ខេត្តកំពង់ឆ្នាំង ៖ ក្រុមការងាររបស់មជ្ឈមណ្ឌលសកម្មភាពកម្ចាត់មីនកម្ពុជាស៊ីម៉ាក់ ខេត្តកំពង់ឆ្នាំង នៅព្រឹកថ្ងៃទី១៦ ខែមីនា ឆ្នាំ២០២៤ បានចុះស្រាវជ្រាវរាវរកគ្រា.ប់មីន និងគ្រា.ប់មិនទាន់ផ្ទុះ នៅលើទីតាំងដីថ្មីដែលគ្រោងសាងសង់អគារសិក្សាអនុវិទ្យាល័យកងមាស…
ខេត្តកំពង់ឆ្នាំង ៖ ក្រុមការងាររបស់មជ្ឈមណ្ឌលសកម្មភាពកម្ចាត់មីនកម្ពុជាស៊ីម៉ាក់ ខេត្តកំពង់ឆ្នាំង នៅព្រឹកថ្ងៃទី១៦ ខែមីនា ឆ្នាំ២០២៤ បានចុះស្រាវជ្រាវរាវរកគ្រា.ប់មីន និងគ្រា.ប់មិនទាន់ផ្ទុះ នៅលើទីតាំងដីថ្មីដែលគ្រោងសាងសង់អគារសិក្សាអនុវិទ្យាល័យកងមាស តាមសំណូមពររបស់លោកមេឃុំប្រឡាយមាស មេឃុំផ្លូវទូក និងមេឃុំកំពង់ព្រះគគី រួមទាំងអាជ្ញាធរដែនដី ដែលតម្រូវការសាងសង់អគារសិក្សា ធ្វើអនុវិទ្យាល័យ ។
លោក ញ៉ែម សុភ័ក្ត្រ តំណាងប្រធានមន្ទីរអប់រំយុវជន និងកីឡាខេត្តកំពង់ឆ្នាំងបានមានប្រសាសថា ដោយទទួលបានអំណោយអគារសិក្សាសម្រាប់កសាងអនុវិទ្យាល័យប្រឡាយមាស ពីក្រសួងអប់រំយុវជន និងកីឡា សម្រាប់សិស្ស សិក្សាចំនួន៣ឃុំ គឺឃុំប្រលាយមាស ឃុំផ្លូវទូក និងឃុំកំពង់ព្រះគគីរ ចូលមកសិក្សា ហើយកន្លែងសាងសង់ គឺជាកន្លែងថ្មី និងខ្លាចមានហានិភ័យបង្កគ្រោះថ្នាក់ ពេលសាងសង់ អាជ្ញាធរមូលដ្ឋានទាំង៣ បានបំណូមពរដល់អង្គភាពស៊ីម៉ាក់ចុះស្រាវជ្រាវរាវរកគ្រាប់យុទភណ្ឌមិនទាន់ផ្ទុះ។
ជាលទ្ធផលនៃកិច្ចប្រតិបត្តិការរបស់ក្រុមមជ្ឈមណ្ឌលសកម្មភាពកម្ចាត់មីនស៊ីម៉ាក់បានរកឃើញគ្រាប់មិនទាន់ផ្ទុះចំនួន៣គ្រា.ប់ គឺគ្រា.ប់បែកដៃ១គ្រាប់ និងគ្រាប់កាំភ្លើ.ងត្បាល់ ៦០mm ចំនួន១គ្រាប់ ។ អង្គភាពស៊ីម៉ាក់ក៏បានយកទៅរក្សាទុក ដើម្បីចាត់ការតាមិវិធី ។
នៅក្នុងឱកាសនោះដែរ ក្រុមការងារនៃមជ្ឈមណ្ឌលសកម្មភាពកម្ចាត់មីនស៊ីម៉ាក់ក៏បានចែកអំណោយជាសម្ភារៈសិក្សាមានដូចខ្មៅដៃសៀវភៅជូនដល់សិស្សផងដែរ ៕
ចែករំលែកព័តមាននេះ