ខេត្តកំពង់ឆ្នាំង ៖ ដេប៉ូលក់ប្រេងមួយកន្លែងមានទីតាំងតែមកដល់ប្រជាលេខ5 ស្ថិតនៅក្នុងភូមិ ជំទាវសុខឃុំច្រេះ ស្រុកកំពង់ត្រឡាច ត្រូវបានអគ្គិភ័យឆាតឆេះប្រមាណ50% ដែលមានតម្លៃទឹកប្រាក់ប្រមាណ 4ម៉ឺនដុល្លារ ដែលហេតុការណ៍នេះបានកើតឡើងនៅវេលាម៉ោង05ល្ងាចថ្ងៃទី28…
ខេត្តកំពង់ឆ្នាំង ៖ ដេប៉ូលក់ប្រេងមួយកន្លែងមានទីតាំងតែមកដល់ប្រជាលេខ5 ស្ថិតនៅក្នុងភូមិ ជំទាវសុខឃុំច្រេះ ស្រុកកំពង់ត្រឡាច ត្រូវបានអគ្គិភ័យឆាតឆេះប្រមាណ50% ដែលមានតម្លៃទឹកប្រាក់ប្រមាណ 4ម៉ឺនដុល្លារ ដែលហេតុការណ៍នេះបានកើតឡើងនៅវេលាម៉ោង05ល្ងាចថ្ងៃទី28 ខែមីនា ឆ្នាំ 2024 ។
លោកឧត្តមសេនីយ៍ត្រីលុយ ឌីណា ស្នងការរងនគបាលខេត្តកំពង់ឆ្នាំងបានបញ្ជាក់ថា ម្ចាស់ដេប៉ូលក់ប្រេងរងគ្រោះខាងលើ ឈ្មោះយាប់ សារុន អាយុ២៨ឆ្នាំ មានប្រពន្ធឈ្មោះធន ចន្ថា អាយុ២៨ឆ្នាំ មានមុខរបរជាគ្រូបង្រៀនទាំងពីរនាក់ និងជាម្ចាស់ដេប៉ូលក់ប្រេងហ្នឹងលក់គ្រឿងសំណង់ រស់នៅក្នុងភូមិឃុំស្រុកកើតហេតុខាងលើ ។
លោកស្នងការរងបានអោយដឹងទៀតថា មូលហេតុអគ្គិភ័យកើតឡើងសង្ស័យបណ្តាលមកពីឆ្លងចរន្តអគ្គិសនី ។ ក្នុងកិច្ចអន្តរាគមន៍ពន្លត់អគ្គិភ័យបានប្រើរថយន្ត៩គ្រឿង និងអស់ទឹក១០រថយន្ត ។ លោកស្នងការរងបានបញ្ជាក់ទៀតថា ក្រោយកិច្ចពន្លត់អគ្គិភ័យឃើញការខូចខាតមានសំណង់ដេប៉ូឆេះអស់៥០%ទូកុងទ័របូមប្រេង១គ្រឿង, ម៉ាស៊ីនភ្លើង១គ្រឿង, ម៉ូទ័របូមទឹក១គ្រឿង, ទុយយោបូមទឹក២០ដុំ, ទុយោជ័រ300ដើម, ចំណីសត្វ៤០ការ៉ុង, ស៊ីម៉ង់ត៍៥តោន, ដបច្រកទឹកសុទ្ធ៨០០០ដប, ប្រេងម៉ាស៊ីន៣១២ដបនិងកាន២០០កាន ក្រៅពីនោះមានសម្ភារប្រើប្រាស់មួយចំនួនទៀត សរុបទឹកប្រាក់ជាង៤ម៉ឺនដុល្លារ។
ចែករំលែកព័តមាននេះ