រាជធានីភ្នំពេញ ៖ សែនអាណិតណាស់ ប្អូនប្រុសពិការដៃជើងមួយរូប លើកដៃសុំឱ្យមហាជន ខណៈគ្រួសាប្អូនមិនអាចបំពេញក្តីស្រមៃរបស់ប្អូនបានដែលជាជាងទូរសព្ទនោះ ។ ជីវិតមនុស្សនៅលើកផែនដីនេះ មានជោគវាសនាខុសៗគ្នា ដោយខ្លះជួបតែមានភាពមានបាន…
រាជធានីភ្នំពេញ ៖ សែនអាណិតណាស់ ប្អូនប្រុសពិការដៃជើងមួយរូប លើកដៃសុំឱ្យមហាជន ខណៈគ្រួសាប្អូនមិនអាចបំពេញក្តីស្រមៃរបស់ប្អូនបានដែលជាជាងទូរសព្ទនោះ ។
ជីវិតមនុស្សនៅលើកផែនដីនេះ មានជោគវាសនាខុសៗគ្នា ដោយខ្លះជួបតែមានភាពមានបាន ខ្លះជួបតែជីវិតទុក្ខលំបាក ដូចជាប្អូនរូបនេះ ឪពុកស្លាប់ចោល ខ្លួនក៏ពិការ ពុំមានចំណេះអ្វីដែលអាចចិញ្ចឹមជីវិតបាន តែប្អូនមានក្តីស្រមៃចង់ក្លាយជាជាទូរស័ព្ទដៃ ក្រែងជួយដល់ម្តាយចាស់ និងខ្លួនឯងដែលពិការដៃ ហើយនិងជើងតាំងពីកំណើត។
តាមរយៈវីដេអូឃ្លីបដែលប្អូនបានបង្ហោះនៅក្នុងបណ្តាញសង្គមយក្ស Tik Tok ប្អូនទទូចថា
«ជម្រាបសួរកពុកម៉ែបងប្អូន ចង់រៀនខាងទូរស័ព្ទដៃ ចង់ជួយម្តាយខ្ញុំ ប៉ុន្តែខ្ញុំអត់មានសមត្ថភាពទៅរៀនទេ ផ្ទះខ្ញុំក្រណាស់ សូមបងប្អូនជួយខ្ញុំផង»។
ក្រោយការបង្ហោះនឹងការនិយាយរៀបរាប់បែបនេះ ធ្វើអោយមហាជនសម្តែងក្តីអាណិតដល់ប្អូនជាពេនពេក ព្រោះប្អូនពិការហើយ គ្មានលទ្ធសូម្បីតែរៀនធ្វើជាជាងទូរសព្ទ ដោយប្អូនមិនចង់បានអ្វីច្រើនទេ ពោលត្រឹមអាចចិញ្ចឹមម្តាយនិងខ្លួនពិការរបស់ប្អូននោះ។
ខ្សែជីវិតពិតគឺបែបនេះ តើបងប្អូនអាចជួយគាត់បាន? គាត់ពិការមែនពិត តែគាត់ចង់មានជំនាញមួយច្បាស់លាស់ គាត់ថាមិនចង់ដើរសុំទានគេនោះឡើយ។
តាមរយៈបទសម្ភាសន៍ជាមួយកម្មវិធី 60Buzz នៃសារព័ត៌មានកោះសន្តិភាព ប្អូនដែលពិការទាំងដៃ និងជើងនេះ ប្អូនឈ្មោះ យុន ធារ ប្អូនថា ប្អូនបានពើបប្រទះពិការភាពនេះ តាំងពីកំណើត។
ប្អូនធារ ជាកូនអ្នកក្រ កើតនៅស្រុកឈូក ខេត្តកំពត ដោយរៀនបានត្រឹមថ្នាក់៤ ដោយខ្លួនពុំបានបន្តសិក្សា ព្រោះគ្មានមធ្យោបាយធ្វើដំណើរណាមួយគ្រួសារក៏ក្រ ខ្លួនក៏ពិការ ឪពុកស្លាប់ជាង៤ឆ្នាំដោយសារជំងឺ ។
ធារដែលជាកូនពៅដ៏កម្សត់ ក្នុងចំណោមគ្រួសារដែលមានបងប្អូនចំនួន៣ ប្អូនថា ចង់រៀនធ្វើជាជាងទូរសព្ទដៃ ឬជាងម៉ូតូ ព្រោះសព្វម្តាយប្អូនជាងស្ត្រីមេម៉ាយ គាត់ក៏ចាស់ធ្វើស្រែត្រុកៗ ចិញ្ចឹមដល់ខ្លួន ហើយចំពោះប្អូនផ្ទាល់បានត្រឹមឃ្វាលគោល ដាក់ស្មៅគោ និងជួយការងារម្តាយតិចតួចដោយមូលហេតុខ្លួនពិការ។
ប្អូនធារកម្សត់ដែលមានអាយុ២១ឆ្នាំ ពើបប្រទះពិការនេះ ប្អូនថា ប្អូនមិនដែលតូចចិត្តនឹងពិការភាព ដៃជើងពិការនោះទេ ហើយប្អូនមានតែការលើកទឹកចិត្តខ្លួនឯង មិនដែលចុះចាញ់នឹងវាសនាខ្លួនឯងម្តងណាឡើយ។
ជាចុងក្រោយ ប្អូនសុំអោយមហាជនជួយដល់ប្អូនផង ប្អូនចង់រៀនជំនាញជាជាងទូរសព្ទដៃ ដោយយល់ថា ជំនាញមួយនេះអាចចិញ្ចឹមប្អូន និងម្តាយប្អូនពេលចាស់ទៅ ។
គួរបញ្ជាក់ដែរ ប្អូនពិការតែប្អូនអាចដើរបានតិចៗ ដោយប្អូនអាចឃ្វាលគោ ជួយការងារម្តាយបានខ្លះៗ ហើយបើងាករទះប្អូនក៏ចាស់ណាស់ទៅហើយក្តី៕ ដោយ៖លីហួ គីមឆាយ
ចែករំលែកព័តមាននេះ