ADផ្ទាំងផ្សព្វផ្សាយពាណិជ្ជកម្ម

Picture

​គំនរ​សំរាម​​តាម​​ផ្លូវ​ក្បែរ​បរិវេណ​ចំណត​ឡាន​ក្បែរ​​​របង​ស្នងការ​​ខេត្ត​​នៅ​តែមិន​​សម្អាត​​

1 អាទិត្យ មុន
  • ព្រះវិហារ

ខេត្តព្រះវិហារ ​៖ រហូត​មក​ដល់​ថ្ងៃ​ទី​៣ ​ខែមេសា ​ឆ្នាំ​២០២៤​ នេះ ទៅ​ហើយ​ គេឃើញ​គំនរ​សំរាម​​នៅ​​​តែ​មាន​គរ​ដូច​ភ្នំ​ដដែល ​ស្ថិត​នៅ​មុខ​ជុំវិញ​បរិវេណ​ផ្សារ​កំពង់ប្រណាក ​ក្រុង​ព្រះ​វិហារ​…

ខេត្តព្រះវិហារ ​៖ រហូត​មក​ដល់​ថ្ងៃ​ទី​៣ ​ខែមេសា ​ឆ្នាំ​២០២៤​ នេះ ទៅ​ហើយ​ គេឃើញ​គំនរ​សំរាម​​នៅ​​​តែ​មាន​គរ​ដូច​ភ្នំ​ដដែល ​ស្ថិត​នៅ​មុខ​ជុំវិញ​បរិវេណ​ផ្សារ​កំពង់ប្រណាក ​ក្រុង​ព្រះ​វិហារ​ ធ្វើ​ឱ្យ​​អាជីវករ​និង​​ប្រជាពលរដ្ឋ​រអ៊ូរទាំ​ខ្លាំង​ណាស់​ ខណៈ​ដែល​ពួក​គាត់​បាន​បង់​ភាស៊ី​អនា​ម័​យជា​រៀងរាល់ថ្ងៃ​ខែ​មិន​ដែល​ខានទេ ​។

ទាក់​ទឹ​ន​បញ្ហាសំរាម​​នេះ​ដែរ ​ប្រជាពលរដ្ឋ​ក៏​ដូច​ជា​អាជីវករ​ក្នុង​ផ្សា​រតែង​រអ៊ូរទាំ​ច្រើន​ខែ​មក​ហើយ ​តែ​អាជ្ញាធរ​ហាក់​មិន​​​ជះ​​ក្លិន​​ស្អុយទាល់តែសោះ ហើយសំរាមនេះ​ដែរ ក៏បានធ្វើឱ្យ​​បាត់បង់​សោ​
ភ័​ណ្ឌ​ភាព​ផ្សារ​និង​​​ក្រុង​ទាំ​មូល ​ដែល​​អភិបាលក្រុង​ក៏​ធ្លាប់​ប្រាប់​ថា​ ឱ្យ​​ខាង​ក្រុម​ហ៊ុន​​ទទួល​សេវា​
​ប្រមូលសំរាម​​​​​​ទៅ​សម្អាត​ហើយ ​តែ​រហូត​មក​ដល់​បច្ចុ​ប្ប​ន្ន ​ក៏​នៅ​មានការ​យឺតយ៉ាវ​នៅឡើយ​ ។

​ជុំវិញ​ក្បែរ​ៗ​​បរិវេណ​ចំណតរថយន្ត​ ស្ថិត​ក្នុង​ក្រុង​.​ខេត្ត​.​ព្រះ​វិហារ ​គេ​​​សង្កេត​ឃើញ​ពោ​រពេញ​ទៅ​ដោយ​គំនរ​និង​សំរាម​​រាយ​ប៉ាយ​ពាសពេញ​តាម​ដងផ្លូវ ​ហាក់បីដូចជា​សួនច្បា​រមួយ​ប្រកប​ទៅ​ដោយ​ផ្កា​រីក​ស្គុះ​ស្គាយ​ទៅ​ហើយ​ ទើប​អា​ជ្ញា​​ធរ​មូលដ្ឋាន​ភូមិ-​ឃុំ​ក៏​ដូច​ជា​មន្ត្រី​ជំនាញ​បរិស្ថាន​និង​អ្នកម៉ៅការ​​​សំរាម​ ​ឬ​ចំណតរថយន្ត​មិន​ខ្ចី​អើពើ​រឿងសំរាម​នេះ​ទាល់តែ​សោះ​។

ប្រភព​ពី​ប្រជាព​ល​រដ្ឋ​ដែល​រស់នៅ​ជំវិញ​ក្បែរ​ៗ​បរិវេណ​នោះ​ ស្ថិត​ក្នុងភូមិ​កណ្ដាល​ សង្កាត់​កំពង់​ប្រណាក​ ក្រុង​ព្រះ​វិហារ​ ខេត្តព្រះវិហារ​ បាន​ឲ្យ​ដឹង​នៅ​ព្រឹក​ថ្ងៃ​ទី​២៩​ មីនា ​ឆ្នាំ​២០២៤ ​ថា​ គំនរ​សំរាម​​ដែល​រាយ​ប៉ាយ​ និង​គរ​ជា​គំនរ​នោះ​ភាគ​ច្រើ​កើត​ចេញពី​អ្នកដំណើរ​ ត្រូវ​រង់ចាំ​ជិះរ​យន្ត​នៅ​ទី​ចំណត​ក្រោយ​ពេល​មានការ​ហូប​ចុក​ចំណី​អា​​ហារ​ផ្សេង​ៗ​ ឬ​របស់របរ​ដែល​បាន​ប្រើប្រាស់​នោះ​ មិន​មាន​ការ​វេចខ្ចប់​ឲ្យ​បាន​ត្រឹមត្រូវ​ រក​កន្លែង​មាន​ធុង​ដាក់​សម្រាប់​ក្រុមហ៊ុន​គេ​មក​ដឹក​ជញ្ជូន​ទេ ​បែរជា​បោះ​គ្រវែង​ចោល​ពាស​វាល​ពាស​កាល​ បង្ក​​ឲ្យ​មានការ​រាយ​ប៉ាយ​រង​ផល​ប៉ះពាល់​ដល់​អនាម័យ​បរិស្ថាន​ស្អាត​ផង​ដែរ​ ។

ប្រភព​បន្ត​ថា​ តាម​លំនៅ​ឋាន​​ប្រជាពលរដ្ឋ​ដែល​រស់នៅ​ក្បែរ​ៗ​នោះ​ គេ​តែង​មានការ​វិច​ខ្ចប់​ត្រឹមត្រូវ​តាម​ការ​ណែនាំ​អាជ្ញាធរ ​និង​ជំនាញ​បរិស្ថាន​ ដើម្បី​ងាយស្រួល​ដល់​ក្រុមហ៊ុន​សំរាមម​ក​​ដឹក​ជញ្ជូន​ផង​ ។ ប៉ុន្តែ​ដោយឡែក​ សំរាម​​ដែល​រាយ​ប៉ាយ​ពាសពេញ​តាម​ដងផ្លូវ​នោះ​ ភាគច្រើន​កើត​ចេញពី​អ្នកដំណើរ​រង់​ចាំ​ជិះ​រថយន្ត​ និង​មួយ​ផ្នែក​ធំ​ទៀត​នោះ​ គឺ​កើត​ចេញពី​អ្នក​រទេះគោ​យន្ត​កន្ត្រៃ​ដែល​មក​ឈប់​សំចត​សម្រាក​ជ្រក​ម្លប់​ពេល​ថ្ងៃ​ក្តៅ​ជាដើម​ផង ​។ ខណៈនោះ​ ពួក​គេ​មាន​ហូប​ចំណីអា​ហារ​បាយ​កញ្ចប់​របស់របរ​ផ្សេង​ៗ​តែង​បោះចោល​ពាស​វាល​ពាស​កាល​មិន​ជ្រួតជ្រាប​អំពី​ការ​ណែនាំ​ដល់​ផល​ប៉ះពាល់​បរិស្ថាន​ស្អាត​នោះ​ឡើយ​។

​​ទោះជា​យ៉ាងនេះ​ក្តី​ បើ​មាន​បងប្អូន​ប្រជាពលរដ្ឋ​ដែល​ល្ងឹ​ត​ល្ងង់​មិន​យល់​អំពី​ផល​ប៉ះពាល់​ដល់
​បរិ​ស្ថាន​ស្អាត​ក្តី​ ក៏​គួរតែ​មាន​អាជ្ញាធរ​ភូមិ​ឃុំ​.​សង្កាត់​.​ក្រុង​ខេត្ត​ ក៏​ដូច​ជា​មន្ទីរ​បរិស្ថាន​នោះ​តែ​ម្តង​ ត្រូវ​មា​ន​កម្មវិធី​សម្អាត​បរិស្ថាន​នៅ​ជុំវិញ​ក្រុង​ផង ​ព្រោះ​អីសំរាម​​ដែល​រាយ​ប៉ាយ​នោះ​គឺ​នៅ​ជុំវិញ​ចំណតរថយន្ត​តាម​របង​ស្នងការដ្ឋាន​ជាដើម​ផង​ចំ​កណ្តាល​ទីក្រុង​ព្រះ​វិហារ​តែ​ម្តង​សម្រាប់​បង្អួត​ភ្ញៀវ​ទេសចរណ៍​ជាតិ​និង​អន្តរជាតិ​នា​រដូវ​ចូល​ឆ្នាំ​ថ្មី​នេះឯង​។

គំនរ​និង​សំរាម​​ដែល​រាយ​ប៉ាយ​តាម​ដងផ្លូវ​នៅ​ក្នុង​ក្រុង​ព្រះ​វិហារ​នោះ​ ប្រជាពលរដ្ឋ​រស់នៅ​ទីនោះ​ថា​មិនមែន​ទើបតែ​មាន​មួយ​ថ្ងៃ​ពី​ថ្ងៃ​នោះ​ទេ ​គឺ​មាន​តាំងពី​យូ​រឆ្នាំ​យូ​ខែ​មក​ហើយ ​អាជ្ញាធរ​ក៏​ដូច​ជា​មន្ទីរ​ជំនាញ​មិន​ដែល​យកចិត្តទុកដាក់​យក​ភ្នែក​មើល​ឬ​មាន​ផែនការ​កំចាត់​សម្រាម​នៅ​ទីនោះ​ឡើយ​។

លោក រឹទ្ធ​.​ ជា​ថៅកែ​ចំណតរថយន្ត​ប្រាប់​តាម​ទូរ​ស័​ព្ធ​ នៅ​រសៀល​ថ្ងៃ​ទី​២៩ ​ថា ​គេ​ធ្វើ​អនាម័យ​រហូត​មក​តើ ​គ្រាន់តែ​មានការ​យឺតយ៉ាវ​មិនឃើញ​មានអី​បញ្ហា​ផង​ល្ងាច​ឡើង​សម្អាត​ហើយ​រាល់ថ្ងៃ​និង​គ្រាន់តែ​ថា​អ្នក​ជិតខាង​វា​មាន​អ​ញ្ចេះ​មាន​អ​ញ្ចុះ​ទៅ​ធម្មតា​មិន​អី​ទេ​។

លោក​សុង​ចាន់ ​សុ​ជាតិ ​ប្រធាន​មន្ទីរ​បរិស្ថាន​ខេត្តព្រះវិហារ​បាន​ឲ្យ​ដឹង​ នៅ​វេលា​បន្ទាប់​ថា ​អនុ​ក្រិ​ត្យ​លេខ​១០៧៣ ​បាន​ប្រគល់​កា​ងារ​និង​ទៅ​ឲ្យ​ក្រុង​ហើយ ​រួម​ទាំង​មាន​ថវិកា​មានអី​ទៀត​ សម្រាប់​ខាង​មន្ទី​របរិស្ថាន​មាន​ផ្តល់​ខាង​បច្ចេកទេស​ឲ្យ​ទៅ​ខាង​ក្រុង​គេ​មាន​ក្រុមហ៊ុន​ប្រ​មូលសំរាម​មានអី​ទាំង​អស់ហើយ ។

លោក ប៉ុក ងួ​ន អភិបាលក្រុង​ព្រះ​វិហារ​បាន​ឲ្យ​ដឹង​តាម​ទូរ​ស័​ព្ធ​នា​រសៀល​ថ្ងៃ​ដដែល​នោះ​ដែរ​ថា​
បាន​ប្រាប់​ខាង​ក្រុម​សេវា​ប្រមូល​គេ​ទៅ​ចុះ​ប្រ​ម៉ូ​លហើយ​អត់​ទាន់​ឃើញ​ទេ​…​?​ បែប​មិន​ទាន់​ឃើញ​គេ​ទៅ​ឲ្យ​ខាង​សេវា​ចុះ​ទៅ​ប្រ​ម៉ូ​លហើយ​។

ទាក់ទិន​និង​បញ្ហា​សំរាម​នេះ​ដែរ​ មិនមែន​មានការ​កកស្ទះ​នៅ​តែ​បរិវេណ​ចំណត់រថយន្ត​ប៉ុណ្ណោះ​ទេ​សូ​ម្បី​តែ​នៅ​ជុំវិញ​ និង​ខាង​មុខ​ផ្សារ​កំពុង​ប្រណាក​ក៏​គេ​តែង​សង្កែ​ត​គរ​ទុក​បង្ករ​ឲ្យ​មាន​ក្លិន​​ស្អុយ
រ​លុយ​នៅ​ទីនោះ​ដែរ​ ហើយ​​ប​វេលា​នេះ​តទៅ ​ប្រជាពលរដ្ឋ​ស្ទើរ​ទូ​ទាំង​ក្រុង​ទៅ​ហើយ​ ដែល​កំពុង​តែ​រង់​ចាំ​មើល​វិធានការ​ ​ដើម្បី​បរិស្ថាន​ស្អាត​ពី​សំណាក់​អាជ្ញាធរ​ក្រុង​ក៏​ដូច​ជា​ក្រុមហ៊ុន​ម៉ៅ​ការ​សម្អាត​នោះ​ មាន​ប្រសិទ្ធភាព​កំរិត​ណា​……​?​

អត្ថបទសរសេរ ដោយ