​គ្នា​ទៅ​កម្សាន្ត​សប្បាយ​នៅ​វត្ត​ភ្នំ​ផង​ដែរ​ ដើម្បី​លេងល្បែង​ប្រជាប្រិយមាន​ដូច​ជា ទាញ​ព្រាត់​, លោត​បាវ​, ចោល​ឈូង​, បោះ​អ​ង្គុ​ញ​, លាក់កន្សែង​ និង​រាំ​លេងកម្សាន្ត​នៅ​រមណី​ដ្ឋា​ន​ប្រវត្តិសាស្ត្រ​វត្ត​ភ្នំ ដែល​ក៏​មានការ​រៀបចំ​ជា​ស្តង់​លក់ទំនិញ​បែប​អនុ​ស្សាវ​រី​យ៏​ជា​ខ្មែរ ជា​អាហារ​ហូប​ចុក​ជា​ច្រើន​មុខ​ថែម​ទៀត ​៕

អត្ថបទសរសេរ ដោយ

កែសម្រួលដោយ